أزمة منتصف العمر 23 سنة
ديوان لـ هيثم دبور
دار العين
الغلاف: هشام رحمة
-
-
Created by
Karim El Shenawy
Starring
Ahmed Hayman
Soha Al Feky
Ahmed Al Kady
Voice Over
Yousseif El Hosseni
Special Thanks
Hager Mohamed / Mohamed Salah / Amir Al Shenawy
Baraa Ashraf / Sondos Shabayek / Wael Al Shenawy
Saleh Hawwash / Sameh Maher
تعرفي اني مش باعرف أقرا الا لما اكون مسافر؟
انا عايز اقرا كتاب وانا هناك
فيه حاجة قررتها؟
لأ لسه انا باخد رأيك
فيه حاجة معينة بتفكر فيها؟
فيه "تغريدة البجعه" و"عزازيل" لسه ماقريتهومش
بس انا جبت الكتابين دول عشان واحدة عزيزة عليا قالتلي
مش عشان انا عايز اقراهم
خلاص يبقي تغريدة البجعة بلاش عزازيل
اصل كمان احتمال اقعد كام يوم هناك زيادة عند واحد صاحبي
بس هو بيشتغل يعني هيكون عندي وقت انزل اروح أي مكان
اتصفح جريدة عكاظ
لأ عكاظ دي في السعودية!!
اوك اتصفح جريدة المملكة
لأ الإمارات مفيهاش جريدة اسمها المملكة!!
أوك أتصفح الحياة اللندنية
واروح حاطت الجريدة علي الكرسي اللي جنبي
وانادي البنت الويتر السنغافورية
اللي غالباً هتقع في حبي
وأنا هارفضها لعدم تقارب المستوي ما بينا
ولأني مش هاقبل بالوظيفة اللي هتكون عايزة تشغلهالي
لما نرجع لـ سنغافورة
وده هيولد عندها طاقة مكبوتة جواها
هتمشي ورايا وانا مروح
وهتقتفي أثري!
وتاني يوم هتستناني وانا نازل من البيت
بس انا مش بانزل الصبح!!
ليه انزل هو انا ورايا شغل!!
صاحبي سعد شغال مهندس هناك
ملامحه شبهي لكننا في الطول والحجم مختلفين
ساكي هتتخيل انه انا
مستنياني تحت البيت
سيبت فرامل العربية اللي شافتني راجع بيها
بمساعدة من اخوها
18 سنة اتولد في الإمارات
وعايز يساعد ساكي اخته عشان هي اللي ربته
بعد ما مامته ماتت وهما جايين للإمارات
بعد ما هربت من بطش ابوهم في سنغافورة
وطبعا ساكي عايزة ترجع بيا هناك
عشان تتحامي فيا
لكن انا معنديش خلفيه بده كله
سعد بيعدي الشارع وساكي بتبص بنظرات انتقام
لكن فجأة بتفهم انه مش انا
ده مش هو
ودي مش عربيته
( ساكي بتتكلم سنغافوري )
( فيه ترجمة )
بتحاول تعدي الشارع
لكن عربية مسرعة بتصدمها!
وسعد بيركب العربية بعد ما بيحاول ينقذها
يتصل بالإسعاف ويضرب كف علي كف ويمشي
مش مدرك ان اللي انقذها هي اللي هتقتلوا بعد شوية
واني انا اللي نايم فوق السبب في انها عملت كده !!
-
هل هيقدروا ينقذوا ساكي في المستشفي؟
هل سعد فعلا هيموت؟
هل العربية فراملها هتكون فعلا باظت؟
هل اخو ساكي بوظ العربية ولا كان بيجاريها؟
هل انا هاتنيل اصحي بعد كل اصوات الفرملة والإسعاف؟
أسئلة مهمة.. هل عندك إجابة؟
مباراة قبل النهائي - مصر في كأس الأمم الإفريقية – أنجولا 2010
مصر 4 – 0 الجزائر
الخميس 28 يناير 2010
الساعة 21:30 بتوقيت القاهرة
إتفرجت علي الماتش في 'Tivoli Dome' مع ناس كتير أوي !
المكان كان زحمة لدرجة إننا كنا هنروح ومش هنتفرج ...
لكن يجي أحمد عزالدين اخويا الهمام الشجاع المغوار ...
يتصل بيا ، عشان يقولي ايه ده انت مش لاقي مكان ؟ انا هنا !
طبعاً مارست سلطتي كأخ كبير و قومته هو و صحابه التلاتة
بدلنا الترابيزة بتاعته بترابيزة ناس تانية بس في مكان اوسع
عشان نجيب كراسي اكتر ..
وبدأت " رحلتهم " انهم يدورا علي كراسي أكتر ...
كان دور بطولي منهم الصراحة ...
-
لمحات سريعة عشان مانساش اللي حصل..
- ميرسيه يا لولو !
- احمد اخوك وصحابه يقعودوا الأول
- احنا هنقعد فين ؟
- انت ليه خلتنا نسيب المطعم يا عبد الناصر !
- فيه لمحة علي الويتر مش عارف اكتبها ازاي الصراحة
- خليي العلم مقفوووول
- منة خليكي تحت علي فكرة !
-
تعليقات وتحليلات المباراة في المواقع اللي باتابعها
شوية صور من أجواء المباراة و الإحتفالات بعد المباراة
-
يا مسهل.. اللي جاي النهائي.. غانا !
مباراة دور الثمانية - مصر في كأس الأمم الإفريقية – أنجولا 2010
مصر 3 – 1 الكاميرون
الإثنين 25 يناير 2010
الساعة 18:00 بتوقيت القاهرة
إتفرجت علي الماتش في 'Tivoli Dome' مع منة و رنا و مروة
ضحكت ضحك في حياتي ماضحكتوش وانا باتفرج علي ماتش كورة !
-
لمحات سريعة عشان مانساش اللي حصل..
- عماد متعب والدور الإستراتيجي
- مروة و شعر محمود فتح الله
- الـ 180 صورة اللي انا اتصورتهم غصب عني
- حلاوتهم في الطقم البمبي
- إيه ده ؟ ايه اللي مقعدها هنا دي؟
- عمو؟ هي تفرق لو كسبنا 3 او 4 ؟
-
ودي لمحات أضافتها رنا برضه عشان ماننساش اللي حصل..
- لو سمحت هوه احنا ممكن ناكل ؟
- سوكوبان
- إيه ده أوباما إيتو؟!
- النخلة دي لازم تتشال من هنا
- كانوا بيكهربوه قبل كل ماتش
- الحكم بياخد الطلبات
- مأساة لأطفال الكاميرون
- العلم لازم يفضل مقفول كده
- زيدان.. محتاج مسيدج تعنيف يا منة
- حاولنا نحميهم عملنا حواليهم دايرة بما فيهم الولدين !!
- مين المشجعات دول اللي هناك ؟؟
- ابوس دقنك يا تامر بلاش المنتخب
- ده هوه عنده قوة فخبط الولد..!
- لأ لأ ده هوه بيعمل كده عشان التاني معاه سنيكرز..!
- لأ لأ لأ ده علشان ياخد منه الشوكولاته..!
- السكينة سرقتني !!
- الكورة دي لو اتشاطت هتوصل اسكندرية في ساعتين
-
-
تعليقات وتحليلات المباراة في المواقع اللي باتابعها
لقطة للمدير الفني حسن شحاته انا ماسمعتهاش الإ لما روحت
-
شوية صور من أجواء المباراة
يا مسهل.. اللي جاي دور الأربعة " قبل النهائي ".. الجزائر !
صباح الخير
قريت عند "منة" بوست جميل اسمه "حرموني" في مدونتها (منونيات) اللي فاجأتني إني كنت من الناس اللي شجعوها إنها تكتب واتفاجأت كمان إنها قريت تقريبا معظم أو أخر تدويناتي.. طبعاً مش هاقول كانت كاتبه إيه لأن ممكن تشرفوها بزيارتكم، أنا متفق معاها جداً وهانقل الرد اللي كتبته لها هناك.
_____
اوك
صباح الخير أولا
---
طبعا ده كلام مهم جداً، بس المشكلة إن الدنيا زحمة جداً، والناس مفيش حد فيهم بيحاول يفهم أو يدرك إن لو فيه حد معاه حاجه.. فهي من تعبه ومن اجتهاده وحاول فيها كتير جدا لحد ما وصلها، ولو فيه حاجة مش مع حد، ده مش معناه انه ماجتهدش أو انه مايستحقش ده أو انه ملعون وان ربنا غضبان عليه، سواء كده أو كده كله نصيب واجتهاد وطرق وسبل إحنا ماشيين فيها.
---
كنت لسه بأتكلم مع والدي إن كل حاجة خير لينا، بس إحنا مش مدركين إن فيه خطوات، فيه خطوات عشان الواحد يوصل لحاجة كبيرة، حلوة، مهمة، ناجحة، طعمها حلو او مر، فيه خطوات كل واحدة بتوصل للتانية بس إحنا ما بنصبرش.
---
يعني أنا مش هاصحي الصبح ألاقي نفسي عندي فيلا علي الجبل في لوكسمبورج أو أكون تالت اكبر مورد للسمك والجمبري في ليبيا أو حتى أكون صاحب أسطول بواخر من اللي بتغرق الناس وهي رايحة تحج ولا تعمل عمرة، فيه خطوات كل واحد بيمشيها عشان يشوف مصيره و ياخد رزقه بإيده مش بإيد غيره
---
سئل الحسن البصري عن سر زهده في الدنيا فقال أربعة أشياء: علمت أن رزقي لا يأخذه غيري فاطمأن قلبي، وعلمت ان عملي لا يقوم به غيري فانشغلت به وحدي، وعلمت ان الله مطلع علي فاستحيت أن يراني عاصياً، وعلمت ان الموت ينتظرني فأعددت الزاد للقاء ربي
---
والي اللقاء في حلقة قادمة ااااااان شاء الله
تارارا رااااااا تاراراررااااااا راراراراراراراااا
صباح الفل (مبتسم) *
_____
الموسيقي اللي كنت باحاول اكتبها
هي الموسيقي اللي جت في دماغي بعد ما خلصت التعليق
حسيت اني في برنامج العلم والإيمان (مبتسم) *
---
مقدمة برنامج " العلم والإيمان "
للعالم الجليل الراحل مصطفي محمود ، عزف الناي للرائع محمود عفت
مساء الخير
بعد ما كتبت البوست ده ( سيول في مصر ) عجبني رد فعل الناس
وعجبني إن فيه ناس بعتت لي رسائل علي المدونة وعلي الفيس بوك
وكله كان بيحاول يفكر معايا..
لاقيت رقم مهم لجمعية أنا أثق فيها هي جمعية رسالة
وشخصياً ها تبرع معاهم ولو خلصت الشغل اللي باعمله الكام يوم دول
ان شاء الله ها سافر أروح أساعد بأي شكل من الأشكال
=
لمساعده المتضررين من السيول
في محافظة أسوان ومحافظتي جنوب وشمال سيناء
وللاستفسار وجمع التبرعات
--
يمكن انا مش قلقان علي شرم الشيخ مع اني متعاطف مع كل واحد غلبان هناك، بس علي الأقل دي فنادق وعندها مواردها وهتقدر تنضف اللي حصل وتقوم تاني، لكن في أسوان و ابو زنيمة و العريش المشاهد مفجعة، ابو زنيمة دي اللي بنعدي عليها يا شباب لما بنكون رايحين راس سدر او شرم او نويبع.. ناس طيبين ملهومش غير بيوتهم و اكل عيشهم من اللي بيعدي عليهم
-
دي صور من شرم الشيخ من مصور أجنبي صديقي ...
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
المبارة الثالثة في مشوار مصر في كأس الأمم الإفريقية – أنجولا 2010
مصر 2 – 0 بنين
السبت 20 يناير 2010
الساعة 18:00 بتوقيت القاهرة
في الشوط الأول كان بدأ وانا كنت في اجتماع مهم جداً
مع شخص مهم جداً في فندق فيرمونت بمصر الجديدة..!
بمعني تاني.. الشوط الأول ضاع مني..
إتفرجت علي الشوط الثاني في بيت العز مع العائلة!
-
تعليقات وتحليلات المباراة في المواقع اللي باتابعها
-
شوية صور من أجواء المباراة
يا مسهل.. اللي جاي دور الثمانية.. الكاميرون !
Posts
All Comments
.jpg)
.jpg)
