Saturday, December 30, 2006

العرب ضحوا !!


عربي : كل سنة وانت طيب يا محمد

محمد : وانت طيب يا عربي

عربي : إيه ضحيت بإيه النهاردة ربنا يتقبل منك يا رب؟

محمد : ضحيت بخروف زي كل سنة الحمد لله ربنا يديمها نعمه ويتقبل، وإنت ؟

عربي : أنا بقي ضحيت بصدام !!


صباح الخير، وكل عام وانتم بخير، العيد السنة دي ليه طابع خاص، العيد جاي في آخر العام وبداية عام جديد، جاي مع عيد إخواتنا المسيحين، جاي مع ماتش الأهلي والزمالك... كنت بأضحك من قبل كام يوم وبأقول إن الأهلي هيضحي بالزمالك وكنت فاكر إن اليوم هيبقي أخره كده...!! دبحنا للعجل ونروح ونتفرج علي ماتش الأهلي وندخل ننام.


لكن اليوم إتقلب من بدري لما واحد قريبنا واحنا واقفين مستنيين دور العجل عند جزار مدينة نصر المحترف جداً سلامة ..!! قالي شوفت أعدموا صدام.. العرب ضحوا بصدام.. بس دي كانت الكلمات اللي بدأت أفوق بيها في اليوم ده، قلتله لا يا عم دول قالوا علي السبت بأقصي تقدير يعني لسه فاضل إسبوع ... قالي لأ اعدموه النهاردة الصبح الساعة 6 الصبح ..!! يعني يا دوب صحيوا صلوا الفجر والعيد وضحوا بيه ..!!


يعدموا رئيس دولة مسلمة في أول أيام عيد المسلمين !!! ببساطة شديدة بيتفوا في وشنا ..!! بيقولولنا انت زبالة ملكوش لازمة اصلاً ..!! وطظ فيكم وفي أعيادكم وفي قيمكم وفي كل واي حاجة عندكم... مش هتكلم علي حسنات صدام حسين ولا سيئاته لأني ببساطة شديدة معشتش في بلده ولا أعرف هو عمل إيه، كل اللي أعرفه إنه "حاكم عربي" معملش حاجة جديدة !! معملش حاجة غريبة يعني .. حاكم وكان بيحكم .. أخطأ بقي أو أصاب دي مسألة تانية ميحكمش عليها " محتل " ميحكمش عليه " أعدائه " ميسكتش علي إعدامه " أمثاله " ولا حتي واحد منهم يعلق !! يشجب حتي ولا يدين ...!! لما الآقي روسيا هي اللي بتحتج علي إعدامه يبقي العرب ضحي بصدام .!! لما الآقي الفاتيكان بيعتبر إن خبر إعدامه خبر مفجع .. يبقي العرب ضحي بصدام .!! لما الآقي بس! ليبيا اللي أعلنت الحداد علي موته .. يبقي العرب ضحوا بصدام ..!!


حد هيقول إنه قتل وأعدم وذبح وعذب وولع في العالم كله ..!! يا سلام !! ويعني هو شارون متحاكمش ليه !!؟ ولا أولمرت ليه محدش وبخه حتي ..!! ولا بوش متحاكمش ليه !!؟ ولا ولا ولا ولا ولا ولا " 21 مرة " ولا ...!!!!


قمة الإستفزاز ..!! لما تتفبرك محاكمة تمثيلية هزلية كوميدية أمريكية ..!! ويتفبرك حكم بإعدامه ..!! ولما يطلع المالكي ويقول إن صدام كان خايف ومرعوب !! يعني كمان بيستغفلنا وبيستغفل الفيديو اللي كل العالم شافه واقف فيه ثابت صامد ممسك غير خائف... أقولك إيه مانت منهم لازم تتكلم بتفاهات زيهم .!!! وكمان يقولوا إن وقت الإعدام إختاروه العراقيين والأمريكان سوياً .!!! يختاروا وقت صلاة العيد ..!! يا سلام !! ده قمة قلة الأدب !! قمة السفالة !! ويتقال إن الأمريكان كانوا عايزين يأجلوا الإعدام ولكنه " بشجاعته " علي حد قول احد معاونيه " أصر " علي إعدامه اليوم ...!! ايه الشجاعة في كده ..!!

-

مرة قبل كده لما إسرائيل دخلت لبنان وبدأت الحرب ومحدش كان بيتحرك اكتر من انه بيعيب علي حزب الله إستفزازه لإسرئيل ..!!! ساعتها وإحنا بنشوف صور الأطفال محروقين علي جنبات الطرق وهما بيهربوا من جحيم لجحيم .. قلت إتفوا علينا كلنا ..!! بس فيه ناس زعلت مني .. لمرة دي مش هاقول أنا مش آسف ولا هاقول إتفوا عليا أنا لوحدي ... بس خلاص أنا هأعتبرها وصلت ..!!


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


إذا لم تظهر الصورة - Right Click / Show Picture - www.baitelezz.blogspot.com


أنا إتنكد عليا بجد وحتي لو الأهلي فاز علي الزمالك 19 - صفر ولا هضحك ولا هفرح ولا هقول أي حاجة ... خلاص إتضرب العيد عليا كده ..!! وده مش حباً في صدام .. ولكن كرهاً وبغضاً للوضع المقرف اللي مصائرنا بتساق بيه ... !!

13 comments:

  1. صح يا عز العيد اضرب
    بس مش من دلوقتي من زمان اوي
    لما دخلو الامريكان العراق واتفرجنا وماحدش عمل حاجة ، لما الامريكان بهدلو العراقيين في بلدهم وفي سجونهم وانتهاكات مالهاش اول واخر ووقفنا نتفرج على محاكمات هزلية وسكتنا ، عمالين نسكت ونسكت وحاطين جزمة الامريكان في بقنا وساكتين
    مافيهاش حاجة بقى لما يطلعوها من بقنا ويحطوها على راسنا ويعدمو رئيس دولة عربية بعد صلاة العيد !!
    كأنهم بيقلولنا الخروف اندبح يا معيز
    ياااااااااااااااه ياعز وجعتني بصورك بجد انا وبرغم اني زيك لا عشت مع صدام ولا اعرفه بس الراجل ده قبل كل شئ عربي عراقي
    فاكر يا عز يوم ما طلعوه من مخبئه كان شعورنا احنا ايه
    بجد الراجل ده اتبهدل اوي
    ناس حتعترض وتقول بس ده عمل وسوا
    اسألو اي واحد عراقي سؤال واحد
    صدام حسين ولا الامريكان ؟؟
    وانا مستنية الرد

    ReplyDelete
  2. انا فى اشد الحزن والاسف والندم وجميع الكلمات اللى ممكن تعبر عن حزن حد والله
    انا كنت لسة هاكتب عن الموضوع دة بس والله ابلغ كلمة تتقال فى الموقف دة انت لخصتها ( اتفووووة علينا )

    والله انا ما حزينة على صدام بذاتة لانى معرفش اية اللى ممكن يكون عملة وصله لكدة .. انا حزينة على الاهانة والاستهزاء الموجة للمسلمين والعرب فى شخص صدام ..

    يااااة للدرجادى .. للدرجادى الانسانية اتعدمت ؟ فين حقوق الانسان
    ياناس اكرموا عزيز قوم ذل . مشاهد اعدام صدام ورمية على الارض زى الدبايح موت جوايا حاجات كتير اوى
    مش هتصدق لو قلتلك موت جوايا احساسى بالامان والغخر لكونى عربية ..

    فى كلمة اتقالت فى مسرحية انتهى الدرس يا غبى .. بعتبرها دستور .. لو المشكلة ان الانسان بيفقد ذكاءة او بصرة سيان لما ينضرب على قفاة , يبقى الحل مش اننا ندور على علاج لا

    الحل اننا كلنا نرفض ننضرب بالقفا
    وللاسف احنا انضربنا النهاردة الصبح على قفانا ... بس المرة دية الضربة كانت مصحوبة بتهديد عميق المغزى اظننا كلنا خدنا بالنا منة

    والنتيجة زيادة للاحباط .. وضربات متتالية ..

    ReplyDelete
  3. مفيش تعليق يا طمطم ويا راما

    بجد مفيش تعليق

    ReplyDelete
  4. انا بكره صدام
    بس الخبر افلنى عالصبح... زى مايكون مستنيين يقرفونا فى اى مناسبة...
    لو كان عندهم اى احترام للعرب و لو كان العرب بنى ادمين نش شوية خرفان فى حظيرة بيرعاها الكلب بوش مكانش زمانو اتعدم فى الأيام الى المفروض تبقى مفترجة و حسبى الله و نعمة الوكيل و الله يرحمك يا كرامة و يحسن إليكى!!!!

    ReplyDelete
  5. تعرف قريت البوست اكتر من مرة
    عندي كلام ومش عارفة بجد زحمة كلام جوايا
    بس برجع اسكت واقول
    ...الله يرحمه

    ReplyDelete
  6. مافيش تعليق
    والله يرحم العرب
    ومش عايزه اقول المسلمين

    ReplyDelete
  7. Mohamed I couldn't agree more on what you're saying. Bgd ur speaking out every word I want to say!

    3amalin benethaza2 3alani ue sakteen..Bgd homa bey2oulu adi 7okamkom ue adi beladkom ue adi dinkom ue adi 3idkom ue adi moqadasatkom bossu e7na momkin ne3mel fiha eh!

    Saddam momkin ykun yestahel walla la2...We can't be sure of that...Bas eli akid en msh homa eli yo7komu be keda....Uelli akid en 3ashan sebnahom yb2a e7na eli 100% nestahel eli ye7sal fina ba3d keda.

    Nefsi a3raf ezay e7na saktin 3ala nas betdous 3alena ue 3ala our religion and rights keda????!!!!!!

    I seriously feel ashamed of myself!!!!!

    ReplyDelete
  8. an addation: mosh e7na bardo fe el ashohor el 7orm??
    Ana sm3t (wa Allah A3lm) eno law ay 7ad 3lih a7kam e3dam bu2gloha l3'aiat el ashor el 7rm lma t7'ls

    ReplyDelete
  9. Happy eiiiiiiiiiiiiid, or they ve already riuned it?! i think they are specilaized in disrtoying our festivals , i think i recall that they also made an offenisve thg also in certain Ramadan, anyhow i'm sure it's deliberate action to esecute him just after the eid prayer, it's very humilating to the arabs and muslims.U can say yes that arabs ve already sacrified with what is left from dignity.Furthermore it just make it clear the duplicity of the american policy first they supported saddam in his war against Iran as he was helping them achieving thier policies in middle east, then when his attitudes began to be opposite to thier interests they turned on him, just like Bin laden, tipical situation,but no one understand!!!!!!!
    WE VE TO THANK US FOR RIUNING OUR EID, MAKE US MORE AWARE OF OUR PINKY FUTURE WITH ALL THIS SILENT OF ARAB LAMBS IN SACRED EID EL ADHA!
    AMANI YOUSSIF,

    ReplyDelete
  10. Sara Maamoun:
    -------------
    really its sooooooooooo insulting and humiliating for us, for a nation of 200 million soul or i have to say sycophant !!

    ReplyDelete
  11. AMANI YOUSSIF
    -------------
    sure! no one understands!!!!!!!!!!

    ReplyDelete