-
اليوم 1 ديسمبر 2006
اليوم العالمي للإيدز بينظمه المعهد البريطاني بالعجوزة
اليوم كان حضوره جيد، عدد أنا متوقعتوش
كان معايا جينا وصديقة ليها رؤية وكنت هاقابل مريم
انا وصلت متأخر عشان كنت في مستشفي السرطان
فاتني الندوة العلمية بس حضرت بقية الفعاليات
عجبني النظام اللي كان موجود، عجبني المتطوعين اللي كانوا منتشرين
مكنتش باحتاج اسأل علي حاجة الإ وبلاقي حد
دي حاجة اسمها رقصة للحياة
كانوا بيأدوا استعراض علي صوت اغنية توعية للموضوع
ناهينا عن المبدأ بس عجبني تدريبهم وانهم عارفين هما بيعملوا ايه !!
كان فيه حائط عليه ورقة الناس بترسم اللي هي عايزاه كمشاركة في اليوم
وكان لازم اسيب بصمتي .. عز .. اللي فوق دي وجينا برضه كانت لازم تبصم !!
رؤية سابت بصمتها برضة بس علي ضهر الحائط عشان كانت رسالتها كبيرة شوية
كل الإيدز قبل ما ياكلك !! إزاي يعني يا ريس
إتنين إيدز بالماشروم لو سمحت
ده واحد علي فكرة كان كاتب دكتور .. وانا كاتب عز فجت اني دكتور عز !!
وده شئ غير صحيح متزعلوش مني ست الدكتورة مي !!
صحيح ازيك يا مي ليكي وحشة يا شيخة هاكلمك بكرة ان شاء الله
ومتزعلش برضه يا طنطاوي انا مش دكتور يا عم ولا حاجة
كان فيه مسابقة للتصوير الفوتوغرافي
المفروض اني كنت اشترك فيها بس نسيت
اه والله نسيت ابعت صورتي، المهم
المفاجأة كانت وانا باتفرج اني لاقيت اسمي
الله ! ايه يا جدعااااان انا بقيت باسَـقط للدرجة دي
انا باعت وانا ماعرفش !؟
وقعدت ادور باسم الصورة عليها يمكن تطلع بتاعتي وانا مش عارف
بس طلع حد غيري تشابه بس في الأسماء
رقم اربعة بس الصورة كانت مهزوزة وكسلت اعيدها
-
ودي صورة عجبتني اوي هناك لبنت من فودافون بتبص بطريقة جميلة وغريبة في نفس ذات الوقت
الجميل في الصورة انها متعرفش ان فيه حد بيبص عليها او ان شكلها طلع بالشكل ده
سيبكم مني انا فاهم انا باقول ايه
-
المهم روحت بشوية معلومات حلوة وعجبني ان ممكن يكون فيه ناس بتفكر
انها تعمل توعية جميلة زي كده بحاجة بغيضة زي كده
-
شكراً لكل واحد حضر اليوم ده وساهم في إنجاحه
-
No comments:
Post a Comment