أنا : إنتِ فيه حد مضايقك ؟
هي : ليه بتقول كده
أنا : لا معرفش الناس كلها تحرق الدم ، ده شئ عادي
هي : لأ مش أوي كده بس أنا متضايقة قولت اريحكم مني واريح نفسي كمان
أنا : اذا كان كده يبقي ريحينا علي طول !!
هي : بقي كده ... يعني اعمل بنصيحتك ؟؟
بصي .. هو أنا هاقتبص من اختنا سعاد ماسي كلمتها "كل واحد منا في قلبه حكاية" وهأقولك
ان كل واحد (بجانب ان في قلبه حكاية) ليه طريقة في حل المشاكل ومواجهة الصعوبات والألم
أنا أكيد مش هأعرف اقولك تتعامل ازاي مع امورك لأني ما عرفش عنك سوا إسمك ...
أه وانك نجحتي من كام يوم
خليني أقولك اوعي تخلي الدنيا تغلبك وتزعلي بقي وتبعدي عن الناس وتتهمي بيها
لأنها دنيا فاضية فارغة فانية ...
أنا في مرة من المرات زعلت وحسيت بالخيانة، كان الكلام ده في 2001
وكانت اول قصة حب ليا وحسيت ان اهلي خانوني لسبب ما في العلاقة
قعدت اربع شهور مش بتكلم! ساكت! مش بأكلم حد! بأصلي وبأكل وبأبكي
مكنتش بأكلم حد غير أحمد اخويا اللي كان عنده 8 سنين
خدت إيه ؟ ولا حاجة
كسبت إيه ؟ قعدت اتعالج من الموضوع 4 شهور كمان
واتخبطت تاني وتالت واخرهم من كام يوم قبل خطوبتي بكام يوم اللي كانت مفروض في 7-7
تفتكري زعلت ؟ اه طبعاً
لكن بان عليا ؟؟ استحالة
عشان اتعلمت الدرس .. ان اي انفجار مهما كان جوه مكسر الدنيا
إستحالة اخلييه يأثر علي الجدار اللي بره
اه ممكن يتشقق او يبان عليه ان جواه ضرب ... بس الناس تقولي ايه ده !!!؟
انت مجروج انت متضايق !!! لأ
يمكن عشان انا اتضربت كتير
ويكمن عشان هو ده الصح
وأرجع وأقول ... كل واحد منا في قلبه حكاية
** شكراً لـ هبه
اولايا فندم حمد الله علىسلامه بيت العز اللى وحشنا من زمان
ReplyDeleteثانيا :- فى اغنيه لانغام بتقول ما انالو بتكسر من جوايا مش عايزه فى نظر الناس اتهد
تسلم ايدك على الكلام الجميل ده يا عز باشا
الأغنية حلوة جدا يا أستاذ عز ...
ReplyDeleteبس حبيت أقول إن قيم الصلابة و الثبات في مواجهة الشدائد قد لا تكون حاضرة الآن في مجتمعنا ... وهو ما رأيته كثيرا مؤخرا ... مثلا تذكر حينما هزم الإسماعيلي الأهلي 3-0 من فترة وجدت الفريق يبكي و هو ما تكرر أيضا عندما أغمي على محمد صديق و هو ما يعكس حالة عامة في المجتمع من الهشاشة و الوهن اذا أردت
أحييك على ثباتك أمام مشكلاتك و سأحاول أن أكون مثلك انشاء الله
قول يا رب
good luck ya eZz
ReplyDeleteلو ليك في السياسة يا عم عز ... ياريت تشرفني بالزيارة في مدونتي ...
ReplyDeleteدى مش حكاية واحدة
ReplyDeleteدى
حكاية كل عاشق
تحياتى
تصدق يا عز
ReplyDeleteكنت محتاجه اقرى كلام زى ده
فى الفتره دى بالذات
يمكن الواحد يقدر يستوحى منه شويه صلابه وقوه محتاجها فى مواجهه الحياه
ربنا يكرمك يارب
تحياتى
rere :
ReplyDelete-------
أولا الله يسلمك يا فندم
والله والناس واحشاني جداً :)
ثانياً اه اغنية انغام حلوة فاكرها انا ... يعني الفكرة هي هي
الله يسلمك الكلام كان طالع تلقائي جدا
The Last Samurai :
ReplyDelete------------------
يا سيدي ولا استاذ ولا حاجة :)
بلاش تفكرني بماتش الإسماعيلي عشان انا اتكبست يومها والنهاردة ماتش السوبر فبلاش الفال الوحش ده !!!
تحياتي لتهنئتك ... ربنا يكرمك وتبقي احسن مني اصلاً
Anonymous :
ReplyDelete------------
merci :)
The Last Samurai :
ReplyDelete------------------
يا سلام ... اكيد يشرفنا مدونتك حتي ولو مليش في السياسة حتي
kafrawy :
ReplyDelete----------
تحياتي ليك :)
Reemo :
ReplyDelete--------
ربنا يكرمك ...
والله مبسوط اوي ان الكلام فادك
مبسوط بجد :)
شرفيني في بيتي تاني
ياااااااااه بجد يا عز وحشتنا وو حشت بيت العز جداً , ووحشنا أسلوبك الجميل .
ReplyDeleteوفعلاً كل واحد فى قلبه حكاية وممكن نقول حكايات , بس مع التعود على الصدمات بنعرف نسيطر على نفسنا الا لو كانت صدمة أكبر مما هو معتاد فانها لا تكون مألوفة .
والحمد لله انك رجعت للتدوين .
3araby :
ReplyDelete---------
يا عم عربي الله يكرمك
شكراً يا عم بس بلاش تنفخ فيا اوي كده
التدوين مش هيقف عليا :)
عز أنا مش متفقة معاك فى الرأى
ReplyDeleteكليا و لكن جزئيا فقط
يعنى لما بننجرح بنحتاج اللى يقف جنبنا طب الناس هيقفوا جنبنا ازاى واحنا مش مبينيين؟؟
أنا معاك ان الواحد لازم مايبنش ضعيف لكن الكتمان بيولد الانفجار و أمراض القلب و الضغط
اصرخ لو محتاج تصرخ
ابكى لو محتاج تبكى
لكن الكتمان بيولد الانفجار
انا متفقة معاك اوى ان الواحد فعلا مهما كان جواه زعل وحزن مش لاز دة يأثر على الجدار الخارجى..
ReplyDeleteبس بجد.. عايزة اقولك تدى كل حاجة حقها .. حتى الحزن لما تزعل ازعل بجد عشان يخلص كله فى وقت واحد مش يمشى حبة وبعدبن يرجعلك تانى يخلص حقه..
وصدقنى بعد ما الزعل ياخد وقته ويخلص مش هتحس بحاجة تانى
مدونتك حلوة اوى وانا مبسوطة جدا انى عرفتها .. وطبعا بعد اذنك انا ضفتها عندى .. اتمنى ميكونش عندك مانع :)