هيلاااااا هوب

-

من أجمل المشاهد اللي شوفت فيها إستاد
القاهرة علي مدي 9 سنين بأروح الإستاد في ماتشات مهمة للأهلي

الإستاد إتملي قبل ساعتين من الماتش

-

بنت مصرية جداً فوجئت إنها داخلة
المدرج بتي شيرت الترجي "التونسي" وعادي جداً ولا أكنها هنا

وده شئ لاحظته !! إن أي حد بيجيب أي حاجة عنده في البيت وبيجي

لاقيت في المدرجات أعلام لإنجلترا !!
أيرلندا !! ولاقيت علم السويس بين جماهير تونس !!!!!!!!!

بس فعلاً فيه ناس بتجيب أي حاجة وتيجيي بيها الإستاد مش مهم إن شا الله ستارة مطبخ

-

-

كله تمام وجاهز للإنطلاق

-

جمهور تونس الحبيب كالعادة بدء بقلة أدب بدري بدري وقعد يرمي حاجات علي جمهور الأهلي

ما شاء الله المدرجات مكانش فيها مكان لإبرة !!! الناس كانت قاعدة علي السور

-

بس تفتكروا كله كان جميل كده وأوروبي والحياة لونها شفتشي !!؟

أكيـــــــــــــــــــــــــــــــــــــــــد لأ

نرجع فلاش باك تلات ساعات ونص

الساعة 4 عصراً البوابة البحرية للإستاد إتقفلت عشان المدرج الشمال خلاص كومبليت

وده طبعاً خطأ من إدارة الأهلي من الأول

لأن كان لازم يبقي فيه تحديد في التذاكر تالتة شمال ولا يمين

عشان اللي شمال يجي صلاح سالم واليمين يروح الأوتوستراد

بس مش مهم يعني هي جت علي دي

الناس بدأت رحلة الزحف مسافة اكتر من 4 أو 5 كيلو

عشان يدخلوا من البوابة التانية في الأوتوستراد

اللي كان بيروح في تاكسي اللي كان بيمشي واللي كان بينط في أي اوتوبيس

-

مشهد جميل تاني وسط كل المشي والزحمة والغضب من الانظام اللي الواحد شافه

-

إستعنا علي الشقي بالله ده اول طابور

ويا ريت يا شباب ويا صبايا اللي راحوا كأس الأمم الأفريقية يشيلوا من دماغهم خالص الذكريات دي

لأن زمنها إنتهي ... ورجعت ريما لعادتها القديمة

-

كله يرفع إيـــده فووووووووووووق ولا أكننا أسري حرب

بس عادي متعودين ومن كتر التعود مش مركزين إن احنا مش أسري حرب ولا حرامية

احنا ناس محترمة دافعة فلوس وجاية تستمتع !!! مش في معسكر تدريبي

وبدأ المشوار وكالعاااااااااااااااااااااادة البوابات مقفولة والتكدس شغال

-

بس أنا شوفت الفيلم ده قبل كده وكان معايا أخويا أحمد

كان صغير ساعتها وكنا إحنا الإتنين هنموت من الفعص

-

أول ما حسيت بالخيانة وطبعا بما إني مكنتش عارف ابص ورايا

خليت الكاميرا هي اللي تبص ..!! ما هي مننا وعلينا

فوووووووووجئت بالمنظر ده علي طول شديت أحمد وعافرنا عشان نخرج من الخية دي

قصدي الصف ده

-

وفعلاً لحظات والظابط أنا سامعه بنفسي بيقولوا يا كريم بيه تعالي وافتحلهم البوابات

-

يعني سيبهم يطحنوا بعض !!

-

هات عساكرك وتعالي هنا يا ريس

-

الصورة دي لبنات الولد اللي معاهم مش مركز أكيد أو مش مدرك للي هيحصلهم

أو لسه حالم بذكريات الماضي (الماضي هنا شهرفبراير 2006)

ملحقتش أنبهه للأسف

بخ !! راحوا في الظلام

-

وبدأت المناقشات والمهاترات المملة مع الظباط

ليه كده يا باشا وهي دي طريقة دخول وكلام من هذا القبيل

مرة تانية يا جماعة التنظيم تنظيم الأهلي !!! مش قد تنظيم نهائي أفريقيا !!!!!

الشرطة دورها إشرافي مش هي اللي هتنظم الدخول
موظفين النادي إنسحبوا وإختفوا قبل ما الظابط يقولوا افتح الأبواب يا بيه وسيبهم يدخلوا

-

بنات من الناس العاقلة اللي وقفوا يتفرجوا لغاية ما الهيصة تخلص

وكله كان هيدخل إيه لازمتها المناظر دي أنا مش فاهم

إتفرجوا بقي وانا خلاص خلصت كلام

-

واضح الفرق

؟؟!؟!؟!؟

قال كأس عالم قال .... أخرنا دورات رمضانية أصلاً

-