Friday, July 21, 2006

شئ محبط


شئ محبط

لما تكون مستني أتوبيس نص ساعة

ولما يجي قدامك السواق يبص لك ويبتسم ويكمل ميقفش

لما تكون بتحب صحابك وهما يعرفوك مصلحة

لما تكون مجتهد في شغلك وزميلك ياخد مكافأتك عشان بيتنطط

لما تتخرج بعد 8 سنوات من كلية كنت قرفان تقف قدامها أصلاً

لما واحد متفوق في صيدلة يتخرج يلف عل البيوت يبيع صابون للوش


شئ محبط

لما تعيش مع واحدة كل لحظة من عمرك وتقولك انك مش مهتم بيها

لما تذاكر طول السنة وتحل كويس وتشيل 9 مواد

لما تشجع فرقتك طول الموسم ويضيع منك الدوري في آخر عشر دقايق

لما تنزل من بيتك الصبح وترجع بالليل مفيش حاجة اتضافت لك

لما تكون عايز تصرخ بس متقدرش عشان عيب هيقولوا عليك مجنون

..

شئ محبط

لما تكون عايز تقول لوحدة انك محبتش حد غيرها في حياتك وهي بتقولك

انت مش كاوي القميص ليه ؟؟


Posted by at
Labels:

1 comment:

  1. eZzFebruary 4, 2010 at 11:36 PM

    thanks deee :)
    am replying 2 yrs and a half late
    but I appreciate your comment :)

    ReplyDelete

Subscribe to: Post Comments (Atom)