Monday, October 30, 2006

هيلاااااا هوب

إذا لم تظهر الصورة - Right Click / Show Picture - www.baitelezz.blogspot.com

-

من أجمل المشاهد اللي شوفت فيها إستاد
القاهرة علي مدي 9 سنين بأروح الإستاد في ماتشات مهمة للأهلي


إذا لم تظهر الصورة - Right Click / Show Picture - www.baitelezz.blogspot.com

الإستاد إتملي قبل ساعتين من الماتش


إذا لم تظهر الصورة - Right Click / Show Picture - www.baitelezz.blogspot.com

-

بنت مصرية جداً فوجئت إنها داخلة
المدرج بتي شيرت الترجي "التونسي" وعادي جداً ولا أكنها هنا

وده شئ لاحظته !! إن أي حد بيجيب أي حاجة عنده في البيت وبيجي

لاقيت في المدرجات أعلام لإنجلترا !!
أيرلندا !! ولاقيت علم السويس بين جماهير تونس !!!!!!!!!

بس فعلاً فيه ناس بتجيب أي حاجة وتيجيي بيها الإستاد مش مهم إن شا الله ستارة مطبخ

-

إذا لم تظهر الصورة - Right Click / Show Picture - www.baitelezz.blogspot.com

-

كله تمام وجاهز للإنطلاق


إذا لم تظهر الصورة - Right Click / Show Picture - www.baitelezz.blogspot.com

-

جمهور تونس الحبيب كالعادة بدء بقلة أدب بدري بدري وقعد يرمي حاجات علي جمهور الأهلي


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

ما شاء الله المدرجات مكانش فيها مكان لإبرة !!! الناس كانت قاعدة علي السور


إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

-

بس تفتكروا كله كان جميل كده وأوروبي والحياة لونها شفتشي !!؟

أكيـــــــــــــــــــــــــــــــــــــــــد لأ

نرجع فلاش باك تلات ساعات ونص

الساعة 4 عصراً البوابة البحرية للإستاد إتقفلت عشان المدرج الشمال خلاص كومبليت

وده طبعاً خطأ من إدارة الأهلي من الأول

لأن كان لازم يبقي فيه تحديد في التذاكر تالتة شمال ولا يمين

عشان اللي شمال يجي صلاح سالم واليمين يروح الأوتوستراد

بس مش مهم يعني هي جت علي دي

الناس بدأت رحلة الزحف مسافة اكتر من 4 أو 5 كيلو

عشان يدخلوا من البوابة التانية في الأوتوستراد

اللي كان بيروح في تاكسي اللي كان بيمشي واللي كان بينط في أي اوتوبيس


إذا لم تظهر الصورة - Right Click / Show Picture - www.baitelezz.blogspot.com

-

مشهد جميل تاني وسط كل المشي والزحمة والغضب من الانظام اللي الواحد شافه


إذا لم تظهر الصورة - Right Click / Show Picture - www.baitelezz.blogspot.com

-

إستعنا علي الشقي بالله ده اول طابور

ويا ريت يا شباب ويا صبايا اللي راحوا كأس الأمم الأفريقية يشيلوا من دماغهم خالص الذكريات دي

لأن زمنها إنتهي ... ورجعت ريما لعادتها القديمة


إذا لم تظهر الصورة - Right Click / Show Picture - www.baitelezz.blogspot.com

-

كله يرفع إيـــده فووووووووووووق ولا أكننا أسري حرب

بس عادي متعودين ومن كتر التعود مش مركزين إن احنا مش أسري حرب ولا حرامية

احنا ناس محترمة دافعة فلوس وجاية تستمتع !!! مش في معسكر تدريبي


إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

وبدأ المشوار وكالعاااااااااااااااااااااادة البوابات مقفولة والتكدس شغال


إذا لم تظهر الصورة - Right Click / Show Picture - www.baitelezz.blogspot.com

-

بس أنا شوفت الفيلم ده قبل كده وكان معايا أخويا أحمد

كان صغير ساعتها وكنا إحنا الإتنين هنموت من الفعص


إذا لم تظهر الصورة - Right Click / Show Picture - www.baitelezz.blogspot.com

-

أول ما حسيت بالخيانة وطبعا بما إني مكنتش عارف ابص ورايا

خليت الكاميرا هي اللي تبص ..!! ما هي مننا وعلينا

فوووووووووجئت بالمنظر ده علي طول شديت أحمد وعافرنا عشان نخرج من الخية دي

قصدي الصف ده


إذا لم تظهر الصورة - Right Click / Show Picture - www.baitelezz.blogspot.com

-

وفعلاً لحظات والظابط أنا سامعه بنفسي بيقولوا يا كريم بيه تعالي وافتحلهم البوابات


إذا لم تظهر الصورة - Right Click / Show Picture - www.baitelezz.blogspot.com

-

يعني سيبهم يطحنوا بعض !!


إذا لم تظهر الصورة - Right Click / Show Picture - www.baitelezz.blogspot.com

-

هات عساكرك وتعالي هنا يا ريس


إذا لم تظهر الصورة - Right Click / Show Picture - www.baitelezz.blogspot.com

-

الصورة دي لبنات الولد اللي معاهم مش مركز أكيد أو مش مدرك للي هيحصلهم

أو لسه حالم بذكريات الماضي (الماضي هنا شهرفبراير 2006)

ملحقتش أنبهه للأسف


إذا لم تظهر الصورة - Right Click / Show Picture - www.baitelezz.blogspot.com

بخ !! راحوا في الظلام


إذا لم تظهر الصورة - Right Click / Show Picture - www.baitelezz.blogspot.com

-

وبدأت المناقشات والمهاترات المملة مع الظباط

ليه كده يا باشا وهي دي طريقة دخول وكلام من هذا القبيل

مرة تانية يا جماعة التنظيم تنظيم الأهلي !!! مش قد تنظيم نهائي أفريقيا !!!!!

الشرطة دورها إشرافي مش هي اللي هتنظم الدخول
موظفين النادي إنسحبوا وإختفوا قبل ما الظابط يقولوا افتح الأبواب يا بيه وسيبهم يدخلوا


إذا لم تظهر الصورة - Right Click / Show Picture - www.baitelezz.blogspot.com

-

بنات من الناس العاقلة اللي وقفوا يتفرجوا لغاية ما الهيصة تخلص

وكله كان هيدخل إيه لازمتها المناظر دي أنا مش فاهم

إتفرجوا بقي وانا خلاص خلصت كلام


إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

-

إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

واضح الفرق

؟؟!؟!؟!؟


إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

قال كأس عالم قال .... أخرنا دورات رمضانية أصلاً

-

9 comments:

  1. طول ما انا بتفرج علي الصور مش عارفة اتخيل منظرك وانت بتصور من الزحمة اللي موجودة بس عملت ريبورت جميل فعلا ..تصدق ريما رجعت لعادتها القديمة :)

    ReplyDelete
  2. هو صفر المونديال خدناة افترى؟؟؟ !!!!!!!!!!
    لا طبعا دة كان حقنا ... سنين عشنا فيها همج ولاغيين مخنا ... يبقى لازم نحصل على الصفر بجدارة
    والناس اللى انت شفتهم ومصورهم دول اكيد طمعانين فى صفر تانى
    هيا دية مصر يا .....عز
    اه يا بلد ااااااااه
    ,,, دة احنا لا صوتنا اتنبح ولا فى مالطة بندن,,,,
    صدقنى تعالى ننفذ مشروعنا فاضل 10 ايام بالكتير و 8 نوفمبر يجى!!!!!!!!!!!

    ReplyDelete
  3. يااااه

    أخر أربع صور وجعوا قلبي
    والله حسيت بالحزن الشديد
    الفرق بيينا وبينهم

    ورجعت ذكريات لما رحت ماتش مصر والسنغال في تصفيات كاس العالم من شبع سنين
    وكان اخر ماتش اروح فيه الاستاد

    احنا يا عالم يا زبالة دافعين فلوس،
    ومش اي فلوس،
    درجة اولى
    ورحت الاستاد قبل الماتش بساعة ونصف
    لاقينا الاستاد مقفول
    وخلاص
    الاستاد اتملى يا حضرات
    نعم يا روح امك؟؟؟
    امال التذكرة اللي معايا دي لازمتها ايه ؟

    الناس اللي بتنط من فوق السور دي دفعوا فلوس...مش حرامية ،....
    نقدر نقول عليهم عندهم حق؟؟

    طبعا
    وكل واحد عايز حقوا
    ياخدوا بالطريقة اللي تريحوا

    ReplyDelete
  4. جامدة جدا جدا جدا الصور و الموضوع

    مش ممكن

    ما شاء اللع عليك

    بس انت انقذوك من كل ده ازاي

    و في الاخر الاهلي اتعادل
    بعد كل المعاناة دي

    :))

    ReplyDelete
  5. هنعمل ايه يا ريس بقي هي الناس بقت غريبة !!! تحس إننا مش ناويين ننضف .. هنفضل طووووووووووول عمرنا غاويين شقي ونط من فوق السور ..!!

    ReplyDelete
  6. شكرا يا Epitaph
    شكرا علي رأيك في الصور الحمد لله أهو أديني بحاول أمتع نفسي قبل ماأمتع أي حد لأن عندي الحياة بأشوفها من العدسة معرفش أستمتع بحاجة الإ إذا شوفتها قدامي ولو شوفتها ومكانش معايا الكاميرا ودي بتبقي نادرة بأبقي ياااااااااااااااااه هاموت

    بخصوص انا طلعت إزاي من الزحمة دي أنا وأخويا الصغير فأقدر أقولك ومش بفخر يعني بس دي خبرة 9 سنين إستادات و25 سنة مصريات ..!!!

    ReplyDelete
  7. تنظيم مين ياباشا بس صلى ع النبى

    لا اهلى ولا غيره هو احنا بنعرف ننظم حاجة

    بس بجد برافوا عليك انت كنت واقف ازاى صحيح والا خدت الصور دى ازاى ؟؟
    والبنات الغلابة دول راحوا فين اتفعصوا أكيد والله عيب لما يبقى نادى زى الاهلى وبالجبروت دة كله ومش عارف يعمل حاجة تافهة زى دى طب خلوا ايه للفرق الغلبانة ؟؟

    ReplyDelete
  8. والله يا أميرة القلم ربك بيستر علي الخلق والصراحة عشان مابقاش ظلمت النادي اللي اتربيت فيه وقضيت فيه اجمل ايام حياتي وانا بالعب كرة سلة

    دي اول مرة اشوف المهزلة دي !! داييييييمااااااً كانت ماتشات الأهلي هي اللي الواحد بيعرف يدخل فيها وهو واقف علي رجله أصلاً

    والله أقسم ان فيه مرة من المرات كان ماتش الأهلي والزمالك وكان تنظيم الزمالك والله دخل الخمسين الف متفرج الأهلوية من باب واحد زي باب غرفتك مثلا !!!! والله كانوا الناس بينطوا من فوق السور كان اللي بيدخل من الباب الأوحد بيدخل ومعاه واحد هدية علي كتفة جايله من فوق السور :)

    بس المهزلة دي وبالشكل ده وفي نهائي أفريقيا كانت مفاجأة بالنسبة لي .!!

    إزاي صورت وكنت واقف فين ؟ كنت واقف مع الناس في الطابور الكمين اللي مع اول همسة يعرفوا منها الناس ان الباب اتفتح هتلاقي نفسك يا إما بايسة الأرض والناس ماشية فوقيكي .. يا إما لزقة في الباب يا إما في الحيطة بتاعت السور وأنا جربتهم قبل كده كلهم ماعدا الأرض الحمد لله ربنا عافاني منها بس شوفت يااااااااما ناس واطفال بيقعوا والناس بتدوس عليهم !! ياما !!

    إزاي عرفت اخرج من وسطهم ربك بقي بيكرم :) انا كنت باصور وانا وسطهم عادي لأني ولله الحمد يجي مترين الا شوية يعني لو رفعت ايدي اصلا هابقي عامل زي الكرين بتاع السينما :)) فعشان كده تحسي ان الصور من زاوية عالية :)))

    يلا الحمد لله نجانا وان لله وانا اليه راجعون في الفلوس اللي اتصرفت علي بوابات اليكترونية وابواب حديد جديدة الواحد كان فاكر ان الشعب هيتعود عليها ولكن للأسف !!! رجعت ريما لعادتها القديمة - مع الإعتذار لصديقتنا ريما :)

    ReplyDelete
  9. السلام عليكم ورحمه الله وبركاته

    بجد مجهود رائع انك تجيب صور زى دى
    وشكرا كتييييييييير

    لكن الاهلى هيعمل ايه لاعداد ضخمه تزيد عن السعه الرسميه للمكان مهما كان كبير

    غير ان الاهلى مش هيقدر يتحكم فى البشر اذا قدر يتحكم فى المكان

    لكن المفروض يبقى فى عزل للبنات عن الاولاد عشان الولد مش زى البنت فى التحمل وكده

    شكرا يا جميل على المجهود وفى صور بجد تحفه

    ReplyDelete