حاجة غريبة جداً حصلت
ناس اتصلوا بيا وقالولي ان جدي اللي في البلد مات !!
لا حول ولا قوة الا بالله ... دانا لسه كنت شايفة من كام اسبوع
طب يا جدعان ايه اللي حصل ؟؟ مانعرفش ..
طب ايه كان عنده ايه ؟؟ مانعرفش ..
طب المستشفي قالت ايه ؟؟ لا ما نعرفش .. اصل اهل جدك مكتمين علي الموضوع
طب ازاي طب انا من حقي اني اعرف ايه اللي حصله ... ده جدي يعني
مانعرفش مانعرفش مانعرفش !!
الغريب !! ان تاني يوم وانا بأجهز نفسي اني اروحله
حد اتصل بيا وقالي : جدك نزل يصلي الفجر معانا !!!
يا ربي !!! ازاي بقي !! هو مات ولا لسه عايش
والمشكلة اني ماعرفش اتصل بيه ازاي
مفيش وسيلة بينا للإتصال !!
وقالولي ان جدي لما خرج يصلي قالهم انه كويس وان مفيش حاجة
بس تقريباً اهل البلد محدش كتير منهم شافوا
فبرضه ترتيبات الميتم كانت مستمرة !!
والخبر انتشر في البلد كلها
وجدتي قالت في قعدة مع صحابها يا حبايب الحج بخير
ولا حصل حاجة وصحته "زي الفل" انا مش عارفه مين اللي قال الخبر ده
برضه ستات البلد مصدقوش جدتي
مشكلة كبيرة حصلت في العيلة !!
طب نأكد للناس ازاي ان جدي لسه عايش
احنا نفسنا نتأكد ازاي ان جدنا لسه عايش
انا قولت مبدهاش انا مسافر يعني مسافر
واللي يحصل يحصل بقي ... ده جدي يعني !!
وانا مسافر واول ما دخلت البلد الناس مفيش علي لسانها الا سؤال واحد
هو ليه الحاج مطلعش بنفسه يقول انه كويس وانه لسه مامتش
ليه مش عايز يظهر تاني بعد صلاة العشا
بأبص لاقيت عيل صغير كده بيجري بيقول
عم الحاج ظهر عند برج الكهربا
عم الحاج ظهر عند برج الكهربا
عم الحاج ظهر عند برج الكهربا
مسكته من قفاه ... خد تعالي يا ابني عم الحاج مين ؟؟
قالي عم الحاج جدك يا استاذ !!!
الواد ده عرفني منين اصلا !!؟
هو انا بقيت مشهور اوي كده !!
هو ايه اللي بيحصل وليه كل ده بيحصل اصلا
جريت علي بيته لأني خلاص بقي عايز اتاكد هو ولا مش هو
عايش ولا ميت
فوجئت ان بيت جدي حواليه قلق وماعرفتش ادخل
قعدت طول الليلة بارغي مع الناس وانا مش فاهم انا ليه هنا اصلا
اللي يقولي انه مات وهو شاف جثته بنفسه
واللي يقولي ده كانوا ناقيلنه في عربية وهو اللي كان شايله
واللي يقولي دي حركة يا استاذ عشان جدك يشوف حسه في البلد !!
واللي يكذب الباقيين ويقولهم انت بتفتروا علي الراجل
واللي يقولي واللي يقولي واللي يقولي
وانا قاعد مش فاهم حاجة
بس طن في وداني صوت ميكرفون البلد وصفرته العالية
اللي خلتني اسد وداني عشان ما فقدهاش
لاقيت واحد صوته سئ جداً بيقول :
تست تست تست واحد اتنين تلاتة
يا أهالي البلد الكرام
الحاج بكره عنده اجتماع مع شيخ الغفر عشان يتفقدوا اي حاجة!!!
والصوت اتقطع فجأة ورجعت صفارة الميكروفون تاني
لدرجة خلتني اغمض عينيا
من كتر ما انا خايف علي ودني انها تطير من صوت الصفارة
فتحت عينيا بس ملقيتش حد من اللي كنت باكلمهم حواليا
لاقيتني قاعد في سيلنترو وماسك جرنان الدستور في ايديا
!!!
----------------------------
ملحوظة : جدتي متوفية من 5 سنين وجدي عايش هنا في القاهرة
I knew it!!! LOOL
ReplyDeleteThe Great Great Grandfather is a legend...he won't die that easily!!!
lol
ahmed ezz el din
ReplyDeleteمش لا زم تنشر الكومنت ده بس اقرأه
حلو اوى التلميح ده
والقصة تكوينها جامد
هو ده حلم ولو ده حلم يبقى انت العقاد .. ده القصة كانك قعدت اسبوعين تكتبها
وجامده الفكرة
ReplyDeleteآآآآه بقولك ايه يا واد يا عكروت انت والتلميحات بتاعتك
تحيا اللي في بالي
تحياتي لك من ماناساس البلد
:):):):):):):):):):):):):):):):):)
ReplyDeleterbena yesma3 min bo2ak ya rab
احييك يا عز على الكلام دة و لى جرأتك و تلميحك المفهوم جدا :P
ReplyDeleteبجد الحكاية مشوقة و قرائتها لازم تكون للآخر
و كلمتي الأخيرة
طويل العمر يطول عمره يزهزه عصره يثور على مين يعاديه ..... هاييي هئئئئئ
و على رأيك... يسقط الاستقلال
nice shot , i really like it ya basha ;)
ReplyDeleteالمشكله يا اخ عز في موت جدك انه هيسيب فراغ سياسي كبير وهنضطر اسفين اننا نقبل ابن جدك اللي هو المفروض عمك ... لان كل المنافسين له من رؤساء الاحزاب ولا واحد منهم ينفع او له لازمه
ReplyDeleteوكله بالدستور
ودستور يا سيادنا دستور
JanKiez
جامده موت ت ت ت
ReplyDeleteو النبي احلملنا كمان حلم انه جدو لما مات اتوزع الميراث علي مين
تحياتي
متخافش جدو أما يفلسع ... عمو هيمسك وراه على طول
ReplyDeleteda agmad makal sem3to 3n el modo3 dah !
ReplyDeletegamdaaaaaaaaaa gedaaaaaaaaaaaaaaaaaaaa
ReplyDeleteaaaaaaaaaaaaaaaaaaaaaaaa
aaaaaaaaaaaaaaaaaaaaaaaa
aaaaaaan
bravo
bravo
Epitaph:
ReplyDelete---------
:D hehehehehe he is a legend !!
Ahmed Ezz El Din :
------------------
لازم انشر الكومنت طبعا يا ابوحميد
يا عم ولا العقاد ولا حاجة
دي خترفة كده سريعة
شكرا يا ابو حميد ومدونتك حلوة
مش عشان انت اخويا بس عشان هي حلوة
:) الي الأمام
The Groom :
-------------
تحية ليك وللي في بالك :)
Anonymous :
-------------
:d kda bardo tetmany kda le geddy !!!?
Nahla Afifi :
--------------
تحياتي ليكي يا نوهلة :)
يا ستي ولا جرأة ولا حاجة
ايه واحد وبيفول علي حده !!! :D
حد له عنده حاجة :D يسقط الإستقلال
Dr. Tantawy :
--------------
thanks ya Dr. :)
JanKiez :
-----------
ما تيجي عندنا البلد احسن :D
شكلك عايز تغير جو
هاهاهاهاها
تحياتي يا عمور
دنيا محيراني :
---------------
شكرا لذوقك :)
متقلقيش كله بتساهيله
The Last Samurai :
-------------------
لا انا مش قلقان خالص
انا واثق !!!
Anonymous :
-----------
shokran rabena yakhalek/y :)
Engi Aboulezz :
---------------
shokraaaaaaaaaaaaaan ya engyyyyyyyy
كل سنه وانت طيب يا عز
ReplyDeleteرمضان كريم
ربنا يبلغك رمضان ويعوده عليك بالخير ان شاء الله
آميـــن
على فكره جدنا ده عمره ما هيموت ابدا , يفضل كده لحد ما هيدفن بايده السبعين مليون مواطن مصرى
ReplyDeleteرمضان كريم يا عز.
صايعه قوي اخر حاجه المقاله ديه بجد انت بقيت محترف
ReplyDeleteوعالي قوي يا ويزو
ههههههههه
ReplyDeleteكنت عارفه مين جدك من الأول
بس حلوه بجد
كل سنةوانت طيب ورمضان كريم(:
جامده يا مستر ازز
ReplyDeleteمش هو جدك وجدنا كلنا
بس ربنا يسهله
دستووووووووووووور
ReplyDeleteجامدة موت:)
وكل لبيب .... بالاشارة يفهم
عز كالعادة كتبت فأبدعت
ReplyDeleteأنا قبل ماخلص البوست كنت عارفة نهايته
بس أصلى عارفة انك مش من النوع اللى مايكونش فيه وسيلة اتصال بينه وبين جده ده من الظاهر
أما من الباطن فكل حاجة ف البلد دى كوسسسسسسسسسسسسسسسسة
حتى ف الموت
تحياتى ليك يا عز وكل سنة وانت طيب
هو انت مش بتدخل على مدونتك كتير ليه؟
ReplyDeleteاكتب لنا كتير انت بتكتب حلو اوى وبقيت بحب اقرالك:)
شغال يا مان
ReplyDeleteبس واضح انها افتكاسات م الاول بس انت عملت كام نقله كده ف الاول شديده
ع العموم
طيب
وشكرا على الابداعه الخفيفه دى
ولوا انى حاسس ان عندك احسن
سلامووو
ههههههههههههه
ReplyDeleteيا ساتر ده جدو ده طول أوى وقرب يخلل كمان .. ماتشوفوا ياجماعة لايكون لزق ولا حاجة
جميلة اوى بجد
:D