Friday, November 06, 2009

شئ غلط

سألتني غادة ..

إنت عامل إيه؟ وأخبار الدنيا إيه معاك؟

رديت عليها بعد 8 أيام ماعرفش ليه

اخبار الدنيا ايه معايا؟

الحمد لله.. ماشي الحال

.

لسه باتفهم غلط وباحاول أصلح الفهم الغلط

بس للأسف الشديد طريقتي واضح إنها غلط

ف بارجع وأتفهم تاني غلط

ولما ده بيحصل بازعل بشكل غلط

ف بيزود من الطين بلله والحكاية بتبوظ بشكل غلط

والناس بينسوا إنهم هم اللي في الأول فهموني غلط

وأنا بس كنت باحاول أصلح الغلط

لكن يمكن طريقتي كانت غلط

بعد فترة.. حتي تصليح الغلط بيبقي شئ غلط

.

أشوفك في عيد ميلادي

سلام

No comments:

Post a Comment