مش في مصر

غلبت في الناس أقلهم ان الإيميل بتاع شركة بيبسي اللي الكل بيبعته ده علي إنه ده مصنع بيضرب فيه المنتج بتاع الشركة وبيتعمل من ألوان صناعية ودهانات..!! إنه مش في مصر زي ما هما بيدعوا.. مفيش حد راضي يسمع، أقولهم يا جماعة مش محتاجة فكاكة يعني وباينه اوي الصور انها مش في مصر... الله اعلم بقي في سوريا في العراق معرفش بس باينة اوي مش محتاجة علامة في جغرافية البشر عشان يأكد ده... مفيش برضه، فقلت لأ أنا اينعم مليش دعوة ياكش تولع الشركة مش قضيتي... بس انا قضيتي إنه لأ اللي بيحصل ده مش في مصر وخلاص

العلامة الصفرا بتوضح شكل الولد، مش مصري عراقي يمكن شامي الله اعلم لكن مش مصري

العلامة الحمرا بتوضح ببساطة شديدة إن دي صورة ذات مذهب شيعي، دقن وعمة سودا، ها بانت

العلامة الصفرا بتقول إنه مش عشان مكتوب بيبسي بالعربي تبقي في مصر يا عااااااااااااالم

!!! العلامتين الحمر مرة اخري بيظهروا صورة ذات طابع شيعي، برضه نفس الذقن ونفس العمة السودا

!!! الوش ده بقي انا اقطع دراعي إذا كان مصري، اصل انا مش هندي انا اتولدت وعيشت في شوارع البلد دي يعني

!!! وأخيرا وعشان مسمعش صوت حد تاني بيبعت الصور دي علي إنها في مصر
العلامة الحمرا هي صورة للمرجع الشيعي مقتضي الصدر

تبقي الصورة مش في مصر

مش محتاجة كيميا ولا فيزيا ولا أحياء عشان نتأكد من كده

دافعوا عن بلدكم

إنشروا الصور الموضحة دي، المسألة مش مسألة بيبسي

المسألة مسألة بلد، ضمير، سمعة سيئة عن ولاد بلدنا، اللي آه يمكن بيغلطوا وكتير كمان

لكن الغلطة دي مش تباعنا

كل واحد يتحمل غلطة.... البلد دي أمانة في رقبتكم

دافعوا عنها

-