منتدي جامعة الدول العربية للشباب – العين السخنة – مصر
اليوم الثالث – 21 نوفمبر 2007
جيت برضه متأخر علي جلسة تقديم فيلم كريم الشناوي... كيمو صديقي من مصر! بس حضرت بسرعة وصورت شوية صور حلوة.. كريم كان بيتكلم بطريقة مشوقة وخفيفة جداً والناس كانت متحمسة جداً معاه وكانوا بيتكلموا معاه وبيسألوه اسألة كتيرة عن عمل ايه والتصاريح اللي اتطلبت منه ، كان حاضر الجلسة محمد مصطفى مخرج فيلم "أوقات فراغ" اللي برضه هيتعرض بالليل علي الساعة ثمانية بالليل...
كريم كسب أستاذ محمد مصطفي بطريقة جميلة جداً وخلاه يدخل في الكلام بطريقة حلوة وخلاه يتكلم معاه عن مشاكل التصريحات والأمن في تصوير السينما، وللأسف الواحد اكتشف ان التصريحات مشكلة معوقة بسكل كبير جداً وبشكل كمان متخلف في بعض الأحيان!! ان التصريح يبقي يومي !! ده شئ مزعج !! ان مخرج الفيلم وكاتبه يقعدوا يتناقشوا مع الأمن في فكرة الفيلم !! فده شئ مقرف !! المفروض ان الأمن شغلته أنه يكون أمن لكن انه يتناقش مع فكرة فنية اعتقد انه ميقدرش ومينفعش وميحصلش .... "مجد من فلسطين" دلوقتي سألتني : انت بتحكي بالعامية؟؟ واااو انا باحب المواضيع بالشكل ده، شكراً يا "مجد" بس الفكرة اني محبش اني اقرا كلام باللغة العربية الفصحي !! واللي ماحبوش لنفسي ماحبوش لغيري!! مش كده ولا إيييييييه ؟؟
برررررررررررنس
ReplyDeleteانا اتفرجت علي فيلم اتجاه المرج اول مرة و انا في مالطا ، بسام بعت لي اللينك
حبيت الفيلم اوي ، حسيته انا اوي، شباب مترو الانفاق اللي زي الورد، اللي بيوحشهم منظر ميدان رمسيس من برة النفق
الفيلم عن الناس اللي شبهي ، معهم فلوس مش كتير اوي، و عاوزين يتعلموا عشان يعملوا بكرة احلي
انا باحب الفيلم اوي
و باحب اللي عامل الفيلم اكتررررررررررررر بكتير
الي الامام يا روميل
قصدي يا كريم
ربنا يديم المودة
فاطمة