Saturday, January 20, 2007

العلم نورن


شوف الشعب المثقف !! شوف إحنا مديين رقبتنا لمين !! دول اللي بينتخبوا اللي زيهم عشان يبقوا رؤساء اكبر دولة في العالم .. اللي بدورها بترسم خريطة العالم وسياساته وبتقرر مين حلو ومين وحش مش أمور !! أنا داخل النهاردة الصبح لسه باقول يا كريم يا رب .. لاقيت صديق الطفولة المشردة.. محمود إبراهيم بيبعتلي لينك وبيقولي إتفرررررررررررج أنا مش مصدق !! قولتله اه اكيد لازم متصدقش .. من غير ما اشوف هو بيقول ايه اصلاً .. لكن لما شوفت ازداد إنبعاجي قليلاً وقولت في عقل بالي .. يخرب بيت الجهل لو هو بالشكل ده ..!! صحيح العلم نورن والأرض كراويتون تلف حول نفسها ..!!


-

مهمااااااااااااا الفيديو خد وقت للتحميل ... نصيحة استنوا واتفرجوا عليه

-

12 comments:

  1. ya saba7 elbatee7'
    begad bgad ana awel marra a7es enny gahbazza

    ReplyDelete
  2. ya saba7 el batee7'
    ana awel marra a7es eny genius we mn elgahabeza elmo3asereen
    حسبي الله ونعم الوكيل

    ReplyDelete
  3. نهلة عفيفيJanuary 20, 2007 at 1:03 PM

    العلم نورن و الجوهل زلام
    فعلا اول ما شوفت الفيديو دة حسيت بالانبعاج المعرفي (على راي صديقي العزيز رجب)
    ايه الناس دي، هما دوا الي بناخد منهم التكنولوجيا و التقدم و العادات السيئة قبل الكويسة؟؟
    حد يفهمني دول احسن مننا ليه، مجرد تقدم اقتصادي و تكنولوجي و بس؟ مش المفروض يكونوا ناس أكثر ثقافة و اطلاع و معرفة؟
    حد يفهمني إزاي احنا نكون طالع عنينا في القراءة و المتابعة و معرفة أخبار الدنيا و ميكونش لينا فرصة واحدة زي أقل واحد فيهم
    فعلا من ليس له ماضي فليس له حاضر، الناس دي حسستني ان كلمة 7 آلاف سنة حضارة مش مجرد كلمة بنتمنظر بيها علي السياح و خلاص، لا الكلمة دي أعمق من تصور اي حد فيهم
    يجوا اصحاب الشركات الكبيرة الي بيستعينوا بالخبرات الاجنبية يشوفوا الكلام دة، يجوا الشباب الي مش عايزين يتجوزوا من بلدهم يشوفوا الكلام دة، هل هيفضلوا على نفس موقفهم؟
    مفيش حد يقولهم ان البلد فيها عقول كتير محتاجة مجرد فرصة؟
    لو اتكلمت اكثر من كدة حيطلع مني حاجات ملهاش لزمةز كفاية كدة

    ReplyDelete
  4. ببساطة شديدة جدا.... دا تجسيد لمبدأ الأمريكي.... لا نريد من رؤساؤنا سوي الرخاء الداخلي!!!!!! انت لو قريت في الطبيعة الأمريكية و تاريخهم القصير جدا هتفهم هما كدة ليه

    ReplyDelete
  5. يا عز الكلام ده مش هناك وبس ده فى يلاد كتيرة كده , ومنهم المحروسة مصر انا خدنى الحنين اتفرج على المحليات - أقصد القنوات المحلية - ففتحت القناة التالتة بتاعة العاصمة وكان فيه سؤال صعب جداً محدش عارف يحله اكتر من 7 أفراد والكارثة كان منهم واحد فى كلية الاعلام اخر سنة معرفش الحل وبعد ما اخد احتيارات جاوب غلط , تعرف السؤال ايه ؟ : " دولة غانا فى قارة ايه ؟" فيه اتفه من كده .
    اذا كانت احصائية حقيقية فى استبيان لنواب الشعب الفصل التشريعى اللى فات سالوهم مين اللى بيشرع القوانين ؟ البهوات 90% منهم جاوب بانها الحكومة وليس مجلس الشعب .

    ياعز على رأى شيماء " يا صباح البطيخ "

    ويارب صبرنا .

    ReplyDelete
  6. يا نهار جهل و يا نهار ضياع
    حسيت أنى جهبز و عبقرية زمانى
    صحيح أنا قريت كتير عن أن الشعب الأمريكى شعب جاهل من الناحية العالمية يعنى ماهوش علاقة بالى بيحصل خارج حدود أمريكا
    بس لم أتصور للحظة أن الجهل للدرجة دية
    لدرجة أنهم يقولوا أن اسرائيل ديانتها الإسلام و أن ياسر عرفات زعيم القاعدة و أن فرنسا مكانها مكان أستراليا على الخريطة و بالوى كتيييير
    بس بجد تحياتى على الفيديو العجيب ده

    ReplyDelete
  7. Shaymaa:
    ----------
    m3aky 7a2, 7asbia allah w ne3ma al wakel

    ReplyDelete
  8. ALiaa:
    --------
    هما فعلاً مجتمع مغلق جداً قليل منهم اللي يعرف مين بيعمل إيه
    كل ولاية ليها جورنانها تليفزيونها اذاعتها وخلاص شكراً كل حياتها منصبة علي اخبارها واخبار اخبارها وبس

    انك تيجي تقولهم مين اللي فاز بجائزة نوبل في الأدب السنة اللي فاتت... كده انت بتشتمهم !

    ReplyDelete
  9. 3araby:
    ---------
    ما هيا مشكلة برضة اننا فاكرين نفسنا رواد ومعرفش ايه

    ده كان فيه فيديو عندي.. مذيعة بتسأل المواطنيين... هي إيه القرية الذكية؟ يا سلاااااااااااام علي الأجوبة.. اجمل جواب كان : اه دي في شرم الشيخ.. وانا نزلت المية فيها .. اه ميتها حلوة .. بتدي الوان علي احمر واخضر كده !!!

    ReplyDelete
  10. hebaz:
    --------
    يا بنتي انا اول ما سمعت الكلام ده حسيت اني دكتور مساعد في قسم جراحة العظام بقسم السكاكيني !!!!

    ReplyDelete
  11. هناك فرق كبير بين العلم والثقافة والاطلاع والمعرفه
    للاسف الشديد ان المجتمع الغربى بشكل عام والامريكى بشكل خاص لديه اميه ثقافية وفجوه معرفية كبيرة
    لا يهتمون بأي شىء سوي بعملهم والى اين سيذهبون في الويك اند
    وهذا الجهل يستغلة ويستثمره اللوبى اليهودي المسيطر على الاعلام لنشر ما يريده وخلق رأي عام متعاطف معه على طول الخط

    وقد اكتشفت بنفسي هذا الموضوع اثناء فترة عملى بالامارات حيث يعمل على ارضها رقم كبير جدا من مختلف الجنسيات وخاصة الاروبيين والامريكان وتكلمت مع الكثيرين منهم وكلهم اكدوا لى انهم كانوا يعتقدون اننا لازلنا نركب الجمال ولا يوجد لدينا علم ولا تكنولوجيا ولا نجيد اي شئ ابدا
    حتى جاؤا ورأوا بأنفسهم كيف هى البلدان العربية

    احد هؤلاء المغيبيين قال لى لماذا لا تترك فلسطين جزءا من ارضها ليعيش عليه الاسرائليون المسالمين؟؟!! وقد صعقت من سؤاله وتوقفت عن التفكير لعدة دقائق
    الهذا الحد وصل بكم الجهل والضحاله ؟؟ لا معلومات عامة ولا معلومات جغرافية ولا شيء سوي حياتهم الخاصة

    وانهى تعليقى الطويل هذا بجملة معبرة
    العلم لا يكال بالبتنجان
    وعجبى

    دمتم بخير
    اسامة سامى

    ReplyDelete
  12. بيتهيالي معذورين والغلط مننا
    مليون كليو متر مربع وكام مليون نسمه
    والاعلام بتاعهم الداخلى مخليهم مش شايفين غير ان هما الى فى العالم وبس
    الغلط مننا احنا مش من اى حد
    لا نلومن الا انفسنا

    ReplyDelete