Wednesday, September 05, 2007

تست تست واحد اتنين تلاتة


حاجة غريبة جداً حصلت

ناس اتصلوا بيا وقالولي ان جدي اللي في البلد مات !!

لا حول ولا قوة الا بالله ... دانا لسه كنت شايفة من كام اسبوع

طب يا جدعان ايه اللي حصل ؟؟ مانعرفش ..

طب ايه كان عنده ايه ؟؟ مانعرفش ..

طب المستشفي قالت ايه ؟؟ لا ما نعرفش .. اصل اهل جدك مكتمين علي الموضوع


طب ازاي طب انا من حقي اني اعرف ايه اللي حصله ... ده جدي يعني

مانعرفش مانعرفش مانعرفش !!


الغريب !! ان تاني يوم وانا بأجهز نفسي اني اروحله

حد اتصل بيا وقالي : جدك نزل يصلي الفجر معانا !!!

يا ربي !!! ازاي بقي !! هو مات ولا لسه عايش


والمشكلة اني ماعرفش اتصل بيه ازاي

مفيش وسيلة بينا للإتصال !!

وقالولي ان جدي لما خرج يصلي قالهم انه كويس وان مفيش حاجة

بس تقريباً اهل البلد محدش كتير منهم شافوا

فبرضه ترتيبات الميتم كانت مستمرة !!

والخبر انتشر في البلد كلها


وجدتي قالت في قعدة مع صحابها يا حبايب الحج بخير

ولا حصل حاجة وصحته "زي الفل" انا مش عارفه مين اللي قال الخبر ده

برضه ستات البلد مصدقوش جدتي


مشكلة كبيرة حصلت في العيلة !!

طب نأكد للناس ازاي ان جدي لسه عايش

احنا نفسنا نتأكد ازاي ان جدنا لسه عايش


انا قولت مبدهاش انا مسافر يعني مسافر

واللي يحصل يحصل بقي ... ده جدي يعني !!

وانا مسافر واول ما دخلت البلد الناس مفيش علي لسانها الا سؤال واحد

هو ليه الحاج مطلعش بنفسه يقول انه كويس وانه لسه مامتش

ليه مش عايز يظهر تاني بعد صلاة العشا


بأبص لاقيت عيل صغير كده بيجري بيقول

عم الحاج ظهر عند برج الكهربا

عم الحاج ظهر عند برج الكهربا

عم الحاج ظهر عند برج الكهربا


مسكته من قفاه ... خد تعالي يا ابني عم الحاج مين ؟؟

قالي عم الحاج جدك يا استاذ !!!


الواد ده عرفني منين اصلا !!؟

هو انا بقيت مشهور اوي كده !!

هو ايه اللي بيحصل وليه كل ده بيحصل اصلا

جريت علي بيته لأني خلاص بقي عايز اتاكد هو ولا مش هو

عايش ولا ميت

فوجئت ان بيت جدي حواليه قلق وماعرفتش ادخل

قعدت طول الليلة بارغي مع الناس وانا مش فاهم انا ليه هنا اصلا

اللي يقولي انه مات وهو شاف جثته بنفسه

واللي يقولي ده كانوا ناقيلنه في عربية وهو اللي كان شايله

واللي يقولي دي حركة يا استاذ عشان جدك يشوف حسه في البلد !!

واللي يكذب الباقيين ويقولهم انت بتفتروا علي الراجل

واللي يقولي واللي يقولي واللي يقولي


وانا قاعد مش فاهم حاجة

بس طن في وداني صوت ميكرفون البلد وصفرته العالية

اللي خلتني اسد وداني عشان ما فقدهاش


لاقيت واحد صوته سئ جداً بيقول :

تست تست تست واحد اتنين تلاتة


يا أهالي البلد الكرام

الحاج بكره عنده اجتماع مع شيخ الغفر عشان يتفقدوا اي حاجة!!!


والصوت اتقطع فجأة ورجعت صفارة الميكروفون تاني

لدرجة خلتني اغمض عينيا

من كتر ما انا خايف علي ودني انها تطير من صوت الصفارة


فتحت عينيا بس ملقيتش حد من اللي كنت باكلمهم حواليا
لاقيتني قاعد في سيلنترو وماسك جرنان الدستور في ايديا

!!!



----------------------------

ملحوظة : جدتي متوفية من 5 سنين وجدي عايش هنا في القاهرة

22 comments:

  1. I knew it!!! LOOL

    The Great Great Grandfather is a legend...he won't die that easily!!!

    lol

    ReplyDelete
  2. ahmed ezz el din
    مش لا زم تنشر الكومنت ده بس اقرأه
    حلو اوى التلميح ده
    والقصة تكوينها جامد
    هو ده حلم ولو ده حلم يبقى انت العقاد .. ده القصة كانك قعدت اسبوعين تكتبها
    وجامده الفكرة

    ReplyDelete

  3. آآآآه بقولك ايه يا واد يا عكروت انت والتلميحات بتاعتك

    تحيا اللي في بالي

    تحياتي لك من ماناساس البلد

    ReplyDelete
  4. :):):):):):):):):):):):):):):):):)
    rbena yesma3 min bo2ak ya rab

    ReplyDelete
  5. احييك يا عز على الكلام دة و لى جرأتك و تلميحك المفهوم جدا :P
    بجد الحكاية مشوقة و قرائتها لازم تكون للآخر
    و كلمتي الأخيرة

    طويل العمر يطول عمره يزهزه عصره يثور على مين يعاديه ..... هاييي هئئئئئ
    و على رأيك... يسقط الاستقلال

    ReplyDelete
  6. nice shot , i really like it ya basha ;)

    ReplyDelete
  7. المشكله يا اخ عز في موت جدك انه هيسيب فراغ سياسي كبير وهنضطر اسفين اننا نقبل ابن جدك اللي هو المفروض عمك ... لان كل المنافسين له من رؤساء الاحزاب ولا واحد منهم ينفع او له لازمه
    وكله بالدستور
    ودستور يا سيادنا دستور

    JanKiez

    ReplyDelete
  8. جامده موت ت ت ت
    و النبي احلملنا كمان حلم انه جدو لما مات اتوزع الميراث علي مين
    تحياتي

    ReplyDelete
  9. متخافش جدو أما يفلسع ... عمو هيمسك وراه على طول

    ReplyDelete
  10. da agmad makal sem3to 3n el modo3 dah !

    ReplyDelete
  11. gamdaaaaaaaaaa gedaaaaaaaaaaaaaaaaaaaa
    aaaaaaaaaaaaaaaaaaaaaaaa
    aaaaaaaaaaaaaaaaaaaaaaaa
    aaaaaaan

    bravo
    bravo

    ReplyDelete
  12. Epitaph:
    ---------
    :D hehehehehe he is a legend !!


    Ahmed Ezz El Din :
    ------------------
    لازم انشر الكومنت طبعا يا ابوحميد
    يا عم ولا العقاد ولا حاجة
    دي خترفة كده سريعة

    شكرا يا ابو حميد ومدونتك حلوة
    مش عشان انت اخويا بس عشان هي حلوة

    :) الي الأمام


    The Groom :
    -------------
    تحية ليك وللي في بالك :)


    Anonymous :
    -------------
    :d kda bardo tetmany kda le geddy !!!?


    Nahla Afifi :
    --------------
    تحياتي ليكي يا نوهلة :)
    يا ستي ولا جرأة ولا حاجة

    ايه واحد وبيفول علي حده !!! :D

    حد له عنده حاجة :D يسقط الإستقلال


    Dr. Tantawy :
    --------------
    thanks ya Dr. :)


    JanKiez :
    -----------
    ما تيجي عندنا البلد احسن :D

    شكلك عايز تغير جو

    هاهاهاهاها

    تحياتي يا عمور


    دنيا محيراني :
    ---------------
    شكرا لذوقك :)

    متقلقيش كله بتساهيله


    The Last Samurai :
    -------------------
    لا انا مش قلقان خالص
    انا واثق !!!


    Anonymous :
    -----------
    shokran rabena yakhalek/y :)

    Engi Aboulezz :
    ---------------
    shokraaaaaaaaaaaaaan ya engyyyyyyyy

    ReplyDelete
  13. كل سنه وانت طيب يا عز
    رمضان كريم
    ربنا يبلغك رمضان ويعوده عليك بالخير ان شاء الله
    آميـــن

    ReplyDelete
  14. على فكره جدنا ده عمره ما هيموت ابدا , يفضل كده لحد ما هيدفن بايده السبعين مليون مواطن مصرى

    رمضان كريم يا عز.

    ReplyDelete
  15. صايعه قوي اخر حاجه المقاله ديه بجد انت بقيت محترف
    وعالي قوي يا ويزو

    ReplyDelete
  16. ههههههههه

    كنت عارفه مين جدك من الأول

    بس حلوه بجد

    كل سنةوانت طيب ورمضان كريم(:

    ReplyDelete
  17. جامده يا مستر ازز

    مش هو جدك وجدنا كلنا

    بس ربنا يسهله

    ReplyDelete
  18. دستووووووووووووور
    جامدة موت:)
    وكل لبيب .... بالاشارة يفهم

    ReplyDelete
  19. عز كالعادة كتبت فأبدعت
    أنا قبل ماخلص البوست كنت عارفة نهايته
    بس أصلى عارفة انك مش من النوع اللى مايكونش فيه وسيلة اتصال بينه وبين جده ده من الظاهر
    أما من الباطن فكل حاجة ف البلد دى كوسسسسسسسسسسسسسسسسة
    حتى ف الموت
    تحياتى ليك يا عز وكل سنة وانت طيب

    ReplyDelete
  20. هو انت مش بتدخل على مدونتك كتير ليه؟
    اكتب لنا كتير انت بتكتب حلو اوى وبقيت بحب اقرالك:)

    ReplyDelete
  21. شغال يا مان
    بس واضح انها افتكاسات م الاول بس انت عملت كام نقله كده ف الاول شديده
    ع العموم
    طيب
    وشكرا على الابداعه الخفيفه دى
    ولوا انى حاسس ان عندك احسن
    سلامووو

    ReplyDelete
  22. ههههههههههههه

    يا ساتر ده جدو ده طول أوى وقرب يخلل كمان .. ماتشوفوا ياجماعة لايكون لزق ولا حاجة

    جميلة اوى بجد
    :D

    ReplyDelete