من أجمل نعم الله علينا " يوم الجائزة " اليوم اللي بنصلي فيه صلاة العيد وبنختم فيه مشوار شهر كامل ربنا يسامحنا فيه إذا قصرنا ويكرمنا ويتقبل منا صالح الأعمال.. كل عام بيبقي الشكل أجمل وأجمل في صلاة العيد وده الشكل كان في الشيراتون، منطقتي!
العربية دي مش راكنة في وسط الشارع ..!! دي كانت راكن جنبها عربيات
زي كده
أجي بقي للحكاية الرئيسية اللي انا عايز اقولها.. بعد الصلاة وانا ماشي لقيت في حد بيقرب مني كده بالراحة وبيديني ظرف.. عارفين كده لما حد يجي جنبكم ويقول بصوت واطي "كل سنة وانت طيــــــــــــــب" في ودنك كده اكنه بيقولك مكان العملية !! خدت الظرف ومشيت مبصيتش فيه ولاقيت صحابي "محمود" و"مجدي" وقفت معاهم قلتلهم مخدتوش البتاعة دي ؟ قالولي لأ فبصيت إيه دي أصلاً.. لقيت إنه ظرف من مكتب المحامي "مجدي عاشور" النائب الإخواني في مجلس الشعب ..!!! وجواه كارت " كل عام وانت بخير " ابتسمت وروحت.
لما وصلت البيت وملقيتش كل صحابي وجيراني وكل الناس اللي عندنا في البيت كمان محدش معاهم من الظرف اللي معايا ده ... فكرت ليه ؟ إشمعني أنا ؟؟ بس علي طول جالي الرد .. عشان انا بدقن .!!! إحتمال كبير يكون رأيى غلط بس أنا كنت الوحيد من الناس اللي ذكرتهم دول كنت بدقن كثيفة - نتاج العشر الآواخر من رمضان ربنا يتقبل منا ومنكم صالح الأعمال - فتبقي كارثة لما يكون توزيع التهنئة قايم علي السؤال : إنت بدقن يا كابتن ؟ آه طب كل سنة بقي وإنت طيب.
-
لو هو ده اللي حصل وفعلاً الإخوان بينتقوا الإخوة اللي بدقون وبيهنوهم بالعيد !! تبقي كارثة والله أعلم بس بغض النظر عن اللي حصل أحب أهني الكل بالعيد وكل سنة واللي بدقن طيبين واللي من غير دقن طيبين والمحجبات طيبين والغير محجبات طيبين وكل المسلمين والغير مسلمين كمان طيبين.
سلام عليكم: جميل اوى ان انت يتم اختيارك من انسان ملتحى ومتدين انة يعيد عليك,, هما صحيح الاخوان ليهم اغراض اخرى غير الدين ودة سببى الوحيد اننا نعارضهم ,, بس افرض حسن النوايا يا فندم يعنى تخيل مثلا ان انت الوحيد اللى لفت انتباه اخينا دة,,, او ممكن شكلك حلو,,, او عاطفى ,, اى حاجة اى حاجة ,,,, متفرضش سوء النية علشان فى بلدنا دية ممكن نطق لو فرضنا السوء واعمل على راى عمك الحاج مدحت صالح...... دية لا بازت ولا خربت ولا جابت جاز لا مؤاخذو........ علشان ترتاح...... مريم
ReplyDeleteيا عزيزى ليس كل ملتحى منتمى للأخوان وليس كل اخوانجى ملتحى فانا عن نفسى اعرف ناس كتير من الأخوان المسلمين غير ملتحين
ReplyDeleteيا سيد ابن شومان كلامك تمام !! بس هو انا قلت غير كده ولا قلت كده اصلاً ... انا كل اللي قلته ان الولد من مكتب النائب مجدي عاشور وده نائب اخوان ... بس
ReplyDeleteدى حاجة طبيعية بالنسبة للاخوان وهما مشكلين رابطة تحسسك انهم مجتمع جوة المجتمع وشىء جميل فعلا اللى بيعملوه مع بعض بيشغلوا بعض ويساعدوا بعض ويجوزوا بعض ويهنوا بعض بالعيد هما بس كأنهم هما بس اللى فى البلد دة بشوفه دايما وبلاحظه وكذلك بين البنات فى الجامعة مثلا فى رمضان كانو يجيبوا الامساكيات للمختمرات او المنتقبات اللى بالحجاب العادى دى لا واللى بشعرها لا
ReplyDeletei dnt know what to say
ReplyDeletei shocked!!!