زمان من سنة او اكتر كنت في مؤتمر التنمية الشباب العربي بالجامعة الأمريكية، كنت مدير للحوار... المهم، في مناقشة من المناقشات الساخنة شتمت في اليهود .. والمفروض كوني مدير للحوار ما ادليش بآرائي الشخصية، ولكني أدليت ... وكانت مشكلة وهيصة خرجت منها بلقب قالته عليا " مروة " بعد ما أضافت علي اسم " كونري " اللي كانت بتناديني بيه " مريم " عشان قال بتقول أيامها اني شبه شون كونري ...!! هيفتكر الإسم ده كتير، جينا، محمد جورج، محمود ابراهيم، مروة نفسها ومريم... طلعنا المهم في اخر ايام المؤتمر وانا علي المسرح باقرا النتيجة اللي طلعنا بيها في المجلس بتاعنا بلقب نادت بيه عليا مروة بأعلي ما في صوتها وسط المشاركين كلهم وهي بتضحك طبعاً .... " كونرررررررري العنصرررري " .. آه طلعت في الأخر كونري العنصري.
النهاردة بقي انا هاتشرف اني انقل اللقب بتاعي للراجل التعبان اللي في الصورة اللي تحت دي " سيد العنصري " الشهير بسيف بلاتر - رئيس الإتحاد الدولي لكرة القدم، اللي ضيع علي نجم مصر والنادي الأهلي بعنصريته جائزة ثالث احسن لاعب في البطولة وهدافها .. لمجرد انه عربي مسلم !! لمجرد إنه مش هيبيع !! مش هيديله فلوس لما ياخد الجايزة .. سواء من إعلانات او من شهرة ... ما هي بقت ماشية كده في إتحاد سيد العنصري - الفيفا سابقاً
سيد بيسلم علي لاعبي النادي الأهلي
المعلم ... مركز تماماً
-
هات ياض الخمسة جنيه اللي خدتها مني
مع جوزيه مش معايا
الحمد لله رب العالمين
البرنس وسط السفاحين
-
أغلي صور العام 2006
-
حلوة التدوينة دي جدا جدا جدا
ReplyDeleteدا مش بس سيد العنصري
ابو العنصريين كلهم
انا رأي ان لازم نرفع لافتات في الماتشات
و يوم ما ثثضح الحقيقة وراء بلاتر المرتشي
هيكون شرف لتريكة انه ما خدش جايزة من منظمة مشبوهة زي دي
هو يعني ما يصحش واحد بيسجد بعد كل جول يكون احسن لاعب؟؟؟
ولا علشان اسمه محمد؟؟؟