تعرفي اني مش باعرف أقرا الا لما اكون مسافر؟
انا عايز اقرا كتاب وانا هناك
فيه حاجة قررتها؟
لأ لسه انا باخد رأيك
فيه حاجة معينة بتفكر فيها؟
فيه "تغريدة البجعه" و"عزازيل" لسه ماقريتهومش
بس انا جبت الكتابين دول عشان واحدة عزيزة عليا قالتلي
مش عشان انا عايز اقراهم
خلاص يبقي تغريدة البجعة بلاش عزازيل
اصل كمان احتمال اقعد كام يوم هناك زيادة عند واحد صاحبي
بس هو بيشتغل يعني هيكون عندي وقت انزل اروح أي مكان
اتصفح جريدة عكاظ
لأ عكاظ دي في السعودية!!
اوك اتصفح جريدة المملكة
لأ الإمارات مفيهاش جريدة اسمها المملكة!!
أوك أتصفح الحياة اللندنية
واروح حاطت الجريدة علي الكرسي اللي جنبي
وانادي البنت الويتر السنغافورية
اللي غالباً هتقع في حبي
وأنا هارفضها لعدم تقارب المستوي ما بينا
ولأني مش هاقبل بالوظيفة اللي هتكون عايزة تشغلهالي
لما نرجع لـ سنغافورة
وده هيولد عندها طاقة مكبوتة جواها
هتمشي ورايا وانا مروح
وهتقتفي أثري!
وتاني يوم هتستناني وانا نازل من البيت
بس انا مش بانزل الصبح!!
ليه انزل هو انا ورايا شغل!!
صاحبي سعد شغال مهندس هناك
ملامحه شبهي لكننا في الطول والحجم مختلفين
ساكي هتتخيل انه انا
مستنياني تحت البيت
سيبت فرامل العربية اللي شافتني راجع بيها
بمساعدة من اخوها
18 سنة اتولد في الإمارات
وعايز يساعد ساكي اخته عشان هي اللي ربته
بعد ما مامته ماتت وهما جايين للإمارات
بعد ما هربت من بطش ابوهم في سنغافورة
وطبعا ساكي عايزة ترجع بيا هناك
عشان تتحامي فيا
لكن انا معنديش خلفيه بده كله
سعد بيعدي الشارع وساكي بتبص بنظرات انتقام
لكن فجأة بتفهم انه مش انا
ده مش هو
ودي مش عربيته
( ساكي بتتكلم سنغافوري )
( فيه ترجمة )
بتحاول تعدي الشارع
لكن عربية مسرعة بتصدمها!
وسعد بيركب العربية بعد ما بيحاول ينقذها
يتصل بالإسعاف ويضرب كف علي كف ويمشي
مش مدرك ان اللي انقذها هي اللي هتقتلوا بعد شوية
واني انا اللي نايم فوق السبب في انها عملت كده !!
-
هل هيقدروا ينقذوا ساكي في المستشفي؟
هل سعد فعلا هيموت؟
هل العربية فراملها هتكون فعلا باظت؟
هل اخو ساكي بوظ العربية ولا كان بيجاريها؟
هل انا هاتنيل اصحي بعد كل اصوات الفرملة والإسعاف؟
أسئلة مهمة.. هل عندك إجابة؟
2ehh ba2aaaa :D
ReplyDelete2ehhhhh ....
spacetoon???
طيب انت ليه مخلتش ساكي تعترف لسعد وهو بينقذها فتصعب عليه(لانه مرهف المشاعر) ويزورها في المستشفى وشوية شوية يحبها ويتجوزها وبكده كل واحد يبقى سعيد ...بس عشان انت شرير وسايب كل واحد لمصيرة المحتوم بينما انت نايم ولا هامك...فسعد راح العربية فعلا ولسه هيدورها لقى نفسه دايخ واعصابه مشدودة بعد المنظر اللي شافه فطلع البيت وخد مهدئ ونام..وانت صحيت بعد ساعة لقيته نايم فقررت تخرج... وانت على الباب افتكرت ان عربيتك مش فيها بنزين فخدت عربية صاحبك وانطلقت ...يا ترى هيحصلك ايه؟؟؟ :))
ReplyDeleteا"واني انا اللي نايم فوق السبب في انها عملت كده !!ا""مش مدرك ان اللي انقذها هي اللي هتقتلوا بعد شوية"ا......أقرب الى شعر العاميةالحديث فى الحبكه الدرامية و لها مصداقية الخيال الواقعى!!أو الواقع الخيالى!! و فى نفس الوقت تحس انك بتستخدم كناية عن حاجات أخرى...يعنى ساكى ممكن تكون الدنيا و ناسها اللى بيبانوا خير و يطلعوا غير كده..و سعد قوى الخير اللى بتنقذنا..و الشخص اللى بتكلمه صديقك الخيالى أو ضميرك الحى أو الناس الكتير اللى الواحد بيكلمهم فى دماغه اللى هما بيكونوا احنا نفسنا بس نسخ تانيه مننا!!!فاهم حاجة..الفرامل هى القدر..الاسعاف..صوت الضمير فى دقايق الخطرة!!....حلم او علم او كابوس..حقيقة أم وهم..هل تقدر تضمن ان اللحظة اللى بين ايدينا مش وهم الواقع و مش واقع الوهم!!!...و فيها كذا قصة فى شكل قصة واحدة...انها لساكى و التنين فعلا!!ا...
ReplyDeleteGO ON DEAR FRIEND....:-)
هههههههههه
ReplyDeleteتغريده البجعه لطيفه برضو
و ماذا حدث لساكي ؟؟؟
هههههههههههههههههههه
تخيل قعدت افكر شويه كتير
ياتري انت دورت عليها ولاقيتها
و الا لاقيتها فبعد كده كتيبت الموضوع
الا هو المستشفي مالهاش رقم مختصر ؟
و بعد عدة عمليات جراحية و صراع طويل مع المرض ولا لاء دى كانت حادثة مش عيانة .. ما علينا
ReplyDeleteافاقت ساكى من غيبوبة طويلة و اعترفت بكل شىء لسعد الذى سامحها فورا عشان قلبه طيب !! :D
و لكن ماذا سيحدث هل سيكتشفوا سر عزو .. هل سيسامحونه .. هل سيعود الى ارض الوطن
LoooooooooL I like it I like it I likeeeeeee it !! :D
Eh ya EzZo aflam el cartoons de!!
ReplyDeleteBs fe3lan gamda a5er 7aga .. o Saad tab3an al shahama sheyamo :D
Estefsar: saki o 3refnaha ... el teneen ba2a meen!! walla inta sayebha open ended o kul wa7ed ye5tar el nehaya elli yat5yalha!!?
ezz ,, 2ih 2l d7k da ! bgad nice work! mas5ara :D:D 2stamer ya fatta :D wa 3ala fekra dyman 2l 2nsan mabyb2ash dary hwa 3amel 2ih fl nas , we are just cared about what have been done to us :) bs 2a7yek 3ala 25tyarek l 2sm saky ns meen b2a 2l tennin :D:D:D:D:
ReplyDelete