فيلم
إتجاه المرج
Etegah El Marg
للمخرج / كريم الشناوي
أنا فخور بكريم الصراحة ... لما جيه كريم يقولي عز انا عايزك تتفرج علي المشروع بتاع التخرج بتاعي ولو عجبك عايزك تعملي الغلاف بتاع علبة الدي في دي ... قولت الولد ده عارف هو بيعمل ايه.. قولتله عيب عليك من غير ما يعجبني حتي !! بس لو عجبني هأعمله بنفس فهيبقي أحلي ان شاء الله ... واتفرجت علي الفيلم.
بلاش كلام كتير ... اتفرجوا ولو سمحتوا علقوا علي الفيلم لو عجبكم ..
وده الغلاف اللي انا عملته، مبسوط بجد ان كان ليا تواجد في فريق عمل الفيلم ...
سكريبت : سلمي أبو الفتوح - سارة طارق
تعليق صوتي : تامر عبد العزيز
مونتاج : مصطفي فؤاد - محمود عبد النافع
تصوير : إسلام الجبالي
المخرج المساعد : رانيا جلال
مدير الإنتاج : سها لقمان
إشراف أكاديمي : أ. نشوي جمال
إخراج : كريم الشناوي
مش حقول غير انك سبقتني
ReplyDeleteواللي سبق اكل النبأ
:))
الله ياخد الامتحانات
عودا حميدا
ايه ده يا طمطم
ReplyDeleteانا مش فاهم ... هو انت كنتي هتكتبي عن الفيلم ؟؟؟
ولا انا سبقتك في ايه
الفيلم من اول ماشوفته وانا حاسه انه لازم يسمع عنه ناس كتير
ReplyDeleteكريم بجد موهوب ربنا يوفقه
ايوة انت سبقتني وكتبت عن الفيلم :)
ReplyDeleteاصلي شفته من يومين على يوتيوب وعجبني جدا
والبوستر عندي بقاله اسبوع
وعجبني جدا ان البوستر عمايلك وعليه اسمك :D
المهم
حمد الله على سلامتك
TamTam :
ReplyDelete-----------
طب والله ده شئ جميل جدا
انا عايز اقول اني سعيد بالفيلم
لأن اللي عمله لسه حد صغير
ولما تبقي هي دي الطلعة الأولي
يبقي نستناه في حاجات تانية ان شاء الله
شكراً ليكي يا طمطم الله يسلمك يا رب
انا احسن بكتير دلوقتي :)
RamRoma :
ReplyDelete----------
هو الواد كريم ده ابن حلال والعملية ماشية معاه حلاوة :D
موهوب ربنا يكرمه ويعمل حاجة عدلة
للبلد ... اهو يعمل بلقمته
:D
ممكن أعرف أقدر أشوف الفيلم فين
ReplyDeleteلأن المرج بالنسبة لى محطة مترو ويا ريت أعرف عنها أكتر
و بالنسبة للغلاف جميل جدا و الى الأمام دائما يا عز
مى
أسفة يا عز أنا لسه واخدة بالى حالا من ان الفيلم موجود هنا سورى
ReplyDeleteأنا شفت الفيلم وبجد الخرج كريم الشناوى مخرج واعد و يا رب يستمر فى تقديم الأعمل الجادة اللى زى كده
مى
ما شاء الله لا قوة الا بالله
ReplyDeleteلا جميل فعلا ربنا يوفقه
والاجمل زى ماقولت ان دى البداية فهننتظر الأقوى بعد كدة ان شاء الله
well done
الفيلم فعلا جامد انا كونت شوفته عند شيماء بكر في البلد بلدنا بس اول مره اشوف الغلاف الجميل ده سيبك من الفيلم الجبار الغلاف حاجه من النار الي الامام يا عز
ReplyDeleteعلى فكره انا كنت بتفرج على الفيلم ده وانا فى دوشه وزحمه وشغل وناس وحاجات كتير اوى وقولت انى ولا هعرف اركز ولا هعرف ارد
ReplyDeleteبس بجد الفيلم خلانى اسيب كل ده واركز معاه
بجد تحفه
ربنا يكرمه
awel mashoft el film eftakart enno haykon 3an el nas elly bterkab el metro ... bas fel goz2 el akheer etbasat awy enno lakhas moshkela gamda awy ben3any menha ka mogtama3 ... el "tolerance" ... ma7adesh byestawe3eb el tany ... ma7addesh bye2bal el tany zai ma howa keda b 3yobo, b tafkero aw 7ata b dyanto ... balash, wala 7atta be mazhabo!
ReplyDeletegomla gamda gedan "etgah el marg, 7elwan, shobra ... kolaha masr" !!!
Thanks a million for the post.
الفيلم عجبنى جدا
ReplyDeleteصناع الفيلم قدروا يوصلوا للاحاسيس كتير بسيطة و لكنها جميلة
i will see it
ReplyDeleteالسكريبت حلو و فكره حلوه اوي برضو
ReplyDeleteبس اللي ضعيف التصوير و اللقطات اللي متاخده
مش ثريه بما يكفي حسه انها اضعف من الموضوع كتير
نسيت اقول ان البوستر حلو
ReplyDeleteو الوانه متناسقه
el film to7fa besmellah masha2 allah.
ReplyDelete3ala fekra ana shoftoh bel sodfa el ba7taa..
asef 3ala el tatafol wel comment 3al blog mn 3'eer e7em wala dastoor bas ka nefsy 22ol ra2ye :)
ah 3ala fekra ana esmy eZz bardo :D
عذرا على كوني الوحيد الذي سيغرد خارج السرب ... فقط لي بعض الملاحظات على الفيلم لم أرد أن أكتمها ربما يستفيد منها صانع هذا الفيلم في المستقبل ...
ReplyDeleteأول شيء استرعى انتباهي هو طابع الفيلم التقريري و التسجيلي في ان واحد أحسست كما لو أني أمام البيت بيتك أو القاهرة اليوم
ثانيا ... التعليق مستمر من أول الفيلم لآخره مما يشتت الانتباه عن الصورة و أظن صانعه خانه التوفيق في هذه النقطة بالدات مع أن لقطاته جيدة و كان من الممكن الابراز جمالها لو أن التعليق أكثر اختصارا و أفضل توظيفا في شرح الفكرة
ثالثا ... الموضوع أو الفكرة فيها تباين عالي جدا بين من يذهب الى الجامعة الأمريكية و بين سائر طبقات المصريين المعروضة على الشاشة ... و ربما لا أدري ان كان موفقا أم لا في عرضه لتحت كوبري الزمالك فظهر الفيلم نقدي لأوضاع معينة و هو ما عزز فكرة كونه تقرير لبرنامج توك شو
أخيرا ... الى متى النظر الى بلدنا و ما فيها من بؤس بنظرة الإشمئزاز فقط ... الجمال يمكن أن يتواجد حتى في أبأس الأماكن مثلا ... في نفس الفيلم هناك لقطة لبعض الأطفال يلعبون و يمرحون و في الخلفية مشاهد قمامة أو غيره ... ألم يكن من الأجدر التركيز على هذه الحالة و استلهام التفاؤل منها ... أنه على الرغم من كل الصعاب التي تواجهنا لا زلنا قادرين على المرح و الضحك
بلدنا ستظل قبيحة في أعيننا الى أن نشرع في الرضا بها كما هي أولا ثم بالإعتراف أننا السبب في تشويهها ثانيا
ثم بمحاولة اصلاحها على قدر كل منا ثالثا و أخيرا
أعلم اني كنت قاسيا بعض الشيء و لكن أتمنى أن أكون مخلصا ...
The Last Samurai:
ReplyDelete------------------
أوعدك اني اوصل لصانع الفيلم التعليق
وهو متابع واكيد هيرد
وأنا ما اعتقدش انك كنت قاسي بل كان نقدك موضوعي وفيه نصيحة
مع اني مش معاك في نقطة ان الفيلم اعطاك الإنطباع انه من القاهرة اليوم او البيت بيتك ...
فده مش عيب في المخرج ولا عيب في مخرجين البرامج دي ... ده اسلوب اخراج او فكر بيتفنذ علي الشاشة وإذا حطيناه في اعتبارنا فهو نقطة في صالح المخرج الشاب مش ضده، ان اسلوبه وصل لدرجة احترافية
وده رأيي طبعاً وليه هو حق الرد