انا شخصياً مبحبش عبد الظاهر السقا، لعيب بطيء عجوز خلاص خلص دوره في المجتمع الكروي، ما شاء الله يا ما جاب فينا إجوان ومش عارف مفيش بيني وبينه عمار..!! بس عجبني وانا باتفرج علي برنامج 90 دقيقة علي قناة المحور، الحكاية وما فيها إنه كان بيلعب ماتش في الدوري التركي مع فريقه كونيا سبورت وإحتك بيه لاعب في الفريق المناسب ومن حظ الحاجة إنه لاعب إسرائيلي، الماتش خلص واتهمه اللاعب ده إنه اتطهضه وضايقه في الملعب.. فخرج عبد الظاهر السقا في مؤتمر صحفي مدعوم بمجلس إدارة ناديه يدعم موقفه بإنه ككابتن لفريقه لازم يكون قدوة وإنه ما ضايقهوش ولا حاجة وإن مش مطالب بإنه يحب كل الناس لأنه ببساطة مش بيحب الإسرائيلين.. وإن اللاعب ده هو اللي ضايقه واتعدي عليه بألفاظ خارجة وهو رد في الملعب، سألته المذيعة : إنت فعلاً ضايقته ؟ قالها : شغلته إنه يجيب إجوان وأنا شغلتي إني أمنعه وأنا لعبي رجولي .. ده ميمنعش إني بأتوصا بيه شويتين طبعاً... لما المذيعة سألته قالتله والناس في كونيا ؟ رد إن كونيا دي مدينة إسلامية وإن الناس مبسوطين من موقفه ده أوي وإنه هنا بطل يعني أنا هنا بالتركي كهرمان.... جدع يا كهرمان عجبتني !!
-
No comments:
Post a Comment