مساحة تعبيرية
عن ما أحب ان أعتقدني أتمتع به
الصحيان بدري في دولتي يُعاقب عليه القانون
اللعب في دولتي لا يُعاقب عليه القانون ولا يجرمه
العمل في دولتي يُعاقب عليه القانون
في دولتي الصحاب لبعضيها مش العكس
التحوير في دولتي يُعاقب عليه القانون ويبغضه
>> دولتي لسه كبيرة واللي يعيش فيها ياما يشوف
الفرق بين العرب وغيرهم في الرياضة شاسع، في كل مكان في العالم، الرياضة هي وسيلة للترفيه والإمتاع، وفي أوقات كتيرة للتعارف بين الشعوب وبعضها، والإ مكانش حد سمع عن البرازيل (في حالة إن مالوش في البن). الإ عندنا، إحنا الوحيدين اللي بنعاير بعض بإنتمائاتنا الرياضية، بنتيجة انتصاراتنا، بصفقاتنا الجديدة، ولو خسر فريقنا كتير منا بيصابوا بسكتات في القلب والدماغ ..وده دليل قاطع إن ولا القلب مليان ولا الدماغ شغال
هو اكيد بجانب الدلع والحركات دي
هاكون عايز اشاركك بحاجات كتيرة جداً
حاجات حصلت لي وحاجات بافكر فيها تحصلي
هانروح اماكن كتيرة انا باحبها.. وانت كمان
نتغدى في المطاعم اللي بنحبها و نشوف أفلام كل اسبوع
نشوف الدنيا ونخرج في اجازاتنا نروح مكان جديد كل مرة
حتى لو كان المكان ده شارع جديد ناكل فيه آيس كريم
مش مهم !!
نصاحب الناس ويودونا هما كمان
لو ربنا قدرنا وقدرنا نسافر كل اجازة لمكان بعيد
يبقى حلو طبعاً.. المهم نكون بنحاول نعيش دايماً
بدل ما يكون كل حياتنا محاولة لتفادي إننا نزهق
يعني نعيش بدل ما نخاف
فاهماني ؟!
نفسي في اولادي أو بناتي يعيشوا حياة حلوة
أهالينا ربنا يكرمهم كنا إحنا محور حياتهم
ما استغلوش الفرص اللي حواليهم لنفسهم
كانوا دايماً عايشين لينا
نفسي استغل الظروف اللي حواليا ليا ولأولادي
وطبعا الإنسانة اللي هتعيش معايا
لأن مفيش حد مننا هيعيش مرة تانية الإ في الجنة
وساعتها مش هيكون علينا إننا نقلق علي حاجه
أبداً !!
أتذكر كيف تحققت أمنيتي بسماع موسيقي في سيارة منطلقة علي شواطئ الأطلنطي، لم أكن اهتم بكيف ستكون الصورة، ولكنني كنت أراها، سيارة منطلقة في شمس الغروب، مستمتع، مبتسم، منذ أول لحظة، وكأنني محتضن فاتنة لاتينية بملامح عربية، تفاهمنا من الحديث الأول، وكأننا نكمل ما بدأناه منذ وقت طويل، صوت ضحكاتها أكد لي كم كان صوتي مشوق لسمعِها، تذكرتها ومازلت أتذكر كم كانت ساحرة.
يتبع
أتذكر يومي الأخير بالعاصمة الكتالونية برشلونة، وكم كانت مميزة هي المدة التي قضيتها أنا وهيثم كامل علي شاطئ الميناء نناقش كم جميل أن يحترم المواطن في بلده، وكم كان شارع لارمبلا جميلاً وكأني لم أر الجمال من قبل، أتذكر غدائي في هذا المحل الهولندي بطباخه الأسيوي، وتلك الفتاة الإيطالية التي كانت تدير هذا المحل العملاق في هذا الشارع الضيق، وحدها، إبتسامتها جعلتني أشكرها وكأنها للتو قد أنقذت حياتي
.. يتبع
