Monday, January 25, 2010

مفيش صبر

صباح الخير

قريت عند "منة" بوست جميل اسمه "حرموني" في مدونتها (منونيات) اللي فاجأتني إني كنت من الناس اللي شجعوها إنها تكتب واتفاجأت كمان إنها قريت تقريبا معظم أو أخر تدويناتي.. طبعاً مش هاقول كانت كاتبه إيه لأن ممكن تشرفوها بزيارتكم، أنا متفق معاها جداً وهانقل الرد اللي كتبته لها هناك.










_____

اوك

صباح الخير أولا

---

طبعا ده كلام مهم جداً، بس المشكلة إن الدنيا زحمة جداً، والناس مفيش حد فيهم بيحاول يفهم أو يدرك إن لو فيه حد معاه حاجه.. فهي من تعبه ومن اجتهاده وحاول فيها كتير جدا لحد ما وصلها، ولو فيه حاجة مش مع حد، ده مش معناه انه ماجتهدش أو انه مايستحقش ده أو انه ملعون وان ربنا غضبان عليه، سواء كده أو كده كله نصيب واجتهاد وطرق وسبل إحنا ماشيين فيها.

---

كنت لسه بأتكلم مع والدي إن كل حاجة خير لينا، بس إحنا مش مدركين إن فيه خطوات، فيه خطوات عشان الواحد يوصل لحاجة كبيرة، حلوة، مهمة، ناجحة، طعمها حلو او مر، فيه خطوات كل واحدة بتوصل للتانية بس إحنا ما بنصبرش.

---

يعني أنا مش هاصحي الصبح ألاقي نفسي عندي فيلا علي الجبل في لوكسمبورج أو أكون تالت اكبر مورد للسمك والجمبري في ليبيا أو حتى أكون صاحب أسطول بواخر من اللي بتغرق الناس وهي رايحة تحج ولا تعمل عمرة، فيه خطوات كل واحد بيمشيها عشان يشوف مصيره و ياخد رزقه بإيده مش بإيد غيره

---

سئل الحسن البصري عن سر زهده في الدنيا فقال أربعة أشياء: علمت أن رزقي لا يأخذه غيري فاطمأن قلبي، وعلمت ان عملي لا يقوم به غيري فانشغلت به وحدي، وعلمت ان الله مطلع علي فاستحيت أن يراني عاصياً، وعلمت ان الموت ينتظرني فأعددت الزاد للقاء ربي

---

والي اللقاء في حلقة قادمة ااااااان شاء الله

تارارا رااااااا تاراراررااااااا راراراراراراراااا

صباح الفل (مبتسم) *

_____

الموسيقي اللي كنت باحاول اكتبها

هي الموسيقي اللي جت في دماغي بعد ما خلصت التعليق

حسيت اني في برنامج العلم والإيمان (مبتسم) *

---

مقدمة برنامج " العلم والإيمان "

للعالم الجليل الراحل مصطفي محمود ، عزف الناي للرائع محمود عفت


4 comments:

  1. LoooooL

    ( دي كانت لازم تبقى بالانجليزي ... و أنت بس اللس هاتفهم انا بضحك ليه )

    طبعاً يا عز في تعليق واقف في زوري .. بس مش هينفع اقوله هنا عشان مفضحش نفسي .. خليه لما أشوفك
    و نتعامل هنا blogger to blogger :P

    انا نتفقة معاك جدا في موضوع الارزاق دة .. و ان احنا فعلا لازم نجتهد و نسعي لها.. و نعمل اللي علينا ... و ان مفيش حاجة بتيجي و بتنزل علينا او تروح مننا دون اسباب .. بس انا حسيت ان في ناس – و انا منهم – مش واخدة بالها ان الدعاء و الشكر على النعم الموجودة من أهم الخطوات اللي الواحد المفروض يعملها و هو بيسعي .. و ان ده فى حد ذاته باب رزق واسع جداً .. و آمن .. ( لئن شكرتم لأزيدنكم)

    PS: me7taga a3raf eh el la7n

    Thanks bgd …:)

    ReplyDelete
  2. HAHAHAHA!

    عجبتي نتعامل
    Blogger to Blogger :P

    اللحن هو اللحن بتاع العلم والإيمان
    اصل انا لاقيت نفسي مندفع وانا باكتب وتقريبا وانا باكتب باكون باتكلم في سري وهو ده اللي جايبلي صداع تقريباً هههه

    بس فلما وصلت للكلام اللي قيل عن الإمام الحسن البصري لاقيت التوون علي (بكسر العين) ولاقيت نفسي خلصت.. ف لاقيت نفسي باقول.. والي اللقاء في الحلقة القادمة ان شاااااء الله زي ما كتبت كده.. بس وبينزل التيتر بتاع العلم والإيمان

    :)

    انا بدأت اجوع !!
    كان لازم تقولي علي حكاية الأكل
    الساعة 12 الظهر دي

    ReplyDelete
  3. قلتلك كل ساعتين ... مصدقتنيش!!!

    الصبـــــــررر يا عز :)

    انا غسلت العلم ... لاني الماتش اللي اشتريت فيه العلم خسرنا .. فقلت اغسله المرة دي .. اما نشوف... ربنا يسترررر

    ReplyDelete
  4. والله انا قولت اللي عندي امبارح
    الماتش خلص ولا قدر الله خسرنا
    هاطلع الموبايل................

    وانت عارفة الباقي بقي :D

    ReplyDelete