علي كف عفريت

-

تكونش هي دي الشفافية !! مش عارف، لأ، ما أظنش ..!!! طب دي إيه ؟ مقلب ورينا يا سحس !!؟ مش عارف برضه ما أظنش ..!! لما صحيت النهاردة وفي خطفتي السريعة قبل ما أنزل شغلي علي جريدة الأهرام لقيت الخبر ده... قرار حكومي علي كف مواطن! حكومي إزاي يعني !!؟ أومال الناس اللي بتقف طوابير كل يوم عشان تخلص بطاقة التموين دي بتعمل إيه..!!؟ يبقي بيتشمسوا بقي لما تاجر فكهاني يشتكي لمحافظ ويقولوا انهم مدولوش المحل المخصص ليه برغم أحقيته ويروح المحافظ مـَضي ليه علي كفه !!! تبقي هي دي الحكومة الإلكترونية بصحيح وقال إيه الصحفي يقولك "في قفشة طريفة من المحافظ" إيه الطرافة في كده !! وفين وش المحافظ اللي بيدل علي إنه طريف ولطيف !! ليه الإستخفاف وصل بعقل الناس للدرجة دي !؟ وليه أصلاً الناس بالسذاجة دي !!؟ تخصيص إيه اللي واخده التاجر ده علي إيده !؟ وإن شاء الله هيروح يستلم بإيده كده !! يعني هيفضل معفن مش هيغسل إيده لغاية ما يخصصوا له المحل !!؟ خلاص بلاهة نظافة ومش لازم صلاة !! المحافظ مـَضي لي يا عم !! فين الأمان اللي أخده المواطن اللطيف من المحافظ الطريف !؟ أنا مش عارف فين القرار !؟ مش عارف فين التخصيص !؟ الله أعلم كله في علم الغيب... بالمرة أقترح عليه يعلق إيده في المحل عشان المحل يبقي مترخص سليم والترخيص في مكان ظاهر... وعجبي.

-

-