وداني انسدت

مساء الخير.

الليلة كانت جميلة.. اليوم كله كان ايجابي الحمد لله

لكن الأفكار دي وتجميعها مع بعض خلاني اكتب.. قبل ما أنام

.

نبدأ الحكاية من الأول..

بعد ما حضرت حفلة موسيقية لنتاج ورشة "ريميكس آسيا"..

في مسرح الجنينة بحديقة الأزهر.. الحفل كان بيحييه

الفنان اللبناني شربل روحانا.. والموسيقي الأذربيجاني عليم قاسيموف

بمصاحبة 14 موسيقي من كل الشام وشرق آسيا ومصر

الحفل كان من أمتع ما سمعته من موسيقي في حياتي

الموسيقيين العرب والآسيويين كانوا متألقين ومتناغمين جداً

وأكنهم يعرفوا بعض من اكتر من سنة..

وهما في الحقيقة لسا عازفين مع بعض موسيقي من 5 أيام

هاني بدير كان متألق كعادته دائماً علي الإيقاع ..

وباقي اسماء العازفين.. هاحاول اعرفهم .. لأنهم مبدعين

شربل روحانا طبعاً غني عن التعريف.. كان ممتع أداءه

ولو اني تمنيت ان الحفلة كانت تبقي ليه هو بس.. كانت هتبقي احلي!

لكن في آخر الحفل.. أمتعني بجد عليم قاسموف.. من أذربيجان

هو وفرقته الموسيقية المبدعة.. الراجل ده انا هادور علي التراكات بتاعته

وهاتكلم عنه تاني أكيد.. لأنه مع اني مكنتش فاهم ولا كلمة من كلامه!

لكن الموسيقي.. الموسيقي.. الموسيقي.. والإحساس!

قبل الحفلة بدقايق قمت بعمل تغطية إذاعية للحفل.. بسيطة جداً

لكني كنت مبسوط لأنها لإذاعة الشمس بفلسطين

ولأنها في برنامج صديقتي العزيزة رشا حلوة " ع البال "..

.

كان معايا في الوقت ده "ندي" صديقتي و "أشرف" مدير المسرح

أشرف كان بيسمعني وأنا باتكلم وهو مركز مع ألف حاجة تانية

بس كان مستني اني اقوله.. أتفضل انت ع الهوا

ندي كانت بتبص لي وبتراقب ايه اللي باقوله واللي بيحصل

هي يمكن كانت معتقدة اني عرقت زي ما قولتلها عشان مبقاش فيه لياقة

المعلومة يمكن صحيحة.. لكن السبب الرئيسي إني كنت متوتر

.

كان واحشني الإحساس ده!

ها تكلم ع الهوا لناس بتسمع بعد بالتمام والكمال 7 شهور

بعد الحلقة رقم 100 من برنامجي .. الويك اند

مع الكاتب الشاب والصحفي الشاطر جدا صديقي هيثم دبور

كانت أخر حلقة كنت فيها علي الهوا في راديو حريتنا دوت نت

كان واحشني التوتر اللي كان بيجيلي وقت الهوا

في الـ 100 حلقة اللي كانوا لمدة تقريباً 250 ساعة إذاعية

كان لازم أتوتر من كتر التركيز !

كان واحشني إحساس إن ودني تنسد من الضغط!

وما اكونش سامع إلا صوتي.. إحساس مش حلو!

لكن لما بيحصل بتأكد إني باتكلم كويس جدا.. غريبة مش كده؟

.

المهم إني استمتعت بالحفلة وبصحابي اللي شوفتهم هناك

.

~ بترتيب الظهور زي الأفلام ~

.

Staring ..

Nada Rady

with a special appearance for the high heel :p

Ashraf Kenawy … Theater Manager

Hussain Samy … Sound Engineer

Rasha Hilwi … On Phone

Hisham … Studio Man

Yassine Mohamed … Himself

Najy Al Najy … Himself

A.Youssry … Bahz

Maged … Himself

Shereen Nasif … Herself

Hossam Abbas … Himself

Shereen Abdo … Herself

عليم قاسيموف - أذربيجان

نجم الحفل الموسيقي بلا منازع