Saturday, December 23, 2006

لماذا نحن محبطون ؟

-

إذا لم تظهر الصورة - Right Click / Show Picture - www.baitelezz.blogspot.com

-

في مقال الكاتب الصحفي / عزت السعدني في جريدة الأهرام الصادرة يوم السبت 23 ديسمبر ... قريت جزء خطير جيه في الزحمة كده وسط تحقيق السبت اللي بيطل علينا كل يوم سبت مع الكاتب الكبير، المقال السريع ده كان للأستاذ الدكتور / أحمد عكاشة .. الطبيب العالمي وأكبر خبير في النفس البشرية - علي حد قول الأستاذ عزت - المقال من أجمل اللسعات اللي قريتها في 2006 مقتضب وفي الصميم، أسيبكم مع الحوار السريع اللي جري بين الكاتب والدكتور.


لماذا نحن محبطون ؟
لماذا اختفت الابتسامة والقفشة والنكتة من حياة المصريين؟
لماذا هذا الوجه الحزين الكئيب علي كل وجه في محطات الأوتوبيس‏..‏ في أي طابور‏..‏ في أي ديوان حكومي وغير حكومي‏..‏ في الشارع‏..‏ في القرية‏..‏ في المصنع‏..‏ في المدرسة‏..‏ في الجامعة‏..‏ أينما كنت تري وجوها عابسة مقطبة الجبين؟


سألت الدكتور أحمد عكاشة الطبيب العالمي في علم النفس‏:‏ ما سر حالة الإحباط التي نعيشها هذه الأيام؟
قال‏:‏ نسبة الإحباط عند الشعب المصري الآن ‏100%

قلت‏:‏ ياه‏!‏
قال‏:‏ أيوه وأسبابه‏:‏
‏1‏ ـ البطالة‏.‏
‏2‏ ـ الزحام‏.‏
‏3‏ ـ التلوث‏.‏
‏4‏ ـ عدم وجود السكن المناسب‏.‏
‏5‏ ـ الفقير لا يعالج في مصر‏.‏
‏6‏ ـ ناس عريانة في التليفزيون‏.‏
‏7‏ ـ تحرش جنسي لمن لم يتزوجوا‏.‏
‏8‏ ـ إحساس الإنسان أنه ليس هناك شفافية‏.‏
‏9‏ ـ الفساد في معظم المواقع أن لم يكن كلها‏.‏
‏10‏ ـ لا أحد يسائل أحدا أو يحاكم أحدا‏!‏
‏11‏ ـ الوزير إذا خرج من الوزارة لسلسلة أخطاء نكرمه ونمنحه نيشانا‏!‏


أسأله‏:‏ ماذا يفعل الإحباط بالإنسان؟
قال‏:‏
‏1‏ ـ انفجار عدواني‏.‏
‏2‏ ـ قلق‏.‏
‏3‏ ـ اكتئاب‏.‏
‏4‏ ـ حالة لامبالاة‏.‏
‏5‏ ـ عدم الانتماء‏.‏


انتهي كلام اكبر خبير في النفس البشرية‏!


وأنا أرفع لكما القبعة علي هذا المقال ... ولا تعليق!!

-

12 comments:

  1. الله يكرمك

    مش طالبة احباط خالص

    بس فعلا الناس كلها مخنوقة وقرفانة ومرضى نفسيين ومحبطين اعتقد ان فى اسباب كتير ماتذكرتش كمان

    ياااه انا المقال دة تعبنى اوى انا كنت ناسية لازم تفكرنى يعنى

    ReplyDelete
  2. انا كمان قريت الموضوع ده في الاهرام و اوافق و اؤيد و اشجب و ادين و اعترض بشدة

    :)

    مساء الفل

    يا باشا احباط ايه كفا الله الشر
    البلد بخيييييييير
    و رغيف العيش كبيييير
    و الموصلات سهللللللللللللة

    اي خدعة

    مع تحيات
    الحزب الوطني
    :)

    ReplyDelete
  3. بص يا عز يا خويا انت عارفنى ... محيش الاحباط ابدا ولا احب سيرتة ...

    اااااااه يا بلد اااااااه

    عايز تسال على الاحباط وتعرف لية الناس محبطة .واية الحل والحوارات دية كلها . معاك ملكة الاحباط بذات نفسيتها ..

    يلا اشوفك على خير .. وعلى الله تكون احسن دلوقتى

    ReplyDelete
  4. أميرة القلم :
    -------------
    هنعمل ايه الراجل عنده حق 10000%

    Epitaph :
    ---------
    مانا باقول برضه كده محدش مصدقني احنا اللي وحشين يا ريس ربنا يخليك وتستحملنا اكتر واكتر يااااااا رب

    CrazyRama :
    ------------
    انا الحمد لله احسن يا rama دلوقتي واحباط يا شيخة كفا الله الشر دي اشاعات اشاعات

    ReplyDelete
  5. احباط ايه يا مستر ازز اللي جاي تقول عليه دلوقتي

    الاحباااااط موجود منذ زمن بس الحالة وصلت للآخر خلاص

    وعلى رأي راما
    ....ااااااه يا بلد ااااااااه

    ReplyDelete
  6. ولاهى كويس أن مقالة زى دية أتنشرت فى الصحيفة القومية الأولى بس السؤال دلوقتى يا ترى فى حد قرا أو حد سمع؟؟؟؟
    تحياتى

    ReplyDelete
  7. ايه يا عز الكلام ده ده كل شئ تحت السيطره
    والحياه حلوة والشغل كتيييييييييير والاسعار حلوة

    وعلى راى راما
    ااااااه يا بلد اااااااااه

    ReplyDelete
  8. walhi i dont know whether to be glad for these right diagnosis or to be more frustrated,i'm right now a littel bit fursatrated, i dont know why whether from seeing and hearing every day about corruption, killings inside same family or between friends for few pounds, may be my frustation is so trival for others who doesnt have shelter, food or job.Any how h'm happy of this blog so that we can all express ourselves instead of exploding of frustration!salam ya EZZZZZZZZZZZZZZ!
    AMANI YOUSSIF

    ReplyDelete
  9. hebaz:
    ======
    mazonesh ya hebz en mafesh 7d !! w hasta3er el gomla eli 7abeb 2alby Ibrahim Eissa 2alha: homa 3amalo eli 3alehom w sara2o, we7na 3amalna eli 3alena w fada7nahom.. 3ala allah ba2a 7d yb2a 3ando dam w ye3mel eli 3aleh w y7asebhom :D

    ReplyDelete
  10. leeeeeeeeeeh ya AMANY frustration!


    lahy bazet wala kherbt !! wala gabt gaz lamo2akhza !! de 3esha gamela gedan !!

    ReplyDelete
  11. لا هو فعلا في احباط بس مش دايما ومش في كل الاوقات يعني الحمدلله كل فين وفين
    بس انا رايي ان اي حد لو فكر دايما في الاسباب اللي تجيب الاحباط لازم يجي لينا :Dاحباط ...
    ربنا مايجبش احباط ولا اكتئاب ولا حاجات من دي لاي حد

    كل سنة وانت طيب يا عز
    bonne fete

    ReplyDelete
  12. وانت طيبة يا ريما :)

    مين جاب سيرة احباط ياماما مفيش حاجة مني دي ... دي إشاعات

    ReplyDelete