عم أحمد الغرباوي سواق عنده اكتر من 60 سنة هو اللي شال الليلة بتاعت ابو الملاليك رمسيسو التاني، الراجل ده عجبني فيه ثقته في نفسه المختلطة بثقته في الله سبحانه وتعالي.. الست المذيعة بتسأله قبل التحرك بساعات قلقان يا عم أحمد !؟ قالها بعون الله انا اقدر اوصل الملك ده "مارشيدير" بضهره يعني، صباح الثقة عجبني جداً كنت بدأت أشك إن فيه حد واثق في نفسه لسه عايش في البلد دي... لما وصل في آخر الرحلة اللي إستغرفت اكتر من 10 ساعات سألته تاني, إيه كان شعورك يا عم أحمد وانت طالع بالملك مطلع كوبري المنيب، كنت قلقان !؟ قالها اكني كنت بتمشي علي رجلي مع الملك واحنا بنتكلم مع بعض.. يا مزاجك يا عم أحمد.
انا سهرت الليلة دي متابع للعملية وباسجلها... يعني عادة منيلة عندي اني اسجل الأحداث دي، محدش عارف إيه اللي ممكن يحصل فين وإمتي ..!!؟ يعني ماتعرفوش ممكن حاجة تحصل هوب يبقي الشريط اللي معايا ده تاريخ !! الحمد لله الحكاية عدت علي خير مش عشان بركات الحج رمسيس لكن عشان العملية مش ناقصة خالص... ربنا يكملها بالستر علينا بس المهم التمثال مشي من ميدان رمسيس » شارع رمسيس -عكس الاتجاه- » شارع يوسف بك وهبى » شارع الفجالة -عكس الاتجاه- » شارع الجمهورية » شارع 26 يوليو - فؤاد سابقا - » شارع طلعت حرب - سليمان باشا سابقا - » ميدان التحرير -عكس الاتجاه- » شارع القصر العينى -عكس الاتجاه- » شارع مجرى العيون - بدءا من فم الخليج ومرورا بجوار كوبرى الملك الصالح -عكس الاتجاه- ثم السير فى الاتجاه الصحيح » كوبر المنيب » شارع ترعة المنصورية » شارع الهرم » شارع نادى الرمايه » المتحف القومى الكبير ( ساحة التخزين )... نمت انا بقي بعد ما طلع محور المنيب مقدرتش الصراحة، لكن صحوني الساعة 11:30 قالولي إصحي خالك وصل!
شكل لكساحات النقل
-
يغادر التمثال الذي يزن 83 طناً موقعه لأول مرة بعد أن ربض فيه لأكثر من نصف قرن.
ملحوظة صغيرة للمغفل اللي نقل التدوينة دي بالحرف ونسبها لنفسه وإدعي إنه يا حرام بيحاول بقصاري جهده إنه يجيب للناس كله جديد..!! الصور دي لعمليات ما قبل النقل وصور النقل الليلية دي للبروفة اللي تمت من شهر مش لعملية النقل اللي بتدعي انك تابعتها يا دغف !! إتقي الله يا اللي عايز الناس تدعيلك في جوف الليل ..!! وبعدين ثانية واحدة هنا .. يعني عشان انت وريتني صور لنقل تمثال رمسيس أدعيلك في جوف الليل يا سلااااام يخرب عقلك يا راجل بجد مثال لجملة.. متآمر وأهبل
-
No comments:
Post a Comment