Thursday, October 26, 2006

فضيحة كل البلد


شاهد وإستمع
شهادة الشهود علي واقعة وسط البلد علي دريم 2

تحديث 2 نوفمبر 2006

ملحوظة : كل من يريد نسخ لمقال ونشره له مطلق الحرية في ذلك مع الإشارة للمدونة في نقله


أنا قرفان من اللي حصل في وسط البلد في أول أيام العيد ..!! لما جاري محمد سهيم كلمني وقالي أنه كان ماشي بالعربية عند شارع طلعت حرب والسكة كانت واقفة وجيه يسأل واحد بتاع "بلالين" : هو في إيه ؟ رد عليا وقالي : عيال هيجانة يا باشا !!! ساعتها مصدقتش نفسي من اللي بأسمعه.. وإتأكدت إن اللي قريته علي الوعي المصري حصل فعلاً وإن صور وائل عباس اللي كان مغطي اللي حصل، حقيقة !! بعد ما حاولت أكذب نفسي... هاسيبكم مع حكاية مالكوم للي حصل وصور وائل وهابقي احكيلكم حكاية حصلتلي انا نفسي في النهاية..

دي رواية مالكوم للي حصل : نجلس على المقهى بوسط المدينة انا ووائل عباس وناصر نوري (مصور لوكالة رويترز الإخبارية) ومحمد الشرقاوي واخرين يأتي لنا احد الزملاء ويخبرنا ان امام سينما مترو بشارع طلعت حرب تحدث حالات انتهاك جنسي وتم تحطيم شباك تذاكر سينما متروتوجهنا في الحال الى المكان وكان يدور بخاطرنا ان ما يخبرنابه الزميل هو مجرد تهويل لا أساس له من الصحه خاصة ان الشوارع المحيطة بسينما مترو كانت هادئة جدا ونحن في الطريق الى هناك.


توقفنا عند السينما بعد ان رأينا شباك التذاكر المحطم واعتقدنا ان ما اخبرنا به الزميل هو مجرد اوهام او مبالغات على أقصى تقدير. لكن بعد أقل من خمس دقائق وجدنا اعدادا غفيرة من الشباب تصفر وتركض بإتجاه شارع عدلي تحركنا معهم لنرى ماذا يحدث فوجئنا بفتاة في أوائل العشرينات تعثرت على الارض والتف حولها عدد كبير من الشباب يقومون بتحسس اجزاء جسدها ونزع ثيابها عنها.


لم افهم او لم استوعب بمعنى ادق ما يحدث قامت الفتاة مسرعة مره اخرى وحاولت الركض في اي اتجاه الى ان رأت مطعما سوريا يدعى المضيفة او شئ من هذا القبيل ودلفت الى الداخل وحاوط الشباب المطعم ولم ينصرفوا الا بعد ان صاح اخر (في واحده تانية قدام ميامي) ركض الجميع اتجاه شارع طلعت حرب مره اخرى ووجدت هناك فتاه محاصرة تماما داخل دائره محاطة بمئات من الشباب يحاولون ان يتحسسوا جسدها وينزعوا عنها ملابسها انقذ الفتاه هذه المره سائق تاكس قام بإركابها لكن الشباب لم يدعوا التاكسي يمر وشكلوا حوله دائره واصروا على ان تهبط الفتاه من العربه الى ان تدخل احد عساكر الامن رافعا (القايش) محاولا ضرب كل من يجده امامه لم ينفض الجمع بسهوله الا بعد ظهور فتاتين ترتدين عباءات خليجيه يسيرون لوحده في الشارع واحاطوا بهم تماما وقام عدد كبير منهم باحتضان الفتيات واخلاعهم الاحجبه التي كانوا يرتدونها ومحاولة فك العباءات وكان هناك اطفال في الحادية عشر والعاشرة من العمر يقومون بالدخول من تحت العباءات .


مره اخرى تدخل بعض اصحاب المحلات وقاموا برش المياه على الشباب وجذب الفتيات الى داخل المحلات بعدها بأقل من ثانيه ظهرت الممثله علا غانم التي تمثل في احد افلام العيد (عبدة مواسم) وحاول الشباب ايضا ان يصلوا اليها لكنها كانت محاصرة ببعض الحراس الشخصيين الذي حاولوا التصدي لكنهم لم يستطيعوا صد كل الايدي الجائعه التي امتدت الى صدر علا بعدها بقليل ظهرت فتاة اخرى كانت ترتدي ايضا حجاب وعباءة قام ايضا الشباب بمحاصرتها ونجحوا هذه المره في اخلاعها العباءة لكن استطاع امن احدى العمارات ان يجذبها الى الداخل ويغلق باب العمارة ويمنع الشباب من الوصول الى الفتاه وايضا فتاة اخرى كانت ترتدي بنطالا ضيق قليلا وقميص عادي جدا هذه المره تم تخليع الفتاة القميص وقطع (ملابسها الداخلية) وجريت ببنطلونها عارية ولم ينقذها الا احد افراد الامن الذي كان يحمل شومه وادخلها الى داخل احدى المحلات. هذه الحالات التي استطعت ان اراها رؤي العين خلال اقل من ساعه وسمعنا ان احدى الفتيات تم تمزيق ملابسها بالكامل وركضت عاريه حتى دخلت احدى المحلات واخرى تم محاصرتها امام جدار وانتهكت بشكل بشع .


ويكمل مالكوم : لم أستطع ان الوم الشباب هذا رأيي الكبت الجنسي والإ حباط والجبن (انا هنا لا أبرئ من فعلوا ذلك من فعلتهم انا فقط لا استطيع ان افهم دوافع اكثر من الف شخص تحركوا دفعة واحدة اتجاه هدف واحد فقط لا استطيع ان افهم ) لم يفرق لديهم بين محجبه او غير محجبه او حتى منقبه الكبت وحالة السعار الجنسي الحاد لديهم لم يجعلهم قادرين على اي تمييز وكانوا يصيحون (واحدة تااااااانيه ...واحدة تااااااااانية) !!!

-

إذا لم تظهر الصورة - Right Click / Show Picture

يبدو أن بعض الممثلين كان يحضر العرض الأول لأفلامهم ومن هنا كانت بداية التزاحم
ويبدو أن التذاكر نفذت فقام الشباب بخلع حديد شباك التذاكر
وتحطيم نافذة

عرض صور الفيلم وأخذ الأفيشات منها وجود الشرطة كان هزيل جدا ويبدو أنه لتأمين الممثلين فقط


إذا لم تظهر الصورة - Right Click / Show Picture

كان هذا هو المشهد أمام سينما ميامي


إذا لم تظهر الصورة - Right Click / Show Picture

كل هؤلاء واقفين على ناصية شارع عدلي


إذا لم تظهر الصورة - Right Click / Show Picture

فتاتان بعباءات هذه إحداهن أثناء إنتهاكها

لم يسلم من الإنتهاكات كبيرة أو صغيرة أو محجبة أو منقبة

أو حتى واحدة مع صاحبها او جوزها او ابوها وامها

كان الجياع يبحثون عن أي شيء يشتمون منه الأنوثة


إذا لم تظهر الصورة - Right Click / Show Picture

فتاة دخلت لتختبيء داخل محل وقام صاحب المحل بإنزال الباب وحاصر الجياع المحل


إذا لم تظهر الصورة - Right Click / Show Picture

عسكري خلع حزامه وحاول تفريق الجياع


إذا لم تظهر الصورة - Right Click / Show Picture

الجياع يركضون خلف ضحية جديدة


إذا لم تظهر الصورة - Right Click / Show Picture

فتيات إختبأن داخل هذه العمارة وحاول بتوع الأمن حمايتهم
الشخص المشار إليه بالسهم هو من أخرج طبنجته

في وجهي وشد الأجزاء لأنني أقوم بتصوير ما يحدث

لا أعرف وجهة نظرة لكن ربما يعتقد أن ما يحدث فضيحة لا يجب تصويرها


إذا لم تظهر الصورة - Right Click / Show Picture


من فرط التدافع كان البعض يقع على الأرض


إذا لم تظهر الصورة - Right Click / Show Picture

الجياع ملتفون حول ضحية جديدة ولم أستطع إختراق هذه الكتل من البشر للتصوير


إذا لم تظهر الصورة - Right Click / Show Picture

الأمن كانت كل مهمته تنظيم دخول السينما على طريقته كما ترون


إذا لم تظهر الصورة - Right Click / Show Picture

مجموعة من الجياع ملتفون حول ضحية أمسكت بواحد ممن تحرشوا بها

والبعض تظاهر انه يدافع عنها بينما هو في الحقيقة متحرش جديد


إذا لم تظهر الصورة - Right Click / Show Picture


إذا لم تظهر الصورة - Right Click / Show Picture

أصحاب المحلات خرجوا بالشوم والكرابيج وعصي المقشات لتخليصها منهم


إذا لم تظهر الصورة - Right Click / Show Picture

سائق تاكسي أنقذ فتاة من براثن مجموعة من الجياع فحاصروا التاكس


أما بالنسبة لي ومن وجهة نظري... اللي حصل ده مش أول مرة يحصل علي فكرة..!! أنا كنت شاهد مرة من سنتن أو أكتر كنت في ماتش ملوش لازمة في تصفيات أفريقيا ولا كأس العالم بين مصر وموريشيوس، الماتش كنت هناك فيه انا وحوالي 22 من صحابي، الماتش كان تمام المهم كان فيه بنتين شكلهم نضيف ( نضيف هنا بمعني شيك !! ) ومعاهم ولدين صغيرين في السن والحجم !! والشكل ده كان غير مستحب تواجده في الإستاد !!! طبعاً الكلام ده كان قبل كأس الأمم والحاجات اللي انتوا شوفتوها هناك دي.


ببساطة شديدة الماتش خلص والمدرج كله اتجمع حوالين البنتين والولدين وبدءوا يقربوا منهم اكنهم فريسة... بدء عيل صغير وجري علي بنت ومسكها !! بس وبدء الهجوم كله واللي يقدر يطوله وطبعاً الولدين مش قادرين يحوشوا جريت انا وصحابي بطريقة لا إرادية نهـش العيال من عليهم !! واتلمينا حواليهم وعملنا دايرة حواليهم وقفلنا عليهم جامد عشان نعرف نطلعهم من المدرج قلنا يمكن الهيصة دي هتخلص لما نخرج برة ..!! لكن الضرب والشعلقة في ايدينا والاعلام اللي كانت بتدخل بينا عشان توصل للبنات كترت ودموعهم بدأت تنزل وبدأوا يعيطوا في منظر منسيتوش وفاكر أوي إن يومها كنت باقول للأولاد : مش كنتوا تمشوا قبل ما الماتش يخلص ؟ مش كنتوا تمشوا قبل ما الماتش يخلص ؟ وقعدت اكررها... وفي سري كنت باقول إيه اللي دخلكم درجة تالتة اصلا !!! ( سيبكم من المناظر الجميلة والحضارية اللي شوفتوها في كاس الأمم دي خاااااااااااااااااااالص ) بس الإستاد قبل كأس الأمم كان مكان ما يدخلش لأي جنس غير الرجال ..!!


خرجنا بالبنات لحد عمارات العبور !!! واللي منكم راح الإستاد قبل كده يعرف قد إيه المسافة من جوة مدرج الدرجة التالتة "شمال المقصورة" لحد عمارات العبور - صلاح سالم ...!!!! أكتر من 2 كيلومتر والزبالة بيحاولوا يوصلوا لبنتين كل ذنبهم انهم راحوا يتفرجوا علي ماتش ..!!

25 comments:

  1. HEYA 3ALA RA2YAK YA OZTAZ EZZ MAYT2ALSH 3ALEHA 3'EER FEDE7A WE LEL2SAF HEYA DE EL WAGHA ELY BYA5ODHA EL NAS ely byzoro baladna w ytla3o ytkalemo 3aleha bara W LEL 2ASAF MAFESH FE EDENA 7AGA NE3MELHA 3'EER MO7AWLAT BA3D AFRAD MN EL SHA3B ELY FEHOM EL 5EER EN Y3MELO ELY FE EDEHOM ZAY MANTA W SO7ABK OLT ABL KEDA 3AN EL BANAT FEL ESTAD W EL 7ARAKAT EL MESH WALA BOD ELY KANET BET7SAL MA3AHOM W ENKO KONTO BETSHELOHOM ZAI " EL GARAD " BS LEL2SAF ZAI MA OLTELAK MABA2ASH FEH AMAN FEL BALAD 7ATA LAW KANET FE 7EMA 7AD MN AHLAHA AW AYNKAN ... W RAMADAN 5ELS BA2A WEL KABT ZAHAR W SHETAN ALLAH YKREMO NAZEL YL3AB SHWAYA W DO3AF EL EMAN KTEEEEEEER W KOL SANA WENTO TABEEEEEEN ... YASSOO

    ReplyDelete
  2. ايه ده !!!!!!!!!!!!!!
    والهي انا مش عارفة اوصفلك حالتي لما قريت الكلام والكارثة انه معاه الصور ..بجد مش فاهمة ده ازاي يحصل ..حالة ذهول بعد ماقريت الكلام قعدت سرحانة مش عارفة بيقولوا على الحالة دي ايه "مسهمة" مثلا ولا ايه ...
    بجد اللي حصل ده مصيبة يعني لو شفته في فيلم مثلا حاقول انه صعب يحصل وانه فيلم اقرب للخيال لكن المصيبة انه واقع وحصل فعلا
    ربنا يستر

    ReplyDelete
  3. يعني ايه الكلام ده يعني خلاص مفيش امان يعني خلاص مش هنسمح لبناتنا و اخواتنا و امهاتنا ينزلوا لوحدهم يعني مصر خلاص
    يعني وداعا يا شباب مصر

    ReplyDelete
  4. انا لله وانا اليه راجعون"
    ولاحول ولاقوة الا بالله.بجد احنا فى كارثة وكل حرف كتبته بيقول اننا فى كارثة كبيرة جدا،وحسبى الله ونعم الوكيل فى الاعلام الحقير سواء كان فى افلام اباحية او اغانى من نفس النوع سواء فى كلماتها ولا فى تصويرها.الاعلام ده هو اللى لعب على غرائز شباب فى سن اصلا حرجة والهب الغرائز دى ،واهى دى النتيجة.
    قال وايه عايزين يدخلوا مناهج للثقافة الجنسية فى المدارس،اصل هى دى بس اللى ناقصانا عشان نبقى امة متقدمة!!!!!!!حسبى الله ونعم الوكيل
    بس انا استعجبت جدا عن اللى كانوا شايفين الفضايح والكوارث دى كلها ،انهم كانوا مكتفين بالفرجة ويجروا من هنا لهنا ورا الزحمة "دون اى رد فعل ايجابى مؤثر!!!!!!!!!!!!"
    ده بدل ماكانوا يحاصروا الشباب دول ويودوهم القسم او يموتوهم من الضرب؟!!!
    ملحوظة:يعنى ايه بنات شكلهم نضيف؟!!
    نصيحة فى الله:بلاش الوصف الدقيق للمشهد لأن فى كلام كتيييييييير يخدش الحياء
    اللهم ردنا لدين الاسلام ردا جميلا.اللهم اهدنا واهدى بنا،اللهم ارزق شبابنا عفة يوسف عليه وعلى نبينا السلام،اللهم اغفر لهم واهدهم وتب عليخم ليتوبوا وانفع بهم المسلمين وايانا..آمين

    ReplyDelete
  5. قلتلك هتعمل زعر للناس على العموم زى ما قلتلك الرجولة والاخلاق والقيم دية ماتت من يوم ما قبلنا نبقى شعب مهان احنا السبب صدقنى غياب الدين وبعدنا عن ربنا وبنفضح نفسنا بنفسنا .... صدقنى من العار ان دة يحصل فى مصر بلد الامن والامان ,,,دة كان زماااااااان,,, دلوقتى بقينا بلد الفحش والفجور وهنحصل لبنان وحلال علينا اى دمار بقة هيحصلنا....ارجع واقولك بردو البنات عليها عامل اللبس اللى بيتلبس والحركات اللى بتتعمل تخلى اى حد يفكر غلط... انا لا القى باللوم على البنات بس ولا اسقط التهمة عن الرجال لكن بكل بساطة بسلط الضوء على جزء مهم يوضح مدى الخلل الاجتماعى والدينى ..... اللهم احسن خاتمتنا... مريم

    ReplyDelete
  6. بالنسبة للوصف الدقيق: انا دي طريقة سردي للأحداث أنا كده لو كلمتيني في الحقيقة فمش قاصد شئ سئ يعني وحتي لو هيبقي اكتر من اللي حصل !! معلش اعذريني مخنوق ..!!!!!!

    بالنسبة لخدش الحياء العام : إنتي شايفة ان اللي حصل ده مش إنتهااااااااااك للحياء العام !! ولا إيه

    ReplyDelete
  7. تصوير ايه بس؟؟!!!!!!!!!!وايه كل النا س اللى كانت واقفة تتفرج على الكوارث والفضايح الرهيبة دى.المفروض انكم كنتم تعملوا حاجة.المفروض كنتم تمسكوهم تموتوهم ولا ترموهم فى قسم بوليس ولا اى زبالة تستاهلهم

    ReplyDelete
  8. بس مش لازم نسرد بنفس طريقة اللى حصل،عشان منبقاش بنجاريه فى حين انى متأكدة ان قصدك مش كده

    ReplyDelete
  9. والله يا سيد "مجهول" انا مقلتش إني كنت موجود هناك ..!! التصوير للصحفي "وائل عباس" ( ودي شغلته !! يوثق الأحداث عشان غيره يشوفها ) والرواية لـ"مالكوم" مش أنا برضه.

    أنا بس حكيت الحكاية اللي حصلت في الإستاد وفي الموقف ده مكانش ينفع تضرب حد !! هتضرب مين يا ريس !! ده مدرج كووووووورة !! يا دوب كل أمانينا ساعتها اننا نخرج بالبنتين سلام ومش متقطعين ..!!!

    وشكراً علي غيرتك بس أنا أكيد من إن هو ده اللي عملوه الرجالة اللي كانوا هناك.

    ReplyDelete
  10. الآنسة "مجهولة" الحمد لله إنك حسيتي إن مش قصدي إني أجاريه !!!!! الحكاية إني عشان اكون أهدا كتبت الموضوع تاني يوم ..!!!

    تخيلي معايا كده بنت بيتقلع منها قميصها وبتجري بالبنطلون !! مفيش وصف تاني غير كده ممكن يتقال ..!!!

    لازم الناس تعرف إن فيه ناس معندهاش ولا دم ولا مروءة ولا دين ولا أخلاق ولا أي رجولة في عروقهم.

    ReplyDelete
  11. اااااااااااااااه
    والله انا مش متخيل
    للدرجة دي وصل حالنا
    للدرجة دي
    خلاص ...بقينا بهايم رسمي
    ده الحيوانات عمرها ما عملت كده
    عااااااار
    بس نعمل ايه
    اذا كان حسني مبارك وكلابه بيعملو كده في المتظاهرين وخيرة شباب مصر في عرض الشارع ...مش عايزين الزبالةدول يعملو كده
    اذا كان رب البيت بالدف ضارب فشيمة اهل البيت الرقص ...
    عاااااااااااار
    عااااااااااااار
    حتى اقل مقومات الامن راحت
    مش كفاية حوادث الاغتثاب اللي زادت الف في المية....
    ااااااااه يا بلد
    اه
    الدمعة فرت من عيني ..منكو لله
    الله يحرقك يا مبارك
    الله يحرقك

    ReplyDelete
  12. انا بصراحه اتردد كتير فى انى اكتب تعليق على اللى حصل ده بس انا كنت متغاظه مووت وكان لازم اقول اللى فى نفسى واللى يحصل يحصل
    بس ياريت محدش يفتكر انى بدافع عن الشباب دول ابدا انا ارقى وصف ممكن اديهلهم انهم شباب حقيره لكن انا عايزه اوجه نصيحه للبنات كلها يا جماعه كلنا لازم نعرف ان معظم الشباب بيفتكروا ان العيد بيدلهم رخصه لارتكاب كل المحرمات من شرب خمور او مخدرات وبالتالى لازم البنات تعرف كده ويعنى محبكتش معاهم اوى انهم يخرجوا فى العيد وكمان لوحدهم ومن غير عربيه وبالليل والله العظيم احسن حاجه للبنات فى العيد الزيارات العائليه والخروج والسينمات مش هتطير مهى موجوده بعد العيد هتروح فين
    كمان بمناسبة الكلام عن السينمات ياريت كل البنات قبل متفكر تروح سينما لازم تختار سينما تكون محترمه وراقيه مش اى حاجه كده وخلاص يعنى من الاخر كده مينفعش سينمات وسط البلد انا طبعا مش بقول ان البنات اللى حصل لهم كده كان الغلط عليهم لا والله بس يستحسن اننا نتقى الشبهات
    انا اسفه انى طولت عليكم بس بجد كانوا كلمتين عندى لو مكنتش قولتهم كان هيحصلى حاجه كمان انا مش عرفه اشكرك ازاى يا عز انك فضحت المصايب دى كلها لان بصراحه مش ممكن حد يتصور ان الكلام ده ممكن يحصل مش بس فى مصر لا ده لو اتحكالى انو حصل فى امريكا مكنتش هصدق بس بفضلك انا واثقه ان كل بنت قرأت الموضوع ده هتفكر الف مره قبل متخرج فى العيد
    وجزاكم الله كل خير

    ReplyDelete
  13. عارف يا عز من يوم ما بعتلى اللينك دة وانا والله العظيم عندى حالة احباط شديدة جدا... قرفانة من كل حاجة فى البلد... مش عايزة انزل من البيت مش خوف والله بس زهق ... احنا عمرنا مش كبير كلنا لكن اعتقد اننا شفنا فى حياتنا كمية فساد تخلى شعرنا يشيب وعلى راى عمك صلاح جاهين ,,,,أنا شاب لكن عمرى الف عام .. وحيد لكن بين ضلوعى زحام...خايف ولكن خوفى منى ....أنا اخرس لكن قلبى مليان كلام,,,,... عايزاك تيجى عندنا الجامعة وتشوف امن جامعة الازهر المبجل اللى بيضرب البنات وبيقلعهم الخمار او الحجاب ... الموضوع دة كمان منشور صوت وصورة على موقع كفاية لو حبيت تطلع .... كل اللى اقدر اقولهولك انى قرفانة ومخنوقة ومحتارة اية اللى ممكن يتعمل ؟؟؟ اية اللى المفروض نقدمة؟؟ يا عز انا مكنتش ناقصة حيرة

    ReplyDelete
  14. اشكرك يا DAN علي تعليقك، واحب اقول ولا فضل ولا حاجة انا بس إستثارني اللي حصل وبيستثيرني كل اللي بيحصل وفيه قرف وهم وبهدلة وحاجات غلط.. زهقت من الغلط اللي الكل بيشوفوا وبيدورا وشوهم وحتي مبيثولوش إنه غلط..!!! وحتي لو شافوه مبيقولوش لحد !! واكن في نشر الخبر فضيحه ولازم يتستروا عليها .!!!

    عايز أقولك إن فيه واحد بيدعي إنه صاحب حرية وعامل منتدي علي النت والمفروض إنه صديقي .. وعملي جزء في المنتدي عنده انشر فيه اللي بأنشره في المدونة بتاعتي.. لما نشرت الموضوع ده قالي إنه هيحذفه عشان مش مقتنع ليه ومش مصدقه وبيقول إنه متلفق !!! وكمان بيقول ان لايمكن يحصل كده والخير موجود في الأمة ليوم الدين !!!!!!!!!!!!!!!!!!!!!!!!!!! شوفتي تهريج اكتر من كده يعني مش عاااااااااااايز يتخيل ان المشكلة موجودة بيغمي عنيه وكمان بيغمي عيون الناس !!!!!!

    إنا لله وإنا إليه راجعون

    ReplyDelete
  15. Walahi ya Ezz, i'm like ur friend that doesnt want to believe that such a thg happened, i dont know, but asl ong as i know ur credibilty , and u wont say some thg u re nt sure of, i must say i'm frustrated and uncapable of understanding such a thg, first of all we muslims, oreinatls, we ve some ethics that others dont ve, niether do we now, no! Another thg, arnt girls already available in all circumstances and times,now? why do they do such a thg with girls that just gone out to enjoy Aid. Finaly i think there's sth wrong in our community, we ve to help ourselves and such boys, may be thay want to get married and they re nt capable of, may be the efficent thg we can do, we create a sort of fund to help young people who want to get married,for exmaple 5 pound out one' salary monthly , as Sadaqa garia, and some of us partecipate with time and effort to make that money go to the right people, may be in that way we can relaly help youth in need of marriage instead of just condeming them and crying over our miserable conditions.
    Amani

    ReplyDelete
  16. This is not True =)
    i am sorry to tell u this as there is no a single picture that contains what u are saying and i am not obliged to believe anything from what u said as it is only talk. What u have published is only pictures of crowd and that is normal in 3eed days.
    plus kaman this cant happen in Egypt...
    ma3lesshhh....i am girl and i walk in the street everywheree and if i was annoyed only by words. i think u should think believeing anythingggg said or writtenn..

    Thank you

    ReplyDelete
  17. Hi Ms. Anonymous, yes this is true !!! and it did happened on the first day of EID, and it did happened in Midtown Cairo - Egypt msh ai balad tanya !!!!

    it's not my problem dat u belieeeeeeeeeeeeve in our youth this kind of blind trust and for that much !!! it really happened and i got a neighbor of mine who saw this incident with HIS OWN EYES and i got a friend of me who is in Mass-Comm went down-town and interviewed ppl who owns places their and asked them about the incident and have their conversations taped !!!!!!!!!!

    and back at the staduim ANA SHOFT EL MANZAR DA B3INY !!! hatkazebeny !! inty 7ora bs i saw " PARTS " of the two girls BEEN ACTUALLY fe eeeeeed el zbala eli kano bit7arasho behom 2bl ma atdakhal ana w so7aby back there, IMAGINE A GIRL BEEN GRABBED w RAPED w msh msada2a a7leflek 3al mos7af en eli 7asal fel Staduim da 7asal w el bent gesmaha baaaaaaaaaaaan 3aiza eh aktr mn kda !!! if u still belieeeeeeeeeve in fe Egypt this could never happen !!! yb2a u r just closing ur eyes not to see the fact in feh fe3lan moshkela denia w sakafia w egtema3ia faze3a sabebet el kam da mn el kabt w el e7bat w el la tadawion bel shakl dah !!!!

    PS: the incedent is in Today's newspapaer "Al Gomhoria", Been Showen in Dream TV Al Ashira Massa2an, and a Human Rights Org. called "Monazamet El Ganoob" called for an investigation

    fa plz do save ur words iny dreamin coz i am not and its really a nightmare.

    Thank You

    ReplyDelete
  18. i donno what to say except that i am disgusted by what i just read. ya3ni kaman el mo7agabat we el monakabat. la illah illa Allah, all i wanna say is that i hate this country, as a matter of fact i hate all countries (cuz i know some of you will attack me for saying i hate egypt, i just don't care) what happened shouldn't even be allowed to happen again this is worst than murder. i hope the guys (ze2ab) that were in this profaine hunt would burn alive...actually i hope they suffer so bad by having thier skin peeled off and be deprived of their manhood yea cuz they are not even men. that's right. they should be tortured in a public square. what is this country comeing to? we eih kaman elly ye2olly kabt gensy kabt eih we zeft eih da el 7ayawanat (sorry ya3ni) wouldn't do such a horrific thing. man i am so angry right now i donno what to do. di 7aga te2ref.

    ReplyDelete
  19. rabanaa yahde al sha3b al masre ...

    ReplyDelete
  20. OMG! i never thought this would happen here i mean not to this extent!! rabena ye3fena bgd! it's really sad 2 here about this fact it really doesn't presage too much about the future! God help us all we yehdy el shabab...
    if i may ask, can i copy this article and forward it? i'll really appreciate it... u can reply back in my site...

    ReplyDelete
  21. hodhod
    حسبى الله ونعم الوكيل ياخسارة يامصر كل حاجة ضاعت الاخلاق والقيم والمبادىء والايمان والشهامة والرجولة بصراحة حاجة تدعوالى الخوف والقلق من بكره .
    حسبى الله ونعم الوكيل غيبوا عقول الشباب واهملوا فى التعليم وحاربوا رجال الدين وسجنوا الشرفاء وسبوا الرموز ربنا يسترمن بكره كل دى ناتج طبيعى لضياع مبادئناوأخلاقنا وانتشار البلطجة والرشوة والمحسوبية ونصرة الظالم وضياع الحقوق "نسينا الله فأنساناأنفسنا"ياولينا من عقاب الله ياريت نبقى صاديقين مع الله ومع انفسنا باريت نفوق قبل فوات الاوان "وحسبى الله ونعم الوكيل "

    ReplyDelete
  22. لازم نعمل الواجب اللي علينا..اللي حصل ده إنذار جامدأوي..كوللنا هنمووت من الغيظ..لاكن ماننساش اللى علينا عشان نبعدعن غضب ربنا ونسيبهولهم وحدهم...لازم نكون شغالين عند ربنا..وتكون الدعوة إلي الله وسنة رسوله (صلي الله عليه وسلم)هي شغلتنا في كل مجالاتنا وكل لحظة في حياتنا...وماننساش ذكره أبدا ونذكر بيه (ألا بذكر الله تطمئن القلوب )

    ReplyDelete
  23. اللي حصل في وسط البلد رغم انه كارثه حقيقيه الا انه طبيعي جدا لو بصينا للحاله البشعه اللي وصلها مجتمعنا
    اه دي اول مره يكون التحرش فيها بشكل جماعي وفوضوي كده بس الكارثه الحقيقيه ان كل يوم بيحصل اكتر من كده ولو مش مقتنعين بده ممكن كده تركبوا القطار الصبح وقت الزحمه او حتي الاتوبيس او الميكروباص وشوفوا ايه اللي بيحصل للبنات
    وللعلم مش بيبقي فيه فرق بين بنت محجبه ولا لاء
    احنا في كارثه حقيقيه وبتزيد كل يوم
    بجد احنا محتاجين لحل

    ReplyDelete
  24. ازيك يا عــــــــــــــــــــــــم
    عـــــــــــــــز انا بس ممكن اسال سؤال محيرنى انا بقى معنديش رجالة ممكن يمشوا معايا فى الشارعوالله انا بقيت اخاف من اى راجل يمشى جمبى ربنا يستر
    بس تعر ف ان الشباب عندهم حق برده احنا عايزينهم يتفرجوا على الحاجات دى وميطبقوهاش عملى انا لله وانا اليه راجعون
    اللهم اجرنى فى مصيبتى واخلفنى فيها خير منها

    ReplyDelete
  25. hiiiiiiiiiiiii
    ازيك ا عـــــــم عــــز انا ممكن اسال سؤال بس تجاوبنى عليه لو انا عايزة امشى فى الشارع ومعنديش رجالة ممكن امشى معهم اعمل ايه انا ولله بقيت اخاف امشى واة راجل يعدى بس جمبى كده بس تعرف عندهم حق ازاى يتفرجوا على الحاجات دى وميطبقوهاش عملى انا لله وانا اليه راجعون
    اللهم اخلفنى فى مصيبتى واخلفنى فيها خيرمنها ربنا يستر على البنات الا تبقى عايز تتساوى مع الراجل وتبقى تعمل زيهم كده فى الشارع بالمرة
    سندريــــــــــــلا

    ReplyDelete