Wednesday, October 04, 2006

فخ لبنان

إذا لم تظهر الصورة - Right Click / Show Picture - www.baitelezz.blogspot.com
صورة من الأرشيف لكتيبة الإعدام


أنا بأكتب السطور دي قبل ما مباراة مصر ومنتخب العرب !! تنتهي، المباراة كانت في إطار فخ أقصد "مهرجان" لبنان كما كان برعاية السيدة الفاضلة !!! المهم المباراة أكيد مكانش لازم تبقي مباراة مملة ولا مباراة من نوع الفريق الأحمر والفريق التركواز أكيد ما كنتش احب إني أروح الإستاد وأتفرج علي مباراة من النوع ده !! بس إني أتفرج علي "فخ" إتنصب للاعبي لبنان والعرب !!! عشان منتخبنا العنتيل يتمنظر عليهم ويتمخطر عليهم يجيب فيهم نص دستة أهداف (دي النتيجة لحد هذه اللحظة) ده اللي أنا محبيتوش ...!!! مش عارف أنا اللي إتعودت علي اللعب التعاوني في المناسبات دي ولا هما فعلاً اللي عملوه ده وضغطهم الكامل علي لاعيبين معظمهم خارج من حرب !!! والمعظم الآخر مجمع من أطراف الوطن !! هل هكذا ستعود لبنان !! إننا نجيب فريق مهلهل وننزل فيه تقطيع ولا ده من قبيل اننا نطمن علي فريقنا !! قبل مواجهة فريق بتسوانا الرهيب !!! معلش يا لبنانيه تعيشوا وتاخدوا غيرها بعد كده متصدقوش أي حاجة كده !!! مش عشان جابولكوا شيرينز (شيرين عبد الوهاب بس نيو لوك) يبقي مهرجان بقي وبنلم فلوس وكده عشان لبنان ترجع !! ملحوظة الدخول كان مجاناً ليقين المنظمين من إنه هيبقي فخ ومفيش حد هيروح أصلاً عشان خلاص المولد خلص واللمة ملهاش لزمة دلوقتي، لو المباراة كانت في ظروف تانية كنت هنيت المنتخب بالعرض القوي وأثنيت (زي ما بيقولوا الأخوة المثقفين) علي محمد زيدان وأحمد حسن ومحمد أبو تريكة والحكم محمود عثمان اللي قلبه الرهيف ماستحملش اللي بيحصل للعرب !! وحسبلهم ضربة جزاء ولا في الأحلام !!


يلا ما اليوم يوم لبنان وعيب يخرجوا صفر كده !! وكمان لا أنسي اللاعب السعودي العملاق ( الجول السابع جيه !!! هييييييههههههه ) نرجع لموضوعنا... سامي الجابر اللي طير الكورة في المدرجات وطبعاً لا أنسي بالذكر رجال الأمن والمطافي والمرور وعم أحمد بتاع العجوة والراجل بتاع اللب اللي علي أول الشارع ...!!


الحمد لله والدي أهو جاي يقولي، هما جايبينهم عشان يهزءوهم !! والله ما عندهم دم .... يعني أنا مش بيتهيألي أهو فلو سمحتوا حد يقولي : إحنا كده رجعنا لبنان كما كان إزاي يعني ؟ رجعناه مهزوم يعني !؟


التعليق في الجول

-

4 comments:

  1. في رأيي المتواضع ما شاهدناه لتونا في مباراة مصر و المنتخب "العربي " أكدت فكرة الريادة التي ننتهجها في خطاباتنا السياسية المسألة لم تكن مؤاخاة لإخواتنا الخارجين من حرب ضارية بل كانت جولة أخرى من استعراض القوة على أرضنا .. لافتة في منتهى السوء من منتخبنا الذي للمرة الأولى أشعر بالضيق منه .. لا أفخر به للأسف ما حدث في المباراة جعلني أشعر بأن مكافأة الفوز لن يدفعها التحاد" المصري " لكرة القدم انما جهة أخرى لماذا؟ نحضر الفريق لنعصره ...العجيب بجد ان ايه الشطارة و الحرفنة اللي نزلت على منتخبنا ده بجد برافو "قطعتوهم " يستاهلو عشان جم
    our new slogan is " squeezing lebnon " not " rebuilding lebnon "

    ReplyDelete
  2. حاجه غريبه فعلا هو احنا لو كنا خسرنا كان اه الي هيحصل او حتي فوزنا بكتيروا 2-0 ولا لازم البهدله . المنتخب المصري واضح انه عنده مرش نفسي بيتشطر علي لبنان الي لسه جيه من حرب و مهرجان و مرجان و بطرمان و انتظروا و انطرونا علي راي اللبنانين و بعدين 7-0 ينفع كده . ده حتي بيقولوا ان مصر بتكرم الضيوف و انا مشفتش كرم اكتر من كده شكرا كابتن حسن شحاته علي هذه الكسفه امام العرب محنا ناقصين سيادتك

    ReplyDelete
  3. طبعاياابني أمال إيه انت عاوز الأخوة اللبنانيين يغلبونا زي ما غلبوا إسرائيل وندخل إحنا في حسبة برما !!! إحنا نغلبهم غلب علشان اتفاقية السلام وهكذا نربت على كتف حلفاؤنا و أصدقائنا الإسراشيليين و نأخذ بثأرهم من الإخوة اللبنايين الملاعين

    ReplyDelete
  4. أنا طبعاً عارف إن حضرتك بتهرجي ومتقصوديش الكلام بمعناه !! :) شكراً علي اهتمام حضرتك

    ReplyDelete