Sunday, October 22, 2006

الفطار الأخير


فطرت في يوم الرؤية اللي هيتحدد فيه إذا كان العيد بكرة ولا لأ في الحسين، روحت مع ناس صحابي في الشركة نفطر في الدهان.. وصلت الحسين علي صلاة العصر بعد الصلاة لقيت نفسي بأبص علي المقام الحسيني اللي بيدعي البعض إن السيد الحسين دفن فيه ..!! لقيت نفسي لازم اشوف الناس دي بتعمل ايه جوه، دخلت وانا فاكر ان هلاقي إتنين تلاتة قاعدين لكن المفاجأة إني لقيت اكتر من 100 شخص من كل الطبقات وكل الأشكال والأنواع.. لقيت الناس بتلف حولين المقام !! لقيت ناس ببدل ولا اكبر رؤساء مجلس الإدارة !! لقيت ناس نايمة !! لقيت ناس بتعيط !! لقيت ناس متشعلقة بالشباك بتاع المشهد !! لقيت واحد شايل علم وعمال بيطوف !! لقيت جو غريب صعب إن الواحد يتخيل اننا ممكن نكون كدا بعد 1427 سنة... ليه لغاية دلوقتي بنقول مدد يا سيدنا الحسين !! إستغربت إن الله سبحانه وتعالي في سورة البقرة في الآية 186 بيقولنا... بسم الله الرحمن الرحيم ( واذا سألك عبادي عني فإني قريب اجيب دعوة الداعي اذا دعان ) صدق الله العظيم ... وإحنا لسه بنتمسح في حديد ملوش قيمة في مقام مفيهوش حد أصلاً ..!!! ربنا يرحم عبيده .!!


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com

-

المهم .. سيبت الكلام ده وقعدت أسمع درس ديني عحبني جداً هدوء الشيخ وطريقته السلسة في الحديث، إستمر الحديث حوالي نص ساعة ضايقني فيها السياح الأجانب الصراحة ..!! كل شوية الاقي واحد داخل المسجد بشورت !! وبيصور الناس .. أينعم انا كنت بأصور وإشمعني أنا يعني !! بس أنا كنت بأصور وأنا بأحترم الناس لكن حبايبنا السواح كانوا بيقفوا قدام الناس أكنهم آثار وببجاحة كده .. ده ناهينا عن شكل الشورت في المسجد.


إذا لم تظهر الصورة - Right Click / Show Picture - www.baitelezz.blogspot.com

-

خرجت من المسجد !! من أوائل المشاهد اللي شوفتها وطبعاً كنت متفاجئ ... وأكن ماسورة سياح وإنفجرت.. أنا لما دخلت المسجد علي صلاة العصر مكانش الناس دي كلها هنا طلعت لقيت بشـــــــــــر واتوبيسات بتنزل سياح وناس قاعدة علي تربيزات الإفطار وإيه أكن الميدان إحتـُل ..!! بس إحتلال من نوع آخر :) مثال صغير وأأدب مثال كان موجود وينفع يتصور ويتعرض هي الصورة دي.. الأخت اللي لابسة تركواز واللي كانت واقفة قدام المسجد وما شاء الله بتتأمل في المسجد شوية وجيه خطيبها ولا جوزها وفضلوا حاضنين بعض وكان منظر مش عارف أعلق عليه ودام المسجد !!


إذا لم تظهر الصورة - Right Click / Show Picture - www.baitelezz.blogspot.com

-

وده كان جو الفطار اللي كان مذهــــــــــــــل


إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com
-

والناس كلها بقيت أجانب يظهر


إذا لم تظهر الصورة - Right Click / Show Picture - www.baitelezz.blogspot.com

-

قلت إشمعني هما بيصورونا وأكننا تحف لا هما كمان تحف


إذا لم تظهر الصورة - Right Click / Show Picture - www.baitelezz.blogspot.com

-

روحت جنب مجموعة كده وسلمت عليهم وبدأت اخد الصورة بتاعتي

زي ما انتم شايفيين البرنس المرشد بيحاول يمنعني من التصوير

كملت صورتي وابتسمت له وقلتله كل سنة وانت طيب يا عم


إذا لم تظهر الصورة - Right Click / Show Picture - www.baitelezz.blogspot.com

-

خان الخليلي دقايق قبل الفطار


إذا لم تظهر الصورة - Right Click / Show Picture - www.baitelezz.blogspot.com

إذا لم تظهر الصورة - Right Click / Show Picture - www.baitelezz.blogspot.com

-

نفس الجو بعد الفطار حاجة جميلة جدا بس الملاحظ

إن السياح روحوا وسابوا الميدان لأهل البلد


إذا لم تظهر الصورة - Right Click / Show Picture - www.baitelezz.blogspot.com

-

من الحاجات الجميلة النفق اللي تحت شارع الأزهر.. حركات تماماً

يلا كل سنة وكلنا طيبين

-

2 comments:

  1. اتق الله يا أخى ده مقام و مشهد سيدنا الحسين رضى الله عنه و ارضاه حفيد سيدنا النبي عليه افضل الصلاة و ازكى السلام خير خلق الله و لو كنت حضرتك مش عارف يستحسن تسأل الاول قبل ما تهاجم و لازم تعرف ان رأس مولانا الحسين مدفونة فى مصر فى هذا المقام و بدنه الشريف مدفون فى العراق بكربلاء و كتب التاريخ مليئة بالمعلومات التى تفيد ذلك و لو حضرتك مش عاجبك الناس اللى (اكتر من 100 شخص من كل الطبقات وكل الأشكال والأنواع.. لقيت الناس بتلف حولين المقام !! لقيت ناس ببدل ولا اكبر رؤساء مجلس الإدارة !! لقيت ناس نايمة !! لقيت ناس بتعيط !! لقيت ناس متشعلقة بالشباك بتاع المشهد !! لقيت واحد شايل علم وعمال بيطوف !! لقيت جو غريب صعب إن الواحد يتخيل اننا ممكن نكون كدا بعد 1427 سنة... ليه لغاية دلوقتي بنقول مدد يا سيدنا الحسين ) يبقى احسن تسيبهم فى حالهم و خليك فى حالك هما ما أزوش حضرتك فى حاجة و لا خرجو يقولولك و النبي تدخل تزور و تسلم على ابن بنت سيدنا النبي عليه افضل الصلاة و ازكى السلام حضرتك مش حاسس احسساسهم و مش فاهم حاجة فارجوك احذر و اتق الله فعسى ان يعاتبك فيهم سيدنا النبي عليه افضل الصلاة و ازكى السلام او يعاتبك فيهم الله سبحانه و تعالى و ان كنت لا تدرى فلا تندفع قد تكون انت المضلل ...... هدانا الله و اياكم و اعتذر عن حدة الرد فاسلوب حضرتك يعصب بصراحة

    ReplyDelete
  2. اشكرك على محاولتك انك تكون هادي و موضوعي في تعليقك واعتذرت كمان في النهاية مع انك لم تخطئ في اي شئ.. لكن ايضاً لم ترد على سؤالي وهو الشئ الوحيد اللي استغربت له.. ليه الناس دي كلها بتقول "مدد يا حسين" مش ده شرك بالله ولا انا من الهند؟

    حتى لو كانت رأس سيدنا الحسين مدفونة هنا، ده مش مبرر اننا نقول مدد يا حسين او مدد لأي احد غير الله سبحانه وتعالى.. ودي عقيدتي ومعتقدي.. و انا لم اسئ لهم ولا قولت انهم مجاذيب لا سمح الله ولا حتى قولت انهم اخطأوا.. انا فقط سألت "ليه ناس لحد دلوقتي بتقول مدد يا سيدنا الحسين" وشكراً

    ReplyDelete