شئ غلط

سألتني غادة ..

إنت عامل إيه؟ وأخبار الدنيا إيه معاك؟

رديت عليها بعد 8 أيام ماعرفش ليه

اخبار الدنيا ايه معايا؟

الحمد لله.. ماشي الحال

.

لسه باتفهم غلط وباحاول أصلح الفهم الغلط

بس للأسف الشديد طريقتي واضح إنها غلط

ف بارجع وأتفهم تاني غلط

ولما ده بيحصل بازعل بشكل غلط

ف بيزود من الطين بلله والحكاية بتبوظ بشكل غلط

والناس بينسوا إنهم هم اللي في الأول فهموني غلط

وأنا بس كنت باحاول أصلح الغلط

لكن يمكن طريقتي كانت غلط

بعد فترة.. حتي تصليح الغلط بيبقي شئ غلط

.

أشوفك في عيد ميلادي

سلام

أيام المغرب

صباح الخير

ده فيديو لمجموعة من الصور اللي صورتها وأنا في المغرب

من أجمل المرات اللي سافرت فيها بره مصر

المغرب من أجمل البلاد العربية اللي ممكن تشوف فيها جمال الطبيعة

اللي أجمل من الطبيعة في المغرب.. هي طبيعة أهل المغرب

ناس طيبة ومن أجمل ما يكون.. او علي الأقل اللي قابلتهم كانوا كده

زرت الدار البيضاء، أصيلة، طنجه وأخيراً الرباط

دي مجموعة من أصل 150 صورة صورتها في المغرب

.