Tuesday, July 21, 2009

الحمد لله يا حبيبي


هو أنا ليه بأرخم عليكي؟

مش عارفه بجد رد أنت

أصل أنا مش بأرخم علي حد

ولا عليها ولا عليها ولا كمان عليها ولا حتي عليه.. أشمعني !

عارفه يمكن عشان مش عايز أرخم !


زمان كانوا بيحكولي..

لما كنت امسك اي حاجة واكسرها

كنت أروح أقول لماما..

ماما أنا كسرت الفازا

الحمد لله يا حبيبي

ماما أنا كسرت القطر

الحمد لله يا حبيبي

لحد ما بقيت باروح أقولها..

ماما أنا الحمد لله كسرت الكوبايه

تقولي الحمد لله يا حبيبي

Posted by at
Labels:

2 comments:

Subscribe to: Post Comments (Atom)