إتجمعت أنا وشباب وصبايا مشروع المراقبة الإعلامية لإنتخابات عام 2005 الرئاسية والبرلمانية اللي كان بيقوم بيه مركز القاهرة لدراسات حقوق الإنسان والملقبين بالبصاصين !! أنا اللي سميتنا التسمية دي عشان تبقي الذكرة ممتزجة بشوية تهريج عشان ميحصلناش حاجة في دماغنا من اللي كنا بنشوفه وبنسمعه أيامها !! إتجمعنا عشان نفطر مع بعض وإختارنا حديقة الأزهر بعد مداولاااات ومناقشاااات وهيصة، المهم المكان كان ظريف واليوم كان حلو ما شاء الله ... اللي أنا عايز أعلق عليه هنا التالي :
أول ما دخلت البارك سألت الراجل اللي علي الباب سؤال برئ بصفتي شاب برئ وإحنا في نهار رمضان يعني مفيش أي حرج من إني أسأله : مفيش جامع هنا !؟ الغريب كان رده بإيماءة من راسه بمعني لأ .. قلتله مفيش الحاجات دي هنا وانا بأبتسم !؟ كرر نفس الإيماءة وهو بيبتسم كمان .!!!! مرديتش بقي اسأله انتوا لما بتحبوا تصلوا بتصلوا فين !! خفت ليقولي زي ما واحد صديقي قال للنادل ( زي ما بيقولوا في اللغة العربية ) بتاع علبة من علب الليل في المغرب لما طلب منه برتقال والراجل اداله حتت بصة أكنه من كوكب تاني !! قاله كلمة تانية هاسألك القبلة منين !!!
-
لما مشيت شوية وانا باخود الجولة بتاعتي في المكان لقيت اليافتة دي !!
ده كل اللي حصلت عليه وشكله شكل الجامع !!! مجموعة خاير بك !! مين بقي خاير بك وليه محطوط علي شكل الجامع ؟؟؟ انا مفهمتش للأسف مكانش فيه وقت زي ما انتم شايفين من الإضاءة المغرب كان خلاص علي الأبواب.. بس قلت كده او كده بلاش حرقة دم ما الراجل قالي انه مفيش جامع ...!!! بس كان ناقص يقولي يا بيه كله في الكومبلكس أو عند خاير !!! ده اللي ضايقني في الحديقة كلها ودي مش أول مرة أروحها طبعاً انا كنت من أوائل الناس اللي دخلوها في أول إفتتاحها التجريبي وأول ما مؤسسة الأغاخان أعلنت ان فيه حاجة اسمها الأزهر بارك بس دي أول مرة أخد بالي من القلشة دي ..!!! بجوار نصف مآذن القاهرة القديمة وفي منطقة تعد من تاريخ مصر الحديث والقديم !!! مفيش جامع بس الحمد لله فيه كومبلكس ..!!
أسيبكم مع شوية مناظر شوفتها أكتر من رائعة
أنا بأشكر كل اللي ساهموا في تحويل مكان كان مهمل وعشوائي لشئ جميل زي كده
ما إقتصرش علي الحديقة وبس لكن كمان قامت منطمة الأغاخان بتجميل المنطقة المحيطة بها
اللي هي حي الجمالية والمساعدة في النهوض به إجتماعياً وثقافياً
-
على فكرة فى زى جامع صغير فى حديقة الأزهر ، فى مطعم ستوديو مصر ، أنا صليت فيه فى رمضان اللى فات بس الله أعلم إذا كان على طول معمول جامع ولا فى رمضان بس
ReplyDeleteوالله يا سيد اسامة انا ماعرفش بس الجامع جامع والزاوية زاوية والحكم حكم واللاعب لاعب .... علي رأي الكابتن علي زيور الله يرحمه
ReplyDeleteya mohamed... 3amel eh...
ReplyDelete3la fekra... there is a masjed fe el azhar park, i'm 100% sure of this... ana saleet feeh before (ela eza kano hadoh) fa 3'aliban ely 2alak en mafeesh masged hoa ely kan mehais shwia
hoa sa7ee7 be3eeed awy w fe a7'er el park ta2reeban... ba3d el mante2a beta3et el maragee7.. w fe awta 7eta fe el park ... loh manzal 3'areeb awy kda bas hoa masged, kamel el 7'adamat.. feh makan wodo2 w mosala saidat kaman ....
sa7ee7 eh a7'bar R&D 3la 7esak?!!!
c u soon isA
Hi Nesma
ReplyDeleteana el 7amdolelah tamam w doing great, still ya nemsa its a SHAME! meters away from Al-Azhar Mosque and Mashiakhet Al Azhar w Dar El Iftaaa w Game3 Al Hussein and all this GREAT Places we can't find a mosque to do our prayers !!! its a SHAME! on everyone got involved with this design of the Park... they did a great job and so many landscapes and stuff but a SHAME! that Al Azhar Park had a mosque in "the lowest point" - as u mentioned and saw - of the Park !!! nothing but SHAME!
may ALLAH forgive who did this or didnt do that, by the way Shabab w Sabaia el R&D zi el fol w gahzen lel ishtebak fi ai moment :)
nshofek 3ala khair insha2allah