Wednesday, July 15, 2009

كراريس الجغرافيا


صباح الخير

من زمان جداً وانا صغير

أيام ما كنت صغير يعني

كان نفسي أشوف الحاجات من فوق

يعني اعرف الحدود واعرف ارسمها

كنت بأحب الجغرافيا عشان كده

وأنا في سنة رابعة ابتدائي كنت بارسم الخريطة

بتاعت الوطن اللي كان عربي.. في ثواني

كنت بارسمها للعيال اللي في الفصل

كانوا بيجمعوا كل الكراريس تحت بعض

وانا ارسم !

عشان كده وأنا في أي مكان باروحوا

الذاكرة الفوتوغرافية بتشتغل وباحفظ أبعاد المكان

طبعا أمل حياتي اتحقق لما اخترعوا Google Earth !

وراني كل حاجة من فوق زي مانا كنت باحلم

برج القاهرة بالنسبة لي متعة تانية !

طلعتوا اخر مرة في 2006 في عيد ميلادي الـ 25

مع صديقة عمري جينا


هي مبتحبش الإرتفاعات بس طلعت عشاني

علي رغم ان طلوع البرج مش انجاز تاريخي

بس لحد دلوقتي فاكر اليوم ده جداً

لانها قد ايه كانت خايفة.. بس قد ايه كانت مستعدة تعمل

عشان تحتفل بعيد ميلاد صديق الكفاح المسلح !

يومها قالت لي انت بتعرف تستمتع بوقتك جداً

انا كنت فاكرة اننا هنطلع فوق 20 دقيقة نتفرج وننزل

لكن احنا قعدنا فوق 4 ساعات

انا مبسوطة !


مش عايز اقول كلام إنشائي

بس مصر حلوة اوي من فوق

تحت بس لينا القرف والزحمة والصداع


6 comments:

  1. ALLAH YENAWAR 3ALIK YA EZZ

    ReplyDelete
  2. عندك حق..البلد دي حلوه بس من فوق :(

    صباح الإرتفاعات يا جميل

    ReplyDelete
  3. يا مروة :)
    شكراً انت اللي خليتيني اكتبها اصلا

    ReplyDelete
  4. صباح الإبراج يا سمسمة :)

    ReplyDelete
  5. البلد دي الي يشوفها من فوق غير الي يشوفها من تحت...عادل امام فيلم طيور الظلام..

    ReplyDelete
  6. i LOV e2!
    funny, deep and interesting, you even encouraged me to post alot of stuff that i've written through the year but was too selfish to share.. how weird...
    thank you ya 3ezz,,
    and my dear friend, i miss our chats :D el gaphic design 3amel ma3ak eh ?

    ReplyDelete