Saturday, December 30, 2006

العرب ضحوا !!


عربي : كل سنة وانت طيب يا محمد

محمد : وانت طيب يا عربي

عربي : إيه ضحيت بإيه النهاردة ربنا يتقبل منك يا رب؟

محمد : ضحيت بخروف زي كل سنة الحمد لله ربنا يديمها نعمه ويتقبل، وإنت ؟

عربي : أنا بقي ضحيت بصدام !!


صباح الخير، وكل عام وانتم بخير، العيد السنة دي ليه طابع خاص، العيد جاي في آخر العام وبداية عام جديد، جاي مع عيد إخواتنا المسيحين، جاي مع ماتش الأهلي والزمالك... كنت بأضحك من قبل كام يوم وبأقول إن الأهلي هيضحي بالزمالك وكنت فاكر إن اليوم هيبقي أخره كده...!! دبحنا للعجل ونروح ونتفرج علي ماتش الأهلي وندخل ننام.


لكن اليوم إتقلب من بدري لما واحد قريبنا واحنا واقفين مستنيين دور العجل عند جزار مدينة نصر المحترف جداً سلامة ..!! قالي شوفت أعدموا صدام.. العرب ضحوا بصدام.. بس دي كانت الكلمات اللي بدأت أفوق بيها في اليوم ده، قلتله لا يا عم دول قالوا علي السبت بأقصي تقدير يعني لسه فاضل إسبوع ... قالي لأ اعدموه النهاردة الصبح الساعة 6 الصبح ..!! يعني يا دوب صحيوا صلوا الفجر والعيد وضحوا بيه ..!!


يعدموا رئيس دولة مسلمة في أول أيام عيد المسلمين !!! ببساطة شديدة بيتفوا في وشنا ..!! بيقولولنا انت زبالة ملكوش لازمة اصلاً ..!! وطظ فيكم وفي أعيادكم وفي قيمكم وفي كل واي حاجة عندكم... مش هتكلم علي حسنات صدام حسين ولا سيئاته لأني ببساطة شديدة معشتش في بلده ولا أعرف هو عمل إيه، كل اللي أعرفه إنه "حاكم عربي" معملش حاجة جديدة !! معملش حاجة غريبة يعني .. حاكم وكان بيحكم .. أخطأ بقي أو أصاب دي مسألة تانية ميحكمش عليها " محتل " ميحكمش عليه " أعدائه " ميسكتش علي إعدامه " أمثاله " ولا حتي واحد منهم يعلق !! يشجب حتي ولا يدين ...!! لما الآقي روسيا هي اللي بتحتج علي إعدامه يبقي العرب ضحي بصدام .!! لما الآقي الفاتيكان بيعتبر إن خبر إعدامه خبر مفجع .. يبقي العرب ضحي بصدام .!! لما الآقي بس! ليبيا اللي أعلنت الحداد علي موته .. يبقي العرب ضحوا بصدام ..!!


حد هيقول إنه قتل وأعدم وذبح وعذب وولع في العالم كله ..!! يا سلام !! ويعني هو شارون متحاكمش ليه !!؟ ولا أولمرت ليه محدش وبخه حتي ..!! ولا بوش متحاكمش ليه !!؟ ولا ولا ولا ولا ولا ولا " 21 مرة " ولا ...!!!!


قمة الإستفزاز ..!! لما تتفبرك محاكمة تمثيلية هزلية كوميدية أمريكية ..!! ويتفبرك حكم بإعدامه ..!! ولما يطلع المالكي ويقول إن صدام كان خايف ومرعوب !! يعني كمان بيستغفلنا وبيستغفل الفيديو اللي كل العالم شافه واقف فيه ثابت صامد ممسك غير خائف... أقولك إيه مانت منهم لازم تتكلم بتفاهات زيهم .!!! وكمان يقولوا إن وقت الإعدام إختاروه العراقيين والأمريكان سوياً .!!! يختاروا وقت صلاة العيد ..!! يا سلام !! ده قمة قلة الأدب !! قمة السفالة !! ويتقال إن الأمريكان كانوا عايزين يأجلوا الإعدام ولكنه " بشجاعته " علي حد قول احد معاونيه " أصر " علي إعدامه اليوم ...!! ايه الشجاعة في كده ..!!

-

مرة قبل كده لما إسرائيل دخلت لبنان وبدأت الحرب ومحدش كان بيتحرك اكتر من انه بيعيب علي حزب الله إستفزازه لإسرئيل ..!!! ساعتها وإحنا بنشوف صور الأطفال محروقين علي جنبات الطرق وهما بيهربوا من جحيم لجحيم .. قلت إتفوا علينا كلنا ..!! بس فيه ناس زعلت مني .. لمرة دي مش هاقول أنا مش آسف ولا هاقول إتفوا عليا أنا لوحدي ... بس خلاص أنا هأعتبرها وصلت ..!!


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


أنا إتنكد عليا بجد وحتي لو الأهلي فاز علي الزمالك 19 - صفر ولا هضحك ولا هفرح ولا هقول أي حاجة ... خلاص إتضرب العيد عليا كده ..!! وده مش حباً في صدام .. ولكن كرهاً وبغضاً للوضع المقرف اللي مصائرنا بتساق بيه ... !!

عيد أضحي سعيد

كل عام وكل الناس طيبين

عيد أضحي سعيد عليكم بإذن الله

إضغط علي اللينك

Saturday, December 23, 2006

لماذا نحن محبطون ؟

-

إذا لم تظهر الصورة - Right Click / Show Picture - www.baitelezz.blogspot.com

-

في مقال الكاتب الصحفي / عزت السعدني في جريدة الأهرام الصادرة يوم السبت 23 ديسمبر ... قريت جزء خطير جيه في الزحمة كده وسط تحقيق السبت اللي بيطل علينا كل يوم سبت مع الكاتب الكبير، المقال السريع ده كان للأستاذ الدكتور / أحمد عكاشة .. الطبيب العالمي وأكبر خبير في النفس البشرية - علي حد قول الأستاذ عزت - المقال من أجمل اللسعات اللي قريتها في 2006 مقتضب وفي الصميم، أسيبكم مع الحوار السريع اللي جري بين الكاتب والدكتور.


لماذا نحن محبطون ؟
لماذا اختفت الابتسامة والقفشة والنكتة من حياة المصريين؟
لماذا هذا الوجه الحزين الكئيب علي كل وجه في محطات الأوتوبيس‏..‏ في أي طابور‏..‏ في أي ديوان حكومي وغير حكومي‏..‏ في الشارع‏..‏ في القرية‏..‏ في المصنع‏..‏ في المدرسة‏..‏ في الجامعة‏..‏ أينما كنت تري وجوها عابسة مقطبة الجبين؟


سألت الدكتور أحمد عكاشة الطبيب العالمي في علم النفس‏:‏ ما سر حالة الإحباط التي نعيشها هذه الأيام؟
قال‏:‏ نسبة الإحباط عند الشعب المصري الآن ‏100%

قلت‏:‏ ياه‏!‏
قال‏:‏ أيوه وأسبابه‏:‏
‏1‏ ـ البطالة‏.‏
‏2‏ ـ الزحام‏.‏
‏3‏ ـ التلوث‏.‏
‏4‏ ـ عدم وجود السكن المناسب‏.‏
‏5‏ ـ الفقير لا يعالج في مصر‏.‏
‏6‏ ـ ناس عريانة في التليفزيون‏.‏
‏7‏ ـ تحرش جنسي لمن لم يتزوجوا‏.‏
‏8‏ ـ إحساس الإنسان أنه ليس هناك شفافية‏.‏
‏9‏ ـ الفساد في معظم المواقع أن لم يكن كلها‏.‏
‏10‏ ـ لا أحد يسائل أحدا أو يحاكم أحدا‏!‏
‏11‏ ـ الوزير إذا خرج من الوزارة لسلسلة أخطاء نكرمه ونمنحه نيشانا‏!‏


أسأله‏:‏ ماذا يفعل الإحباط بالإنسان؟
قال‏:‏
‏1‏ ـ انفجار عدواني‏.‏
‏2‏ ـ قلق‏.‏
‏3‏ ـ اكتئاب‏.‏
‏4‏ ـ حالة لامبالاة‏.‏
‏5‏ ـ عدم الانتماء‏.‏


انتهي كلام اكبر خبير في النفس البشرية‏!


وأنا أرفع لكما القبعة علي هذا المقال ... ولا تعليق!!

-

Tuesday, December 19, 2006

اللي خايف يروح


الأبطال جايين النهادرة، مش هاروحلهم المطار أكيد... الصراحة خلاص كفاية عليهم غبت 3 أيام عن الشغل عشان ماتشات الساعة 11 الصبح دي، طبعاً مفيش شك إن النهاردة يوم تاريخي مشهود زي ما بيقولوا في الصحف التخينة .. فبصفته يوم مشهود انا قلت اروح اشهده بس اروح الشغل برضه .. ابقي انزل استناهم وهما معديين من قدام الشركة، وهو ده اللي حصل.

الطريق من الساعة 9 الصبح وهو ما شاء الله مرشق عساكر أكتر من تشريفة الريس، لأني ما شاء الله خبرة في تشريفات الريس شوفتها 900 مرة لكن المرة دي الشكل كان احلي .. حبايبي هما اللي جايين اكيد لازم تبقي احلي .. ولأول مرة محدش يتضايق من تشريفة ولا يدعي علي .... المهم خلينا في موضوعنا.

-
إذا لم تظهر الصورة - Right Click / Show Picture - www.baitelezz.blogspot.com

-

من أول المطار والتشريفة جاهزة لإستقبال الأبطال


إذا لم تظهر الصورة - Right Click / Show Picture - www.baitelezz.blogspot.com

-

العساكر كانوا علي مرمي البصر زي ما بيقولوا


إذا لم تظهر الصورة - Right Click / Show Picture - www.baitelezz.blogspot.com

-

تجهيزات إضافية لسه بتنتشر ومطافي وهالومة


إذا لم تظهر الصورة - Right Click / Show Picture - www.baitelezz.blogspot.com

-

كمان عربيتين راكنين مليانين عساكر غير اللي في الشارع


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com

-

وأكنه بيقولي طب أنا واقف من الساعة 5 الفجر كده ... أنا مالي بالأهلي أنا

إنت اللي عودتهم علي كده يا سحس


إذا لم تظهر الصورة - Right Click / Show Picture - www.baitelezz.blogspot.com


هما دول ولا لسه ماجوش !؟


إذا لم تظهر الصورة - Right Click / Show Picture - www.baitelezz.blogspot.com

-

الأتوبيس جه .. الأتوبيس جه

إذا لم تظهر الصورة - Right Click / Show Picture - www.baitelezz.blogspot.com


طلعت الكاميرا بره لأن كان فيه أحبال ومينفعش أعديها


شاهد الفيديو

وعدوا الأبطال .. بسرعة بس مروا مرور الفاتحين والمنتصرين

وإختلط صوت الجمهور بصوت السرينة بصوت اللاعيبة نفسهم


إذا لم تظهر الصورة - Right Click / Show Picture - www.baitelezz.blogspot.com


بس بقي وبدأ الطوفان اللي كان معاهم في المطار يوصل هو كمان


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

-

صورة تذكارية لتجار السعادة

17 ديسمبر 2006

-

Sunday, December 17, 2006

سـَيد العنصري


زمان من سنة او اكتر كنت في مؤتمر التنمية الشباب العربي بالجامعة الأمريكية، كنت مدير للحوار... المهم، في مناقشة من المناقشات الساخنة شتمت في اليهود .. والمفروض كوني مدير للحوار ما ادليش بآرائي الشخصية، ولكني أدليت ... وكانت مشكلة وهيصة خرجت منها بلقب قالته عليا " مروة " بعد ما أضافت علي اسم " كونري " اللي كانت بتناديني بيه " مريم " عشان قال بتقول أيامها اني شبه شون كونري ...!! هيفتكر الإسم ده كتير، جينا، محمد جورج، محمود ابراهيم، مروة نفسها ومريم... طلعنا المهم في اخر ايام المؤتمر وانا علي المسرح باقرا النتيجة اللي طلعنا بيها في المجلس بتاعنا بلقب نادت بيه عليا مروة بأعلي ما في صوتها وسط المشاركين كلهم وهي بتضحك طبعاً .... " كونرررررررري العنصرررري " .. آه طلعت في الأخر كونري العنصري.


النهاردة بقي انا هاتشرف اني انقل اللقب بتاعي للراجل التعبان اللي في الصورة اللي تحت دي " سيد العنصري " الشهير بسيف بلاتر - رئيس الإتحاد الدولي لكرة القدم، اللي ضيع علي نجم مصر والنادي الأهلي بعنصريته جائزة ثالث احسن لاعب في البطولة وهدافها .. لمجرد انه عربي مسلم !! لمجرد إنه مش هيبيع !! مش هيديله فلوس لما ياخد الجايزة .. سواء من إعلانات او من شهرة ... ما هي بقت ماشية كده في إتحاد سيد العنصري - الفيفا سابقاً


إذا لم تظهر الصورة - Right Click / Show Picture - www.baitelezz.blogspot.com


سيد بيسلم علي لاعبي النادي الأهلي


إذا لم تظهر الصورة - Right Click / Show Picture - www.baitelezz.blogspot.com


المعلم ... مركز تماماً

-
إذا لم تظهر الصورة - Right Click / Show Picture - www.baitelezz.blogspot.com


هات ياض الخمسة جنيه اللي خدتها مني


إذا لم تظهر الصورة - Right Click / Show Picture - www.baitelezz.blogspot.com


مع جوزيه مش معايا


إذا لم تظهر الصورة - Right Click / Show Picture - www.baitelezz.blogspot.com


الحمد لله رب العالمين


إذا لم تظهر الصورة - Right Click / Show Picture - www.baitelezz.blogspot.com


البرنس وسط السفاحين

-
إذا لم تظهر الصورة - Right Click / Show Picture - www.baitelezz.blogspot.comإذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


أغلي صور العام 2006

-

Thursday, December 14, 2006

عريس يا بووووي


التدوينة دي اتبعتتلي علي الميل وبعد كده اتضح انها ملك للمدونة

Wanna b a Bride

وعشان متفتكرش اني باسرق مجهودها !!!!

أهو هي اللي كاتبة الكلام ده يا جماعه، وشكراً يا ستي علي حسن ظنك فيا ...


بصوا بأه ..أولا الحكاية دي برضه من فصيلة هم يبكي و هم يضحك ..بس الصراحه يعني الصراحه ..انتوا هتضحكوا عليا أنا..هتشوفوا ..بس بقولكوا ايه بما اني فتاه ركيكة ..قصدي رقيقة رقيقة..و مهيضة الجناح..ههه حلوة مهيضه دي..فبليز بليز ..بلاش تريقة

الحكاية دي مايعرفهاش أي حد غير انا و ماما ..ماحكيتهاش لأي حد من أصحابي ..يعني ابقوا اتفشخروا قدام كل أصحابكم بالأمتياز ده ...حصريا على بلوجر ..حكاية العريس التاني ل عايزة أتجوز ..إقرا الحادثة ..اقرا الحادثة

احمم..مقدمة...عارفين ايه احساس واحده و هي ماشية في الشارع و تحس ان حد معجب بيها..مش معاكسه يعني و كده ..لأ بيبقى فيه كده كيميا زي مابيقولوا الأجانب ..و على فكرة فيه جوازات كتير بتبدأ كده ...واحد يشوف واحده في الشارع..يمشي وراها ..يعرف
ساكنة فين و يسأل عليها و يخطبها ..ابن عمي عمل كده و البت لسعته حتت قلم على وشة ..علم على صداغه 3 أيام ..قام هو اتكيف قوي و قال البت دي واضح انها مؤدبة ومتربية وراح خطبها ..آه و النعمة..هي صحيح بعد كده اتضح ان ايديها بتطول عليه في كل المواقف مش في الموقف ده بس ..بس و الله الراجل مبسوط و بيحلف باليوم اللي شافها فيه..و بيلعن أبو ... والا بلاش دي في مقام عمتي برضه

المهم أنا يوم نازله من البيت رايحه الشغل..حسيت بكيميا م اللي كنت بقولكم عليها دي ..حسيت ان فيه عين هتخرم قفايا ..اتديرت بسرعه كده في الخباثة لقيتلكم راجل انما ايه .. طول بعرض بارتفاع.ماسك ف ايده شنطة سودا و لابس بدله و كرافته و نضارة شمس....عامل كده زي العيال اللي كانوا بيطلعوا في إعلانات جمعية شباب المستقبل بتاع جمال مبارك "شباب الجيل ..قوام جينا ..هو ..هو " فاكرينهم ؟..المهم الواد كان حليوة و انا قلبي هفهفله أول مالمحته ..استنيت شوية ع المحطه و بعدين جه الميكروباص..ركبت راح راكب ورايا..قلت الشياكه دي كلها هتركب مكروباص ليه يعني..أكيد في الأمر إنا ..و جه كمان قعد جنبي ....يا حلولي يا حلولي..بس كنت خايفه ليعاكس و ساعتها أنا ماعرفش أبويا ..باللي ف رجلي و لايهمني لا شباب المستقبل و لا مين بالذى ولا حاجه أبدا..بس لاقيته في نص المسافه كده ..بيميل عليا و بيقول باسلوب رزين كده ...لو سمحتي ممكن أسأل حضرتك على حاجه ..وانتوا ماتعرفونيش... باتسطل لما حد يقولي حضرتك ..بس برضه مش سهله يعني..صدرت الوش الخشب و قلتله ..خير بمناسبة ايه ؟...يعني كنت عايز أسأل بس ..هو حضرتك مرتبطه ..واضح انك مش مخطوبة ولا متجوزة مافيش دبل في ايديكي ..بس الإرتباط بأه لازم أتأكد منه من حضرتك .....(حضرتك تاني يا حلولي)..والله الكلام ده مايتقالش في مواصلات و بعدين انا ماعرفكش و مش متعوده أكلم حد ماعرفوش ..طب يعني أنا لو معجب بحضرتك و عندي نيه أتقدم رسمي ..أعمل ايه ..أصلي بصراحه متابعك من مده بس دي أول مرة أتشجع و أحاول أكلمك .. ياحلاوة ياحلاوة متابعني من زمان ..ده واقع بأه..بس برضه على مين .. لازم أثبت ..و الله لو حضرتك متابعني زي مابتقول تبقى عارف بيتي وعارف بابايا ..هو الوحيد اللي ينفع يتكلم في المواضيعدي ..لو سمحت ماتحرجنيش اكتر من كده ..جامده جامده يعني ... الحقيقة انت كده أثبتيلي اني أحسنت الإختيار....ياسلام ياسلام..الله الله ..هو ده الكلام ..لحد كده الأمور كلها صح و مية مية ..صديته آه بس كمان قلتله كلم بابا..سيبتله سكه مفتوحه يعني .

الواد بأه التباع راح شاخط فيا في اللحظه دي .....الأجرة يا أبله والا هتركبواببلاش...يابن اللذينا ..دانا عماله أترسم من ساعتها تبعتر كرامتي كده ؟...جيت أمد ايدي جوه الشنطه لقيتلكوا الأخ بأه راح بسرعه مطلع فلوس و محاسبلي ..لأ مايصحش ..لأ بأه اسمحيلي ..أنا لا يمكن أقبل واحده هاتقدملها تدفع و انا موجود ...وجون وجون وجون ..هيتقدملي خلاص أيوة كده هو انا صحيح ماعرفش هو بيشتغل ايه و الا عايش فين والا بيقلد فنانين والا ايه نظامه بس الجواب بيبان من عنوانه .

أول ما المكروباص وقف لقيته نزل معايا في نفس المحطه و بصلي و قاللي ..أنا حبيت أنقذك يعني في المكروباص ..واضح قوي انك ماعاكيش فلوس...الدم ضرب في نافوخي.. وقولتله انت هتتمنظر عليا والا ايه ؟..واضح ان شنطتك فاضية آخر الشهر بأه يالا وفرتلك أجرة المكروباص تنفعك ..بصتله بذهول كده و قلت له ..مين اللي قالك الكلام الفارغ ده ..انا عمري مامشي بشنطتي فيها أقل من 300 جنيه..قالي باستهزاء كده ..لاااااماصدقش..الدم كان خلاص قرب يطلع من نافوخي زي النافورة..رحت مطلعه كل اللي في المحفظه مورياهولي ..أهه حتى شوف 50-100-200-220

لقيته مد ايده اخد الفلوس..و بصلها كده و عدها و قاللي آه صحيح انتي معاكي فلوس أههو في لحظه راح مطبقهم و حاطتهم في جيبه ..و قاللي انا هاخليهم معايا بأه سوفينير لحد لما آجيلكم البيت ..ماستوعبتش و قبل ما آخد فرصة أقول كلمه واحده كان راكب ورا
واحد على موتوسيكل شكله كده كان ماشي ورا المكروباص و هوا ..فص ملح و داب ..!

أختكوا بأه واقفه في وسط الشارع هابلااااااااااه ..زي اللي اتدلق عليه جردل مايه مش نضيف..مش عارفه أصوت والا أطلع أجري وراه والا ألطم على وشي ......فضلت واقفه يجي خمس دقايق في الشارع مش عارفه اروح فين والعربيات تقعد تزمرلي و لما تلاقيني مسهمة تقريبا اللي سايقين يقولوا في نفسهم دي يا اما طارشه يا اما مجنونة يا اما م اللي بيبيعوا مناديل ..و الناس تعدي تبصلي... والعيال الصغيرة يشدوا في هدوم أهاليهم ..بابا بابا هي الست دي عامله كده ليه؟

بعد شوية كده لفيت و دخلت المستشفى اللي باشتغل فيها ..و على وشي تعبير كده زي تعبير العمده الآلي بتاع زمان ..دخلت الصيدلية..قعدت ع المكتب ..و فجأه .....انفجرت في العياط ..و العيال زمايلي اتلموا حواليا..مالك ..فيه ايه؟...حد زعلك ..حد كلمك؟
من بين العياط و الشحتفه ما اقدرتش أقولهم غير كلمه واحده اتسرقت !!!

Sunday, December 10, 2006

الكورة فييييييين


إذا لم تظهر الصورة - Right Click / Show Picture - www.baitelezz.blogspot.com



النهاردة كانت مصر كلها مزوغة من شغلها ومدارسها وحتي من بيوتها، كله كان في الشارع.. كله كان بيتفرج علي ماتش الأهلي ونيوأوكلاند في كاااااااااااااااس العالم للأندية، الكاس اللي كل الزملكاوية "الرماديين" اللي من جوه فيه جمر عندهم - طبعا مش كلهم - بيقولك "كاس عالم مين يا عم" ...!!


نزلت الصبح طبعاً ماروحتش الشغل ...!!! يوم تاريخي مش هانطلع كل سنة كأس العالم يعني.. ولو اني قولت كده برضه السنة اللي فاتت... ربنا يخليك لينا يا أهلي وتدلعنا كل سنة.. المشكلة اني قابلت كذا حاجة في اليوم ده بالإضافة للماتش، ارجع كام يوم كده قبل الماتش ده، عناوين الأخبار كانت : "غلق اكتر من 40 كافيه في مساكن الشيراتون والنزهة" عشان شكاوي السكان المجاورين من دخان الشيشة والضوضاء واللي انا فعلا معاهم فيه تماماً لكن اللطيف بقي ان المنطقة كلها كانت كافيهات وشغالة زي الفل وكله شال الشمع "الأحمر" وفتح واستقبل الناس ..!!! دي نقطة بدون تعليق ..!



إذا لم تظهر الصورة - Right Click / Show Picture - www.baitelezz.blogspot.com



نيجي لتاني نقطة وهي التعليق علي الماتش كابتن محمووووووووود بكر ربنا يديله الصحة ويمتعنا اكتر واكتر ..!! والله الراجل ده انا بأٌسبرنشق لما اعرف انه هو اللي هيعلق ... بقول تمام كده انا هاضحك ...!! اللي منكم ميعرفش محمود بكر فلاااا ده راجل ليه صولات وجولات في مجال التعليق، بكر إسكندراني الجنسية حيث الأيوه وطالاعو ونازالو والكلام اللي باللهجة الإسكندراني اللي زي العسل ده، لكن المشكلة الكبيرة في الكابتن بكر .. إنه بينسي !! وبيغلط كتير اوي !! وتحس تماما في أوقات انه بيعلق علي ماتش تاني اصلاً ... اينعم الراجل من اجدع الناس اللي تلاقيه بيعلق وبيحلل زي الفل لكن في التعليق وهمي !!! مثلاً وليس علي سبيل الحصر لأني لسه هاحكيلكم علي غيره كتير من المعلقين اللطاف جداً جداً جداً ... إمبارح وسط التعليق "متعب" اتأخر في كورة فإذ بي اتفاجئي بالكابتن بيقول " يااااااااه عماد اتأخر سالسة ! " إيه سالسة دي يا كابتن ..؟؟ يعني ثانية ولا سنتي ولا ايه بالظبط... الناس كلهم اصلا نسيوا متعب وانه فعلا ضيع هدف وقعدوا يضحكوا علي سالسة.. واحد قال انه اكتشف اكتشاف جديد زي زويل ..!!



إذا لم تظهر الصورة - Right Click / Show Picture - www.baitelezz.blogspot.com



في نهاية الشوط الأول والراجل عارف قبلنا انه بيعلق علي قناة إيه أر تي ... الاقيه بيقفل وبيحيي مشاهدي مجموعة قنوات " أوربت " ...!!! مزيييييييييييييد من الضحك والقهقهة ... وغير ده كتير كتير كتير الشئ اللي خلاني اسرح مع زمايلي في الشغل النهاردة وقعدنا نفتكر كل الوقعات اللي حصلت قبل كده من معلقين.


إذا لم تظهر الصورة - Right Click / Show Picture - www.baitelezz.blogspot.com



مرة كان حسين السيد حارس مرمي الزمالك "البركة" جاياله الكورة هادية جدا من أوت من زميله !!! شوفتوا الحلاوة .. سقطت من ورا إيده ودخلت فيه جون !! افتكر المعلق كان أشرف شاكر والمعروف بزملكاويته يومها قال : " أ** دي جون ..!!! " بس وكانت اخر مرة يعلق فيها الباشا في التليفزيون المصري !!! ومرة برضه حبيبي وحبيب قلبي مجدي عبد الغني في كأس العالم 2002 في ماتش البرازيل وتركيا... كااااااااااااااان وهمي خرافي حاجة محصلتش ..!! فاكره كان بيقول لما سمع جمهور تركيا بيشجع : "حد يقولي يا كابتن مجدي هما بيقولوا ايه !! اقولكم بيقولوا توركيا توركيا " يا سلاااااااااااااااام جيبت التايهة حضرتك .. اللي منكم سمع الماتش ده هيعرف كان بيقولها ازاي بطريقة وهمية مضحكة تماماً .. كمل اليوم ده التعليق بطريقة هيستيرية .. برضه قال : " حد يسألني يا كابتن مجدي - يا عم محدش سألك - يقولي يا كابتن مجدي هو ايه اللي حاطه حارس تركيا تحت عينيه ده !؟ اقولكم معرفش !!! " اصل كان الحارس ده حاطط حاجتين سود كده تحت عينيه .. محدش سألك يا كابتن ويا ريتك قولت معلومة .. فكرني بسمير غانم وهو بيقول " الكورة فييييييين "


إذا لم تظهر الصورة - Right Click / Show Picture - www.baitelezz.blogspot.com



ياه ولو حكيتلكم مش هانشتغل النهاردة خالص عشان فيه بلاوي بتتقال في التعليق مضحكة ساعات.. شتايم ساعات.. حاجات غريبة بس ساعات بتبقي مضحكة الصراحة، اقفل كلامي بموقف من المواقف المضحكة وقع فيه كابتن حمادة إمام مع إبنه حازم إمام.. واحد مشجع فضل قاعد فوق دماغه ..." إيديله حقه يا كاااااااابتن إهتم بيه شوية يا كاااااااابتن - طبعاً هو يقصد حازم امام عشان كابتن حمادة كان بيتجاهل عشان محدش يقول بيتحيز له - يا كابتن مش كده يا كابتن هي دي الكورة المصرية والله ده حرااااااااااااام " ... هنا بقي الكابتن حمادة ممسكش نفسه وحاول يغطي الميكروفون بس صوته طلع برضه وهو بيقوله " يا عم ده إبني !! "

-

سلاموا عليكم وكل ماتش واحنا مزوغين ...

Wednesday, December 06, 2006

والمصحف لأخدم أمريكا


إذا لم تظهر الصورة - Right Click / Show Picture - www.baitelezz.blogspot.com

الأخ كيث أليسون شكله مش ناوي يجبها البر ... أليسون ده اول عضو مسلم في الكونجرس الأمريكي، " الأخ " أليسون اصر علي انه يقسم القسم اللي المفروض يكون الشهر القادم عشان يبدأ خدمته للشعب الأمريكي ومصالحه ..!! اصر ان القسم يبقي علي القرآن الكريم مش علي الإنجيل .. الشئ اللي اثار المحافظين ضده بشده وخلاهم يبعبعوا بكلام غريب منهم الكاتب دينيس براجير كتب في عمود من اشهر الأعمدة في الصحف الأمريكية : "أمريكا وليس إليسون من يحدد الكتاب الذي يقسم عليه أعضاء الكونجرس " وكمل " إن إستخدام المصحف في إحتفالات الكونجرس الأمريكي يقوض ويضعف الحضارة الأمريكية ..!! " وأضاف الكاتب " حينما يتعلق الأمر بقسم أعضاء الكونجرس علي خدمة الولايات المتحدة الأمريكية والحفاظ علي فيمها فإنه يجب ألا يكون عناك لمثل هذا القسم سوي الإنجيل ..!! " ثم وجه كلامه لليسون : " إذا كنت عاجزاً عن القسم علي هذا الكتاب الذي لا تهتم أمريكا بسواه، فلا تسعي إلي أن تكون في خدمة الكونجرس "


كلام عنصري جداً وقافش جداً وكله خوف ورعب من الإسلام معرفش ليه ..!! معرفش ماله الباشمهندس براجير ..!! بس انا شايف ان " الأخ " أليسون قدامه خدمة كونجريسية صاخبة إن شاء الله .. وبيني وبينك انت فعلاً هتخدم أمريكا ومصالح الأمريكان ..!! فمتحبكهاش قوي .. كده ولا كده انت امريكاني ..!!! ابقي حط ايدك علي الإنجيل وقول في سرك " والمصحف لأخدم أمريكا ..!! "

-

Tuesday, December 05, 2006

أمين شرطة سويسري

إذا لم تظهر الصورة - Right Click / Show Picture - www.baitelezz.blogspot.com

-

قال إيه !! وزارة العدل السويسرية باعته للسفارة السويسرية بالقاهرة بتطالب وزارة العدل المصرية !! بالتحقيق مع مواطن مصري كان في زيارة لسويسرا عشان " خرق " القانون الفيدرالي السويسري وارتكب جريمة شنعاااااااااااء ومشي علي سرعة 140 كم/ساعة بدل من 80 كم/ساعة في احد شوارعها ..!!! الخبر المفزع نقلته جريدة الأهرام المصرية الصادرة مش فاكر امتي بس المهم صدرت ..!! صدرت من سويسرا هذه الحمااااقة ..!!


إيه يا سويسرا مالك !!؟ إيه المعاملة دي !! مفيش أمين شرطة سويسري ياخدله كام الف فرنك ويمشي الراجل يعني !! إيه يا سويسرا المعاملة دي .. إيه اللي غيرك !؟ يعني مفيش حد يعرف حد هناك يجيبله الرخصة من المرور يعني !! ايه ده يا سويسرا .. مش عيب !!؟ يا سويسرا بجد أنا مستاء من المعاملة .!!! إيه مفيش حد عارف يلمك ولا إيه !! لما تبعتي لمواطن مصري برءئ كل اللي عمله في حياته !! انه جري بسرعة !! إيه يعني يا سويسرا يعني !! إيه الرخامة دي يعني !! ده ضيف يعني والضيوف عندنا بيعملوا كل حاجة في الشارع وهما ملط وفي حماية الشرطة يعني !! ايه ده !! بجد غريب اوي اللي انت عملتيه يا سويسرا ده إخص عليكي ..!! بقي تبعتي لوزارة العدل بتطالبي انها تحقق !! يا نهار ابيض ! تحقق !! مع مواطن مصري عشان جري بسرعة !! وصلت بيكي الجراءة يا سويسرا انك تطلبي الطلب ده !! ايه مفيش قانون يلمك !! وقال ايه كمان عايزين الوزارة تبلغهم بنتيجة التحقيق ....!!!


هنعمله ايه يعني ...! مواطن ويمكن مستعجل حبتين ولا ورا مشوار ... معلش !! لكن تحقيق ونيابة وسين وجيم ونبعت نتيجة التحقيق لبرة وايه نفضح نفسنا بقي قدام الغرب ..!! إيه ده ايه المعاملة دي ..!! ليه يعني ... ايه مفيش حكومة !! مفيش قانون !! مفيش حد يحمي مواطني الدولة !! ده حتي المثل عندنا يا سويسرا بيقول انا واخويا علي ابن عمي وانا وابن عمي علي الغريب ... يا سويسرا يا قليلة الأدب ..!! وابقي علمي " امناء " شرطتك بعد كده ازاي يتعاملوا مع المواطنين الشرفاء ..!! قلة أدب.

Friday, December 01, 2006

يوم الإيدز العالمي


إذا لم تظهر الصورة - Right Click / Show Picture - www.baitelezz.blogspot.com

-
اليوم 1 ديسمبر 2006
اليوم العالمي للإيدز بينظمه المعهد البريطاني بالعجوزة
اليوم كان حضوره جيد، عدد أنا متوقعتوش
كان معايا جينا وصديقة ليها رؤية وكنت هاقابل مريم
انا وصلت متأخر عشان كنت في مستشفي السرطان
فاتني الندوة العلمية بس حضرت بقية الفعاليات

إذا لم تظهر الصورة - Right Click / Show Picture - www.baitelezz.blogspot.com

عجبني النظام اللي كان موجود، عجبني المتطوعين اللي كانوا منتشرين

مكنتش باحتاج اسأل علي حاجة الإ وبلاقي حد

إذا لم تظهر الصورة - Right Click / Show Picture - www.baitelezz.blogspot.com

دي حاجة اسمها رقصة للحياة
كانوا بيأدوا استعراض علي صوت اغنية توعية للموضوع

ناهينا عن المبدأ بس عجبني تدريبهم وانهم عارفين هما بيعملوا ايه !!

إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com


كان فيه حائط عليه ورقة الناس بترسم اللي هي عايزاه كمشاركة في اليوم

وكان لازم اسيب بصمتي .. عز .. اللي فوق دي وجينا برضه كانت لازم تبصم !!


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


رؤية سابت بصمتها برضة بس علي ضهر الحائط عشان كانت رسالتها كبيرة شوية


إذا لم تظهر الصورة - Right Click / Show Picture - www.baitelezz.blogspot.com

كل الإيدز قبل ما ياكلك !! إزاي يعني يا ريس

إتنين إيدز بالماشروم لو سمحت


إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

ده واحد علي فكرة كان كاتب دكتور .. وانا كاتب عز فجت اني دكتور عز !!

وده شئ غير صحيح متزعلوش مني ست الدكتورة مي !!

صحيح ازيك يا مي ليكي وحشة يا شيخة هاكلمك بكرة ان شاء الله

ومتزعلش برضه يا طنطاوي انا مش دكتور يا عم ولا حاجة

إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

كان فيه مسابقة للتصوير الفوتوغرافي

المفروض اني كنت اشترك فيها بس نسيت

اه والله نسيت ابعت صورتي، المهم
المفاجأة كانت وانا باتفرج اني لاقيت اسمي
الله ! ايه يا جدعااااان انا بقيت باسَـقط للدرجة دي

انا باعت وانا ماعرفش !؟

وقعدت ادور باسم الصورة عليها يمكن تطلع بتاعتي وانا مش عارف
بس طلع حد غيري تشابه بس في الأسماء

إذا لم تظهر الصورة - Right Click / Show Picture - www.baitelezz.blogspot.com


رقم اربعة بس الصورة كانت مهزوزة وكسلت اعيدها

-
إذا لم تظهر الصورة - Right Click / Show Picture - www.baitelezz.blogspot.com


ودي صورة عجبتني اوي هناك لبنت من فودافون بتبص بطريقة جميلة وغريبة في نفس ذات الوقت

الجميل في الصورة انها متعرفش ان فيه حد بيبص عليها او ان شكلها طلع بالشكل ده
سيبكم مني انا فاهم انا باقول ايه
-
المهم روحت بشوية معلومات حلوة وعجبني ان ممكن يكون فيه ناس بتفكر
انها تعمل توعية جميلة زي كده بحاجة بغيضة زي كده
-
شكراً لكل واحد حضر اليوم ده وساهم في إنجاحه
-