Wednesday, June 06, 2007

إتجاه المرج


فيلم


إتجاه المرج

Etegah El Marg


للمخرج / كريم الشناوي


أنا فخور بكريم الصراحة ... لما جيه كريم يقولي عز انا عايزك تتفرج علي المشروع بتاع التخرج بتاعي ولو عجبك عايزك تعملي الغلاف بتاع علبة الدي في دي ... قولت الولد ده عارف هو بيعمل ايه.. قولتله عيب عليك من غير ما يعجبني حتي !! بس لو عجبني هأعمله بنفس فهيبقي أحلي ان شاء الله ... واتفرجت علي الفيلم.

بلاش كلام كتير ... اتفرجوا ولو سمحتوا علقوا علي الفيلم لو عجبكم ..




وده الغلاف اللي انا عملته، مبسوط بجد ان كان ليا تواجد في فريق عمل الفيلم ...




سكريبت : سلمي أبو الفتوح - سارة طارق

تعليق صوتي : تامر عبد العزيز
مونتاج : مصطفي فؤاد - محمود عبد النافع
تصوير : إسلام الجبالي
المخرج المساعد : رانيا جلال
مدير الإنتاج : سها لقمان
إشراف أكاديمي : أ. نشوي جمال

إخراج : كريم الشناوي

19 comments:

  1. مش حقول غير انك سبقتني

    واللي سبق اكل النبأ
    :))

    الله ياخد الامتحانات

    عودا حميدا

    ReplyDelete
  2. ايه ده يا طمطم
    انا مش فاهم ... هو انت كنتي هتكتبي عن الفيلم ؟؟؟
    ولا انا سبقتك في ايه

    ReplyDelete
  3. الفيلم من اول ماشوفته وانا حاسه انه لازم يسمع عنه ناس كتير
    كريم بجد موهوب ربنا يوفقه

    ReplyDelete
  4. ايوة انت سبقتني وكتبت عن الفيلم :)

    اصلي شفته من يومين على يوتيوب وعجبني جدا

    والبوستر عندي بقاله اسبوع
    وعجبني جدا ان البوستر عمايلك وعليه اسمك :D

    المهم
    حمد الله على سلامتك

    ReplyDelete
  5. TamTam :
    -----------
    طب والله ده شئ جميل جدا
    انا عايز اقول اني سعيد بالفيلم
    لأن اللي عمله لسه حد صغير
    ولما تبقي هي دي الطلعة الأولي
    يبقي نستناه في حاجات تانية ان شاء الله

    شكراً ليكي يا طمطم الله يسلمك يا رب
    انا احسن بكتير دلوقتي :)

    ReplyDelete
  6. RamRoma :
    ----------
    هو الواد كريم ده ابن حلال والعملية ماشية معاه حلاوة :D

    موهوب ربنا يكرمه ويعمل حاجة عدلة
    للبلد ... اهو يعمل بلقمته

    :D

    ReplyDelete
  7. ممكن أعرف أقدر أشوف الفيلم فين
    لأن المرج بالنسبة لى محطة مترو ويا ريت أعرف عنها أكتر
    و بالنسبة للغلاف جميل جدا و الى الأمام دائما يا عز
    مى

    ReplyDelete
  8. أسفة يا عز أنا لسه واخدة بالى حالا من ان الفيلم موجود هنا سورى
    أنا شفت الفيلم وبجد الخرج كريم الشناوى مخرج واعد و يا رب يستمر فى تقديم الأعمل الجادة اللى زى كده
    مى

    ReplyDelete
  9. ما شاء الله لا قوة الا بالله

    لا جميل فعلا ربنا يوفقه
    والاجمل زى ماقولت ان دى البداية فهننتظر الأقوى بعد كدة ان شاء الله

    well done

    ReplyDelete
  10. الفيلم فعلا جامد انا كونت شوفته عند شيماء بكر في البلد بلدنا بس اول مره اشوف الغلاف الجميل ده سيبك من الفيلم الجبار الغلاف حاجه من النار الي الامام يا عز

    ReplyDelete
  11. على فكره انا كنت بتفرج على الفيلم ده وانا فى دوشه وزحمه وشغل وناس وحاجات كتير اوى وقولت انى ولا هعرف اركز ولا هعرف ارد
    بس بجد الفيلم خلانى اسيب كل ده واركز معاه
    بجد تحفه

    ربنا يكرمه

    ReplyDelete
  12. awel mashoft el film eftakart enno haykon 3an el nas elly bterkab el metro ... bas fel goz2 el akheer etbasat awy enno lakhas moshkela gamda awy ben3any menha ka mogtama3 ... el "tolerance" ... ma7adesh byestawe3eb el tany ... ma7addesh bye2bal el tany zai ma howa keda b 3yobo, b tafkero aw 7ata b dyanto ... balash, wala 7atta be mazhabo!
    gomla gamda gedan "etgah el marg, 7elwan, shobra ... kolaha masr" !!!
    Thanks a million for the post.

    ReplyDelete
  13. الفيلم عجبنى جدا
    صناع الفيلم قدروا يوصلوا للاحاسيس كتير بسيطة و لكنها جميلة

    ReplyDelete
  14. السكريبت حلو و فكره حلوه اوي برضو
    بس اللي ضعيف التصوير و اللقطات اللي متاخده
    مش ثريه بما يكفي حسه انها اضعف من الموضوع كتير

    ReplyDelete
  15. نسيت اقول ان البوستر حلو
    و الوانه متناسقه

    ReplyDelete
  16. el film to7fa besmellah masha2 allah.
    3ala fekra ana shoftoh bel sodfa el ba7taa..
    asef 3ala el tatafol wel comment 3al blog mn 3'eer e7em wala dastoor bas ka nefsy 22ol ra2ye :)
    ah 3ala fekra ana esmy eZz bardo :D

    ReplyDelete
  17. عذرا على كوني الوحيد الذي سيغرد خارج السرب ... فقط لي بعض الملاحظات على الفيلم لم أرد أن أكتمها ربما يستفيد منها صانع هذا الفيلم في المستقبل ...

    أول شيء استرعى انتباهي هو طابع الفيلم التقريري و التسجيلي في ان واحد أحسست كما لو أني أمام البيت بيتك أو القاهرة اليوم

    ثانيا ... التعليق مستمر من أول الفيلم لآخره مما يشتت الانتباه عن الصورة و أظن صانعه خانه التوفيق في هذه النقطة بالدات مع أن لقطاته جيدة و كان من الممكن الابراز جمالها لو أن التعليق أكثر اختصارا و أفضل توظيفا في شرح الفكرة

    ثالثا ... الموضوع أو الفكرة فيها تباين عالي جدا بين من يذهب الى الجامعة الأمريكية و بين سائر طبقات المصريين المعروضة على الشاشة ... و ربما لا أدري ان كان موفقا أم لا في عرضه لتحت كوبري الزمالك فظهر الفيلم نقدي لأوضاع معينة و هو ما عزز فكرة كونه تقرير لبرنامج توك شو

    أخيرا ... الى متى النظر الى بلدنا و ما فيها من بؤس بنظرة الإشمئزاز فقط ... الجمال يمكن أن يتواجد حتى في أبأس الأماكن مثلا ... في نفس الفيلم هناك لقطة لبعض الأطفال يلعبون و يمرحون و في الخلفية مشاهد قمامة أو غيره ... ألم يكن من الأجدر التركيز على هذه الحالة و استلهام التفاؤل منها ... أنه على الرغم من كل الصعاب التي تواجهنا لا زلنا قادرين على المرح و الضحك

    بلدنا ستظل قبيحة في أعيننا الى أن نشرع في الرضا بها كما هي أولا ثم بالإعتراف أننا السبب في تشويهها ثانيا
    ثم بمحاولة اصلاحها على قدر كل منا ثالثا و أخيرا

    أعلم اني كنت قاسيا بعض الشيء و لكن أتمنى أن أكون مخلصا ...

    ReplyDelete
  18. The Last Samurai:
    ------------------
    أوعدك اني اوصل لصانع الفيلم التعليق
    وهو متابع واكيد هيرد
    وأنا ما اعتقدش انك كنت قاسي بل كان نقدك موضوعي وفيه نصيحة

    مع اني مش معاك في نقطة ان الفيلم اعطاك الإنطباع انه من القاهرة اليوم او البيت بيتك ...

    فده مش عيب في المخرج ولا عيب في مخرجين البرامج دي ... ده اسلوب اخراج او فكر بيتفنذ علي الشاشة وإذا حطيناه في اعتبارنا فهو نقطة في صالح المخرج الشاب مش ضده، ان اسلوبه وصل لدرجة احترافية

    وده رأيي طبعاً وليه هو حق الرد

    ReplyDelete