كنت سمعت عن موضوع منع المصورين الصحفيين من تصوير جلسات مجلس الشعب وقصر التصوير داخل المجلس لكاميرات إتحاد الإذاعة والتليفزيون !!! في برنامج العاشرة مساءاً مش عارف إشمعني يعني كاميرات ماسبيرو .. أعقل من اللي برة يعني ولا رجالتك يا سلطان !! المهم، ما كنتش فاهم الموضوع إيه.. إمبارح صديقي فتحي باعتلي إيميل مكتوب عنوانه مجلس الشعب !! فرحت أوي... لأني كنت حاسس إن هي دي الصور اللي كنت مستنيها " تساااااااااااااااااااااالي يا بيه أيوة الللللللللللللللب .. لا يا إبني مبعرفش أقزقز، شكراً " معلش اعذروني اصلي فعلاً مبعرفش أقزقز لب.. نرجع للموضوع.. لقيت صور تحفة.. علية القوم نايمين !! اللي قرارتنا في إيديهم بيسقطوا !! أنا افتكر اني كنت بانام كده بالشكل ده لما كنت صغير وبينزلوني بالعافية عند الحلاق ... كنت بابقي كاره اوي للموضوع وبأدي اوامر لجسمي ودماغي إنهم يناموا كنت بابقي بالشكل ده ... بس المسألة هنا مختلفة !! في ناس من الناس دي المفروض انها حفيت عشان تدخل المجلس.. فيه ناس دفعت دم قلبها عشان تقعد تحت القبة !! فليه تنام !! يعني أنا عايز اتخيل شكل واحد من الإخوة اللي نايمين فوق دول قدام أهل دايرته !! " بيبس يا بيه... حاجة ساقععععععة .. آه هات ميرندا يا بني " يلا روحوا اتفرجوا علي الصور ..!!
-
-
-
-
-
-
-
-
-
-
-
-
-
-
-
-
-
السلام عليكم
ReplyDeleteبجد أنا مش عارفة أقول أيه؟؟ للاسف أنا بقالى فترة غير قصيرة مش متابعة وسائل الأعلام المختلفة, لكن الصور أستفزتنى بجد, مستفزة لأبعد درجة خصوصا صورة مستر نظيف واللب وباقى أعضاء المقلة!! أيه ده..خلاص كل أماكن ترفيهم وأوقات فراغهم خلصت وزنقت معاهم انهم يقزقزوا جوا المجلس؟؟ سيبك من اللى دافعين دم قلبهم عشان يدخلوا المجلس وبعد كده يناموا, الناس دى المفروض أن مصايرنا فى أيديهم , ده أنا اللى لسة طالبة واعتبر لسة مش ورايا أى مسؤلية مش بفتكر اللب ده غير فى المصايف والأجازات. لم أحس سوى بشئ واحد عند مشاهدتى للصور, حسيت بالأهانة والتفاهة وأد أيه مقام المواطن والبنى أدم فى البلد دى بفى...متدنى لأبعد درجة,ولا هى جت على اللب.. هو فيه أصلا أى مجال فى البلد المواطن له قيمة فيه؟؟ كنا يوما من أعظم الأمم!! يا عم قزقز ماهى حكومتك بتقزقز على الملأ.. وعلى رأى مارى انطوانت: اللى مش لاقى العيش الحاف ..يقزقز لب
I am bitter!!!!!
hehehehehehe
ReplyDeleteفكرتني بأيام الكلية كنا بنبقى كده
بس مش دايما والله :D
وبعدين ياعز المفروض تعرف هما رافضين التصوير ليه الناس عايزة تاخد راحتها شوية تشرب نسكافيه بيبسي و الاستاذ ياكل السندويتشات اللي المدام اديتهاله
لا كمان في صورة بتاعة وزير السكان مش فاكرة اسمه اوي بس كا بياكل تفاح
:D
بس كان شكله يموت من الضحك اوي
والا اللي بياكل لب ده تحفةهو كمان
والله ناس دمهم خفيف
lol
السلام عليكم و رحمة اللة
ReplyDeleteدية اول مرم اشوف فيها المنتدى دة بس بجد ربنا يكرم كل واحد عمل حاجة وقدمها
اما بالنسبة لنوام الشعب انا شوف الحلقة دية وكان الرد عليها مهزلة والرد كان ان النائب بشر ومن حقة يروح عن نفسة وجل من لا يسهوا . والظاهر واللة اعلم ان فى مقلة قريبة من المجلس واللة صلحب المقلة دة بيفكرصح.
اللى اكتر من كدة هوة الصور بتاعت النواب اللى بيتخانئوا جوة المجلس بالشتائم ربنا يرحمنا.
السلام عليكم و رحمة اللة
ReplyDeleteدية أول مرة ادخل فيها المنتدى بس بجد ربنا يكرم كل واحد عمل حاجة وقدمها.
أما بالنسبة لنوام الشعب أنا شوفت الحلقة بناعت العاشرة مساء والظاهر واللة اعلم إن في مقلة قريبة من المجلس واللة صاحب المقلة دة بيفكر صح.
اللي اكتر من كدة هوة الرد علي الصور دة كان مهزلة زى إن النائب بشر ومن حقة يروح عن نفسة وجل من لا يسهوا .
اللي اكتر من كدة هوة الصور اللي أتعرضت بناعت النواب اللي بيتخانئوا جوةؤس المجلس بالشتائم .
ربنا يرحمنا
It's a crisis with whole meaning , unfortunately those "sleepy dwarfs" who are talking for us and solve our problems with the government . Lucky us !!!!! The end of this country is very approaching .
ReplyDeleteيا دي الفضيحة ام جلاجل
ReplyDeleteيادي الجرسة ام حناجل
علي رأي عادل امام
السلام عليكم
ReplyDeleteصديقي العزيز عز :D
انت عارف و كل الناس عرفيين ان الموضوع دة بيحصل من زمان و طول ما في فساد و محسوبية و كلام فارغ من دة كله الناس دي محدش هيحاسبها على اييييي حاجة بتعملهااو حتى مبتعملهاش
البلد كلها اصبحت نايمة مش نوابها بس
مفيش حد بيتكلم مفيش حد يقدر يتكلم ولا يقول رأيه ولا حتى هو حاسس بإيه
المكان تحول غلى قهوة، حتى القهوة معروع شكلها و الغرض منها
هم دول نواب الشعب الموقرين هم دول المسئولين عن "تشريعات و مستقبل" وطن بأكمله
هيفييد بإيه الكلام... و كفاية كدة... و ربنا يرحمنا جميعاً
elmosiba en elmail dah wsl lenas bara
ReplyDeleteshof lama dah yb2a elmgls bet3na
manzrna yb2a 3aml ezay
kan nefsy ab3tlak sora lelbrlman elamricany bas m3lsh blash a7rag b2a
regards