صباح الخير
من زمان جداً وانا صغير
أيام ما كنت صغير يعني
كان نفسي أشوف الحاجات من فوق
يعني اعرف الحدود واعرف ارسمها
كنت بأحب الجغرافيا عشان كده
وأنا في سنة رابعة ابتدائي كنت بارسم الخريطة
بتاعت الوطن اللي كان عربي.. في ثواني
كنت بارسمها للعيال اللي في الفصل
كانوا بيجمعوا كل الكراريس تحت بعض
وانا ارسم !
عشان كده وأنا في أي مكان باروحوا
الذاكرة الفوتوغرافية بتشتغل وباحفظ أبعاد المكان
طبعا أمل حياتي اتحقق لما اخترعوا Google Earth !
وراني كل حاجة من فوق زي مانا كنت باحلم
برج القاهرة بالنسبة لي متعة تانية !
طلعتوا اخر مرة في 2006 في عيد ميلادي الـ 25
مع صديقة عمري جينا
هي مبتحبش الإرتفاعات بس طلعت عشاني
علي رغم ان طلوع البرج مش انجاز تاريخي
بس لحد دلوقتي فاكر اليوم ده جداً
لانها قد ايه كانت خايفة.. بس قد ايه كانت مستعدة تعمل
عشان تحتفل بعيد ميلاد صديق الكفاح المسلح !
يومها قالت لي انت بتعرف تستمتع بوقتك جداً
انا كنت فاكرة اننا هنطلع فوق 20 دقيقة نتفرج وننزل
لكن احنا قعدنا فوق 4 ساعات
انا مبسوطة !
مش عايز اقول كلام إنشائي
بس مصر حلوة اوي من فوق
تحت بس لينا القرف والزحمة والصداع
ALLAH YENAWAR 3ALIK YA EZZ
ReplyDeleteعندك حق..البلد دي حلوه بس من فوق :(
ReplyDeleteصباح الإرتفاعات يا جميل
يا مروة :)
ReplyDeleteشكراً انت اللي خليتيني اكتبها اصلا
صباح الإبراج يا سمسمة :)
ReplyDeleteالبلد دي الي يشوفها من فوق غير الي يشوفها من تحت...عادل امام فيلم طيور الظلام..
ReplyDeletei LOV e2!
ReplyDeletefunny, deep and interesting, you even encouraged me to post alot of stuff that i've written through the year but was too selfish to share.. how weird...
thank you ya 3ezz,,
and my dear friend, i miss our chats :D el gaphic design 3amel ma3ak eh ?