Thursday, August 06, 2009

دي اصطباحه يا بيه



صباح الخير

ماهو لازم كان هيجي اليوم !

للتاكسي الأبيض ابو عداد ديجيتال !

كنت حابه جدا لأن مشاويري كلها طويلة الأمد

بما إن حياتي كلها في وسط البلد و الزمالك وانا ساكن في هليوبوليس

و أنا اصلاً عندي مشكلة شخصية مع العربيات

اتمني انها تخلص قريب ..!!

صاحي متأخر

ولازم اكون الساعة 9 علي مكتبي

مع ان حالة من الإحباط بدأت تسيطر عليا

لكن عشان ماأكدش المعلومة اللي بتسطير "عليها" اني باتدلع

وأنا مش باتدلع تماماً

_

- زمالك ؟

- اتفضل

.. التاكسي مشي لحد صلاح سالم ..

- لاحظت ان العداد مش شغال ..!!

- يا ريس انت مش مشغل العداد ؟؟

- يا بيه اصل دي منطقتي مابخرجش منها

- بس قولت يلا جالك رزق بره مترفضش

- ف قولت اوصلك ...!

- متشكر جدا علي كرمك

- بس انا باركب التاكسي ده عشان العداد

- ليه بس يا بيه.. في بيتها

- كلها حاجات بسيطة خالص

.. كل ده العداد مش شغال ..

- علي فكرة يا ريس لو فيه مشكلة انا ممكن انزل

- يا بيه ليه بس هاوصلك

- وانت كل يوم بتروح الزمالك وهتقدر كويس

- لأ ما هو انا باركب التاكسي ده عشان ماقدرش

- لا حول ولا قوة الا بالله ليه كده بس يا بيه

- ايوة عشان ماحدش يقولي ظلمته و الكلام ده

- لا يا بيه مفيش ظلم ولا حاجة

- انا بس مش باخرج من المنطقة مشاويرها صغيرة

.. كل ده العداد لسه ماشتغلش ..

- طب يا ريس انا بس مش فاهم المبدأ

- يا بيه مفيش مشكلة والله خليها علي الله

- انت عارف يا بيه دانا امبارح نزلت لاقيت القزاز متفشفش ميت حته

- لا حول ولا قوة الا بالله معلش

- يا بيه خليها علي الله دي اصطباحه العربية

_

لحد الوقت ده انا مافهمتش انا ليه دخلت في الحوار ده كله

وايه اللي دخل الرزق في انه يشغل العداد

وايه مشكلة انه مش بيخرج من منطقته و انه يشغل العداد

وايه مفهومه عن انه قال يلا هيوصلني.. كتر خيره

وصلت الزمالك و كان شغل العداد ..!!!

طبعا مش هاحكي الحكاوي المعتادة

ان التاكسيات اللي ركبتها في عمان الأردن

كانت عاملة ازاي و السواقين كانت اخلاقهم ازاي

او المواصلات اللي ركبتها في لوكسمبورج كانت ازاي

لأن ده كلام هيكون مقارنة بالكلام اللي عندنا ... كلام مبتذل !


انا مش متضايق تماماً

انا في اسعد ايام حياتي تقريباً

بس حبيت اشارككم

سلام


and for my friends from ALF EuroMed Training

I won't forget my promise and I will use Meedan.net

to translate this post and upcoming posts too

I have so much to post about those lovely days we spent

9 comments:

  1. ليه بس يا بيه.. في بيتها :DD

    ReplyDelete
  2. Ahmed Mohamed ShehataAugust 7, 2009 at 3:19 PM

    ya drikseyony ya drikseyony ya depreyashy ya depreyashy :D:D

    ReplyDelete
  3. yeaa, pls post the meedan translation when u have it. did u see the videos in my profile/our group?

    ReplyDelete
  4. تحفه يا عز

    ReplyDelete
  5. hihhihiiiiiiii el mo3tad ya Ezz , memashyen el 2moor bemazaghom!!!!!!

    ReplyDelete
  6. Reham Abdelmonem HasnAugust 7, 2009 at 3:21 PM

    معلش يا عز هانعمل ايه بس والله مهما عملوا فى التكسيات و لا السواقين لازم تلاقى حاجه غلط معلش و على فكره مفتقداك اوى ووحشت حريتنا جدا

    ReplyDelete
  7. ya romanet el mizan..ya half defender albi feinak men zamaaaannnn...mouch fakra awelha, bardo nerga3 w ne2oul el nas dih ghalbana, w heya cycle :((

    ReplyDelete
  8. LOL gamda ya zzzz ;)) ana barkab el taxi dh 3alshan ma2darsh we fe el a7'er salaaaam

    ReplyDelete
  9. الراجل قالك انك كل يوم بتروح المشوار وحاتقدر ,هو فاكر ان كده خلاص هايكسفك ويخليك تتطلع كل الي في جيبك وتديهوله

    ReplyDelete