Monday, October 30, 2006

هيلاااااا هوب

إذا لم تظهر الصورة - Right Click / Show Picture - www.baitelezz.blogspot.com

-

من أجمل المشاهد اللي شوفت فيها إستاد
القاهرة علي مدي 9 سنين بأروح الإستاد في ماتشات مهمة للأهلي


إذا لم تظهر الصورة - Right Click / Show Picture - www.baitelezz.blogspot.com

الإستاد إتملي قبل ساعتين من الماتش


إذا لم تظهر الصورة - Right Click / Show Picture - www.baitelezz.blogspot.com

-

بنت مصرية جداً فوجئت إنها داخلة
المدرج بتي شيرت الترجي "التونسي" وعادي جداً ولا أكنها هنا

وده شئ لاحظته !! إن أي حد بيجيب أي حاجة عنده في البيت وبيجي

لاقيت في المدرجات أعلام لإنجلترا !!
أيرلندا !! ولاقيت علم السويس بين جماهير تونس !!!!!!!!!

بس فعلاً فيه ناس بتجيب أي حاجة وتيجيي بيها الإستاد مش مهم إن شا الله ستارة مطبخ

-

إذا لم تظهر الصورة - Right Click / Show Picture - www.baitelezz.blogspot.com

-

كله تمام وجاهز للإنطلاق


إذا لم تظهر الصورة - Right Click / Show Picture - www.baitelezz.blogspot.com

-

جمهور تونس الحبيب كالعادة بدء بقلة أدب بدري بدري وقعد يرمي حاجات علي جمهور الأهلي


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

ما شاء الله المدرجات مكانش فيها مكان لإبرة !!! الناس كانت قاعدة علي السور


إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

-

بس تفتكروا كله كان جميل كده وأوروبي والحياة لونها شفتشي !!؟

أكيـــــــــــــــــــــــــــــــــــــــــد لأ

نرجع فلاش باك تلات ساعات ونص

الساعة 4 عصراً البوابة البحرية للإستاد إتقفلت عشان المدرج الشمال خلاص كومبليت

وده طبعاً خطأ من إدارة الأهلي من الأول

لأن كان لازم يبقي فيه تحديد في التذاكر تالتة شمال ولا يمين

عشان اللي شمال يجي صلاح سالم واليمين يروح الأوتوستراد

بس مش مهم يعني هي جت علي دي

الناس بدأت رحلة الزحف مسافة اكتر من 4 أو 5 كيلو

عشان يدخلوا من البوابة التانية في الأوتوستراد

اللي كان بيروح في تاكسي اللي كان بيمشي واللي كان بينط في أي اوتوبيس


إذا لم تظهر الصورة - Right Click / Show Picture - www.baitelezz.blogspot.com

-

مشهد جميل تاني وسط كل المشي والزحمة والغضب من الانظام اللي الواحد شافه


إذا لم تظهر الصورة - Right Click / Show Picture - www.baitelezz.blogspot.com

-

إستعنا علي الشقي بالله ده اول طابور

ويا ريت يا شباب ويا صبايا اللي راحوا كأس الأمم الأفريقية يشيلوا من دماغهم خالص الذكريات دي

لأن زمنها إنتهي ... ورجعت ريما لعادتها القديمة


إذا لم تظهر الصورة - Right Click / Show Picture - www.baitelezz.blogspot.com

-

كله يرفع إيـــده فووووووووووووق ولا أكننا أسري حرب

بس عادي متعودين ومن كتر التعود مش مركزين إن احنا مش أسري حرب ولا حرامية

احنا ناس محترمة دافعة فلوس وجاية تستمتع !!! مش في معسكر تدريبي


إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

وبدأ المشوار وكالعاااااااااااااااااااااادة البوابات مقفولة والتكدس شغال


إذا لم تظهر الصورة - Right Click / Show Picture - www.baitelezz.blogspot.com

-

بس أنا شوفت الفيلم ده قبل كده وكان معايا أخويا أحمد

كان صغير ساعتها وكنا إحنا الإتنين هنموت من الفعص


إذا لم تظهر الصورة - Right Click / Show Picture - www.baitelezz.blogspot.com

-

أول ما حسيت بالخيانة وطبعا بما إني مكنتش عارف ابص ورايا

خليت الكاميرا هي اللي تبص ..!! ما هي مننا وعلينا

فوووووووووجئت بالمنظر ده علي طول شديت أحمد وعافرنا عشان نخرج من الخية دي

قصدي الصف ده


إذا لم تظهر الصورة - Right Click / Show Picture - www.baitelezz.blogspot.com

-

وفعلاً لحظات والظابط أنا سامعه بنفسي بيقولوا يا كريم بيه تعالي وافتحلهم البوابات


إذا لم تظهر الصورة - Right Click / Show Picture - www.baitelezz.blogspot.com

-

يعني سيبهم يطحنوا بعض !!


إذا لم تظهر الصورة - Right Click / Show Picture - www.baitelezz.blogspot.com

-

هات عساكرك وتعالي هنا يا ريس


إذا لم تظهر الصورة - Right Click / Show Picture - www.baitelezz.blogspot.com

-

الصورة دي لبنات الولد اللي معاهم مش مركز أكيد أو مش مدرك للي هيحصلهم

أو لسه حالم بذكريات الماضي (الماضي هنا شهرفبراير 2006)

ملحقتش أنبهه للأسف


إذا لم تظهر الصورة - Right Click / Show Picture - www.baitelezz.blogspot.com

بخ !! راحوا في الظلام


إذا لم تظهر الصورة - Right Click / Show Picture - www.baitelezz.blogspot.com

-

وبدأت المناقشات والمهاترات المملة مع الظباط

ليه كده يا باشا وهي دي طريقة دخول وكلام من هذا القبيل

مرة تانية يا جماعة التنظيم تنظيم الأهلي !!! مش قد تنظيم نهائي أفريقيا !!!!!

الشرطة دورها إشرافي مش هي اللي هتنظم الدخول
موظفين النادي إنسحبوا وإختفوا قبل ما الظابط يقولوا افتح الأبواب يا بيه وسيبهم يدخلوا


إذا لم تظهر الصورة - Right Click / Show Picture - www.baitelezz.blogspot.com

-

بنات من الناس العاقلة اللي وقفوا يتفرجوا لغاية ما الهيصة تخلص

وكله كان هيدخل إيه لازمتها المناظر دي أنا مش فاهم

إتفرجوا بقي وانا خلاص خلصت كلام


إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

-

إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

واضح الفرق

؟؟!؟!؟!؟


إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

قال كأس عالم قال .... أخرنا دورات رمضانية أصلاً

-

Thursday, October 26, 2006

فضيحة كل البلد


شاهد وإستمع
شهادة الشهود علي واقعة وسط البلد علي دريم 2

تحديث 2 نوفمبر 2006

ملحوظة : كل من يريد نسخ لمقال ونشره له مطلق الحرية في ذلك مع الإشارة للمدونة في نقله


أنا قرفان من اللي حصل في وسط البلد في أول أيام العيد ..!! لما جاري محمد سهيم كلمني وقالي أنه كان ماشي بالعربية عند شارع طلعت حرب والسكة كانت واقفة وجيه يسأل واحد بتاع "بلالين" : هو في إيه ؟ رد عليا وقالي : عيال هيجانة يا باشا !!! ساعتها مصدقتش نفسي من اللي بأسمعه.. وإتأكدت إن اللي قريته علي الوعي المصري حصل فعلاً وإن صور وائل عباس اللي كان مغطي اللي حصل، حقيقة !! بعد ما حاولت أكذب نفسي... هاسيبكم مع حكاية مالكوم للي حصل وصور وائل وهابقي احكيلكم حكاية حصلتلي انا نفسي في النهاية..

دي رواية مالكوم للي حصل : نجلس على المقهى بوسط المدينة انا ووائل عباس وناصر نوري (مصور لوكالة رويترز الإخبارية) ومحمد الشرقاوي واخرين يأتي لنا احد الزملاء ويخبرنا ان امام سينما مترو بشارع طلعت حرب تحدث حالات انتهاك جنسي وتم تحطيم شباك تذاكر سينما متروتوجهنا في الحال الى المكان وكان يدور بخاطرنا ان ما يخبرنابه الزميل هو مجرد تهويل لا أساس له من الصحه خاصة ان الشوارع المحيطة بسينما مترو كانت هادئة جدا ونحن في الطريق الى هناك.


توقفنا عند السينما بعد ان رأينا شباك التذاكر المحطم واعتقدنا ان ما اخبرنا به الزميل هو مجرد اوهام او مبالغات على أقصى تقدير. لكن بعد أقل من خمس دقائق وجدنا اعدادا غفيرة من الشباب تصفر وتركض بإتجاه شارع عدلي تحركنا معهم لنرى ماذا يحدث فوجئنا بفتاة في أوائل العشرينات تعثرت على الارض والتف حولها عدد كبير من الشباب يقومون بتحسس اجزاء جسدها ونزع ثيابها عنها.


لم افهم او لم استوعب بمعنى ادق ما يحدث قامت الفتاة مسرعة مره اخرى وحاولت الركض في اي اتجاه الى ان رأت مطعما سوريا يدعى المضيفة او شئ من هذا القبيل ودلفت الى الداخل وحاوط الشباب المطعم ولم ينصرفوا الا بعد ان صاح اخر (في واحده تانية قدام ميامي) ركض الجميع اتجاه شارع طلعت حرب مره اخرى ووجدت هناك فتاه محاصرة تماما داخل دائره محاطة بمئات من الشباب يحاولون ان يتحسسوا جسدها وينزعوا عنها ملابسها انقذ الفتاه هذه المره سائق تاكس قام بإركابها لكن الشباب لم يدعوا التاكسي يمر وشكلوا حوله دائره واصروا على ان تهبط الفتاه من العربه الى ان تدخل احد عساكر الامن رافعا (القايش) محاولا ضرب كل من يجده امامه لم ينفض الجمع بسهوله الا بعد ظهور فتاتين ترتدين عباءات خليجيه يسيرون لوحده في الشارع واحاطوا بهم تماما وقام عدد كبير منهم باحتضان الفتيات واخلاعهم الاحجبه التي كانوا يرتدونها ومحاولة فك العباءات وكان هناك اطفال في الحادية عشر والعاشرة من العمر يقومون بالدخول من تحت العباءات .


مره اخرى تدخل بعض اصحاب المحلات وقاموا برش المياه على الشباب وجذب الفتيات الى داخل المحلات بعدها بأقل من ثانيه ظهرت الممثله علا غانم التي تمثل في احد افلام العيد (عبدة مواسم) وحاول الشباب ايضا ان يصلوا اليها لكنها كانت محاصرة ببعض الحراس الشخصيين الذي حاولوا التصدي لكنهم لم يستطيعوا صد كل الايدي الجائعه التي امتدت الى صدر علا بعدها بقليل ظهرت فتاة اخرى كانت ترتدي ايضا حجاب وعباءة قام ايضا الشباب بمحاصرتها ونجحوا هذه المره في اخلاعها العباءة لكن استطاع امن احدى العمارات ان يجذبها الى الداخل ويغلق باب العمارة ويمنع الشباب من الوصول الى الفتاه وايضا فتاة اخرى كانت ترتدي بنطالا ضيق قليلا وقميص عادي جدا هذه المره تم تخليع الفتاة القميص وقطع (ملابسها الداخلية) وجريت ببنطلونها عارية ولم ينقذها الا احد افراد الامن الذي كان يحمل شومه وادخلها الى داخل احدى المحلات. هذه الحالات التي استطعت ان اراها رؤي العين خلال اقل من ساعه وسمعنا ان احدى الفتيات تم تمزيق ملابسها بالكامل وركضت عاريه حتى دخلت احدى المحلات واخرى تم محاصرتها امام جدار وانتهكت بشكل بشع .


ويكمل مالكوم : لم أستطع ان الوم الشباب هذا رأيي الكبت الجنسي والإ حباط والجبن (انا هنا لا أبرئ من فعلوا ذلك من فعلتهم انا فقط لا استطيع ان افهم دوافع اكثر من الف شخص تحركوا دفعة واحدة اتجاه هدف واحد فقط لا استطيع ان افهم ) لم يفرق لديهم بين محجبه او غير محجبه او حتى منقبه الكبت وحالة السعار الجنسي الحاد لديهم لم يجعلهم قادرين على اي تمييز وكانوا يصيحون (واحدة تااااااانيه ...واحدة تااااااااانية) !!!

-

إذا لم تظهر الصورة - Right Click / Show Picture

يبدو أن بعض الممثلين كان يحضر العرض الأول لأفلامهم ومن هنا كانت بداية التزاحم
ويبدو أن التذاكر نفذت فقام الشباب بخلع حديد شباك التذاكر
وتحطيم نافذة

عرض صور الفيلم وأخذ الأفيشات منها وجود الشرطة كان هزيل جدا ويبدو أنه لتأمين الممثلين فقط


إذا لم تظهر الصورة - Right Click / Show Picture

كان هذا هو المشهد أمام سينما ميامي


إذا لم تظهر الصورة - Right Click / Show Picture

كل هؤلاء واقفين على ناصية شارع عدلي


إذا لم تظهر الصورة - Right Click / Show Picture

فتاتان بعباءات هذه إحداهن أثناء إنتهاكها

لم يسلم من الإنتهاكات كبيرة أو صغيرة أو محجبة أو منقبة

أو حتى واحدة مع صاحبها او جوزها او ابوها وامها

كان الجياع يبحثون عن أي شيء يشتمون منه الأنوثة


إذا لم تظهر الصورة - Right Click / Show Picture

فتاة دخلت لتختبيء داخل محل وقام صاحب المحل بإنزال الباب وحاصر الجياع المحل


إذا لم تظهر الصورة - Right Click / Show Picture

عسكري خلع حزامه وحاول تفريق الجياع


إذا لم تظهر الصورة - Right Click / Show Picture

الجياع يركضون خلف ضحية جديدة


إذا لم تظهر الصورة - Right Click / Show Picture

فتيات إختبأن داخل هذه العمارة وحاول بتوع الأمن حمايتهم
الشخص المشار إليه بالسهم هو من أخرج طبنجته

في وجهي وشد الأجزاء لأنني أقوم بتصوير ما يحدث

لا أعرف وجهة نظرة لكن ربما يعتقد أن ما يحدث فضيحة لا يجب تصويرها


إذا لم تظهر الصورة - Right Click / Show Picture


من فرط التدافع كان البعض يقع على الأرض


إذا لم تظهر الصورة - Right Click / Show Picture

الجياع ملتفون حول ضحية جديدة ولم أستطع إختراق هذه الكتل من البشر للتصوير


إذا لم تظهر الصورة - Right Click / Show Picture

الأمن كانت كل مهمته تنظيم دخول السينما على طريقته كما ترون


إذا لم تظهر الصورة - Right Click / Show Picture

مجموعة من الجياع ملتفون حول ضحية أمسكت بواحد ممن تحرشوا بها

والبعض تظاهر انه يدافع عنها بينما هو في الحقيقة متحرش جديد


إذا لم تظهر الصورة - Right Click / Show Picture


إذا لم تظهر الصورة - Right Click / Show Picture

أصحاب المحلات خرجوا بالشوم والكرابيج وعصي المقشات لتخليصها منهم


إذا لم تظهر الصورة - Right Click / Show Picture

سائق تاكسي أنقذ فتاة من براثن مجموعة من الجياع فحاصروا التاكس


أما بالنسبة لي ومن وجهة نظري... اللي حصل ده مش أول مرة يحصل علي فكرة..!! أنا كنت شاهد مرة من سنتن أو أكتر كنت في ماتش ملوش لازمة في تصفيات أفريقيا ولا كأس العالم بين مصر وموريشيوس، الماتش كنت هناك فيه انا وحوالي 22 من صحابي، الماتش كان تمام المهم كان فيه بنتين شكلهم نضيف ( نضيف هنا بمعني شيك !! ) ومعاهم ولدين صغيرين في السن والحجم !! والشكل ده كان غير مستحب تواجده في الإستاد !!! طبعاً الكلام ده كان قبل كأس الأمم والحاجات اللي انتوا شوفتوها هناك دي.


ببساطة شديدة الماتش خلص والمدرج كله اتجمع حوالين البنتين والولدين وبدءوا يقربوا منهم اكنهم فريسة... بدء عيل صغير وجري علي بنت ومسكها !! بس وبدء الهجوم كله واللي يقدر يطوله وطبعاً الولدين مش قادرين يحوشوا جريت انا وصحابي بطريقة لا إرادية نهـش العيال من عليهم !! واتلمينا حواليهم وعملنا دايرة حواليهم وقفلنا عليهم جامد عشان نعرف نطلعهم من المدرج قلنا يمكن الهيصة دي هتخلص لما نخرج برة ..!! لكن الضرب والشعلقة في ايدينا والاعلام اللي كانت بتدخل بينا عشان توصل للبنات كترت ودموعهم بدأت تنزل وبدأوا يعيطوا في منظر منسيتوش وفاكر أوي إن يومها كنت باقول للأولاد : مش كنتوا تمشوا قبل ما الماتش يخلص ؟ مش كنتوا تمشوا قبل ما الماتش يخلص ؟ وقعدت اكررها... وفي سري كنت باقول إيه اللي دخلكم درجة تالتة اصلا !!! ( سيبكم من المناظر الجميلة والحضارية اللي شوفتوها في كاس الأمم دي خاااااااااااااااااااالص ) بس الإستاد قبل كأس الأمم كان مكان ما يدخلش لأي جنس غير الرجال ..!!


خرجنا بالبنات لحد عمارات العبور !!! واللي منكم راح الإستاد قبل كده يعرف قد إيه المسافة من جوة مدرج الدرجة التالتة "شمال المقصورة" لحد عمارات العبور - صلاح سالم ...!!!! أكتر من 2 كيلومتر والزبالة بيحاولوا يوصلوا لبنتين كل ذنبهم انهم راحوا يتفرجوا علي ماتش ..!!