-
قال إيه !! وزارة العدل السويسرية باعته للسفارة السويسرية بالقاهرة بتطالب وزارة العدل المصرية !! بالتحقيق مع مواطن مصري كان في زيارة لسويسرا عشان " خرق " القانون الفيدرالي السويسري وارتكب جريمة شنعاااااااااااء ومشي علي سرعة 140 كم/ساعة بدل من 80 كم/ساعة في احد شوارعها ..!!! الخبر المفزع نقلته جريدة الأهرام المصرية الصادرة مش فاكر امتي بس المهم صدرت ..!! صدرت من سويسرا هذه الحمااااقة ..!!
إيه يا سويسرا مالك !!؟ إيه المعاملة دي !! مفيش أمين شرطة سويسري ياخدله كام الف فرنك ويمشي الراجل يعني !! إيه يا سويسرا المعاملة دي .. إيه اللي غيرك !؟ يعني مفيش حد يعرف حد هناك يجيبله الرخصة من المرور يعني !! ايه ده يا سويسرا .. مش عيب !!؟ يا سويسرا بجد أنا مستاء من المعاملة .!!! إيه مفيش حد عارف يلمك ولا إيه !! لما تبعتي لمواطن مصري برءئ كل اللي عمله في حياته !! انه جري بسرعة !! إيه يعني يا سويسرا يعني !! إيه الرخامة دي يعني !! ده ضيف يعني والضيوف عندنا بيعملوا كل حاجة في الشارع وهما ملط وفي حماية الشرطة يعني !! ايه ده !! بجد غريب اوي اللي انت عملتيه يا سويسرا ده إخص عليكي ..!! بقي تبعتي لوزارة العدل بتطالبي انها تحقق !! يا نهار ابيض ! تحقق !! مع مواطن مصري عشان جري بسرعة !! وصلت بيكي الجراءة يا سويسرا انك تطلبي الطلب ده !! ايه مفيش قانون يلمك !! وقال ايه كمان عايزين الوزارة تبلغهم بنتيجة التحقيق ....!!!
هنعمله ايه يعني ...! مواطن ويمكن مستعجل حبتين ولا ورا مشوار ... معلش !! لكن تحقيق ونيابة وسين وجيم ونبعت نتيجة التحقيق لبرة وايه نفضح نفسنا بقي قدام الغرب ..!! إيه ده ايه المعاملة دي ..!! ليه يعني ... ايه مفيش حكومة !! مفيش قانون !! مفيش حد يحمي مواطني الدولة !! ده حتي المثل عندنا يا سويسرا بيقول انا واخويا علي ابن عمي وانا وابن عمي علي الغريب ... يا سويسرا يا قليلة الأدب ..!! وابقي علمي " امناء " شرطتك بعد كده ازاي يتعاملوا مع المواطنين الشرفاء ..!! قلة أدب.
افهم من كدة ان كل ولاد سويسرا بيمشوا على سرعة 80 ؟؟ ايه الشعب دة ملتزمين اوى كدة يعنى ؟ ماحدش خرق القانون غير المصرى المتهور
ReplyDeleteوانا بقرا كدة افتكرت برنامج الابراشى الاخير عن حوادث الطريق وعدد اللى ماتوا فى الحوادث دى
واغلب اللى اتسببوا فى الحوادث دى وموتوا الناس مش مصريين ضيوف زى مابتقول كدة شفت بقى كرم الضيافة
مع ان المفروض سويسرا بالذات ماتحكيش خالص كفاية فلوسنا هى اللى مشغلة اقتصادهم
والله انا عايز اقول تعليق يا عز غير جتنا نيلة فى حظنا الهباب وغير ازاى الناس دى سامحة لينا اساسا نعيش معاهم على كوكب واحد
ReplyDeleteتعليقى ببساطة ان احنا عار على المجرة بتاعتنا من الاصل
وسلملى على العنب العنب العنب
بصراحة المشكلة فينا احنا حتى لو كان متعود يمشي بسرعة كبيرة هنا في مصر وده اكيد اساسا هو مش بياخد باله سرعته كام :D
ReplyDeleteماعلينا حتى لو كان كده المفروض يحترم القوانين في البلد اللي فيها
وحتى لو كان في سويسرا نفسها
"من المواطنين اقصد"
حد بيتعدى القانون والسرعة المحددة دي يبقى مش لازم نعمل زيه
يبقى لما يرجع مصر يعمل اللي هو عايزه مفيش حد حايقوله حاجة:D
Ham ybaky wa Ham yd7k, ya3ny begad hiafa. Nas btmooooooooot fi kol mkan belhabl atfal wa nsa2 3ozal they didnt commit any crime, wa ba3din gay te2oly wa7d meshy 3la 140 3aizin ye7kmo. Ama nas moziafa sa7i7 offffffffffff ya ALBY YA KTAKT YAMA ENTA MALIAN WSAKT wa 3agaby
ReplyDelete