منتدي جامعة الدول العربية للشباب – العين السخنة – مصر
اليوم الثاني - 20 نوفمبر 2007
حاولت أحضر من الصبح لكن للأسف الشديد وعلي الرغم من اني نمت كويس جداً لكن مقدرتش احضر من بدري قبل ما انشر الكام بوست اللي فاتوا عشان ميتراكموش عليا ... بس حضرت علي الساعة 11 صباحاً اكتشفت بعد ما دخلت وبدأ الحوار يتمحور ... ان المحاضرة عن الحوار العربي الأوروبي، واللي ضايقني في الجلسة وعلي الرعم من ان المتحدث لبق جداً وتحدثه بالإنجليزية رائع .. بس كان فيه مشكلتين .. أول مشكلة ان المتحدث يتحدث باللغة الإنجليزية والحضور كله عربي !! اينعم فيه خدمة ترجمة الإنجليزية لكن للأسف واضح انها لعدد قليل ... منهم الدكتور اللي علي شمالي وهو طبيب من العراق ... لكن للأسف ولقلة سماعات الترجمة ... الحضور كله من الشباب بيتكلم .. كل مع اللي جنبه !! وفي مواضيع مختلفة منها المهم ومنها اللي هو مجرد طيارة ورق !! طبعاً مش هانكر ان اول سبع صفوف قاعده مستمعة كويس ... منهم "وئام" اهي علي يميني ... لسه ماشفتنيش بس مستمعة تماماً ... "تمارا من الأردن" داخلة بتجري في القاعة عايزة تلحق اخر شوية.
مشكلة الصوت مشكلة غريبة جداً ... برضه ازاي يكون فيه قاعة مؤتمرات علي مستوي خمس نجوم ويكون فيه مشاكل في الصوت بالشكل ده ...!!! مش عارف يمكن انا ودني بقت واخدة علي حساسية الصوت بس ... جودة الصوت مش علي المستوي خاااالص !!
دكتور عبد العزيز من السودان بدأ كلام محاضرته عن الصحة الإنجابية دلوقتي، دكتور عبد العزيز انا رأيي انه دكتور دماغ !! عجبني في المطار لما كنت بأستقبله انه ماستناش بقية الشباب لما ينزلوا من الطيارة !! دكتور زيه من المتحدثين المفروض يكون ليه استقبال لوحده ميستناش في المطار ساعة او ساعتين زي الشباب... اعتقد كان المفروض يحصل زي ما هو عمل بالظبط !! راح أجر ليموزين علي حسابه وطلع علي العين السخنة لوحده !!
حد لسه ماعرفتش اسمه بدأ الكلام ... بس جدع !! سكت القاعة كلها عشان تسمع الثلاث دقايق اللي عايز يقولهم، المشكلة ان اللي اتكلموا قبله كانوا وكأنهم بيأدوا واجب ..!! يعني عايزين يخلصوا الكلمتين اللي جايين يقولوها ويمشوا !! مع كامل الإحترام والتقدير.
سألت "وئام" علي إسمه لكن معرفتوش.
ولا حاجة !! كانت اجابة وئام لما سال ايه دور والدي ووالدتي في موضوع الصحة الإنجابية؟؟
المتحدث فى الاول هو روى جوميز من الاتحاد الاوروبى يا عز.... اما الراجل اللى سيطر على القاعه هو كامل النابلسى من الاردن واحد من أروع المدربين فى الوكن العربى و أشهرهم
ReplyDeleteالناس كانت بتتكلم كنوع من ال؟اعتراض الصامت اللى اتعودنا عليه احنا العرب على الخطب الممله مش لأنه كان بالأنجليزى ..ز معظم الحضور بيعرف يتكلم أنجليز كويس ..بس حلوه التغطيه يا عز
أنا عرفت طبعاً كامل بعد كده ... وسلمت عليه يومها بالليل وكان ماشي معاه محمد ياسين من مصر.
ReplyDeleteقولتله انك عجبتني جداً انك سبتت الناس كلها !!! وقولتله كل اللي قولته في البوست هنا !!! انت عارف انا مابسكوتش
اما بالنسبة للتغطية فمش حلوة يا راجل ولا حاجة دانا كنت باكتب اكن حد بيجري ورايا ... وكعادتي مش باغير كلامي فزي ما بتيجي بتيجي.
شكراً يا ريس وبافكرك ان كان عندنا ميعاد تسجيل النهاردة يا مسطول !!
what does the last sentence belong to ???
ReplyDeleteto you dear...
ReplyDeletewhen the Dr. asked this question, i over heared you whispering this answer! "wla haga" so i liked the question and the answer ...
شكرا يا شباب اللي ما أستحقوش :)
ReplyDeleteأتفق معكم بالنسبة للترجمة بالصراحة انا عملت تلخيص على اللي قالوا جوميز لانه بالصراحة كلامه كان مهم جدا و‘نت كنت دائما أتساءل إنه لماذا يجب ان نتحاور مع الأروبيين ولماذا يريدون التحاور معنا .
هل لأنه بحبوا يعرفونا لأننا بشر في الدنيا دي وإلا علشان احنا ممكن إنشكل خطر عليهم وعاوزين يخلونا شبههم في الحياة. بعدين لبه ما يكون هناك حوار مع الهنود أو السكان الأصليين في أستراليا !!
كامل النابلسي
Wise words ya Mr.Nabulsi i beleived so also walahi about why us !! but as Ezz said i was trying to hear while everybody eles was talking about other issues forgeting that this issue might be intresting for others ..
ReplyDeleteBas I forget to mentioned that i have been introduced later on to Mr.Kamel, and it was an honor for me knowing him..
ReplyDelete