الأخ كيث أليسون شكله مش ناوي يجبها البر ... أليسون ده اول عضو مسلم في الكونجرس الأمريكي، " الأخ " أليسون اصر علي انه يقسم القسم اللي المفروض يكون الشهر القادم عشان يبدأ خدمته للشعب الأمريكي ومصالحه ..!! اصر ان القسم يبقي علي القرآن الكريم مش علي الإنجيل .. الشئ اللي اثار المحافظين ضده بشده وخلاهم يبعبعوا بكلام غريب منهم الكاتب دينيس براجير كتب في عمود من اشهر الأعمدة في الصحف الأمريكية : "أمريكا وليس إليسون من يحدد الكتاب الذي يقسم عليه أعضاء الكونجرس " وكمل " إن إستخدام المصحف في إحتفالات الكونجرس الأمريكي يقوض ويضعف الحضارة الأمريكية ..!! " وأضاف الكاتب " حينما يتعلق الأمر بقسم أعضاء الكونجرس علي خدمة الولايات المتحدة الأمريكية والحفاظ علي فيمها فإنه يجب ألا يكون عناك لمثل هذا القسم سوي الإنجيل ..!! " ثم وجه كلامه لليسون : " إذا كنت عاجزاً عن القسم علي هذا الكتاب الذي لا تهتم أمريكا بسواه، فلا تسعي إلي أن تكون في خدمة الكونجرس "
كلام عنصري جداً وقافش جداً وكله خوف ورعب من الإسلام معرفش ليه ..!! معرفش ماله الباشمهندس براجير ..!! بس انا شايف ان " الأخ " أليسون قدامه خدمة كونجريسية صاخبة إن شاء الله .. وبيني وبينك انت فعلاً هتخدم أمريكا ومصالح الأمريكان ..!! فمتحبكهاش قوي .. كده ولا كده انت امريكاني ..!!! ابقي حط ايدك علي الإنجيل وقول في سرك " والمصحف لأخدم أمريكا ..!! "
-
راجل عنده ذمة بيحلف بضمير اخلاااااااااااص
ReplyDeleteاستاذ عز
ReplyDeleteاولا : احنا عارفين ان امريكا من زمان جدا و هي عنصريه فمش من المفاجئ انها تمنعه من فعل ذلك مش عشان معترفه ولا مش معترفه بالقرآن لكن لان سياسيتهم من زمان كده
ثانيا : الاخ أليسون يا بيهرج يا عايز يكسب ود المسلمين لان اصلا حرام ان حد يحلف علي مصحف (من اقسم بغير الله فقد اشرك )و لا ايه يا باشا فا من رايي الاخ أليسون يلم الدور و يعرف دين الاسلام كويس و ميحلفش علي الانجيل ولا المصحف بس يقول اقسم بالله العظيم لاخدم شعبك يا امريكا
Ahmed Shokry
ReplyDeleteتعقيب بسيط لو تسمح
اجاز بعض الفقهاء الحلف بالمصحف لانة كلام الله
وتقدر تستفسر عن المعلومة دى وشكرا ليك