تحديث
فيديو للبنت قطعوا هدومها علي بوابة مقصورة الإستاد
بعد كذا تعليق وطلب من ناس إني أشيل الفيديو ده شيلته
ولو إني مقتنع إن المشكلة كان لازم تتعرض عشان الناس تعرف إن المشكلة موجودة
والبنت وشها مكانش باين بالإضافة إني مأظنش إن فيه حد هيبقي
بالدناءة إنه يبص علي جسم بنت في موقف زي ده
فكرتي من عرض الفيديوهات دي كلها إني أعرف الناس إننا في أزمة أخلاق حقيقية
-
شهادة وائل عباس في قناة المحور
-
فيديو للتحرشات الجنسية بالبنات
في وسط البلد في عيد الأضحي العام الماضي
إلتقطه مصري يعيش في نيويورك كان في زيارة لمصر
المصور إسمه شريف صادق
مش هاقولكم تركزوا مين كان واقف عشان انتوا اكيد هتركزوا !!
-
تغطية أوربت للمهزلة
-
صور جديدة خاصة بالوعي المصري
علا غانم
مصدر الفيديو والصور misrdigital.blogspirit.com
---------------------------------------------------------------------------
التدوينة الأصلية
عايزين تعرفوا ليه المسخرة اللي حصلت في وسط البلد دي حصلت ؟ اتفضلوا دوسوا علي الصورة اللي فوق وانتوا تعرفوا... الهانم " الرقاصة " دينا مع اتنين من أشباه الرجال واللي هايتفرج علي الفيديو هيلاقيها بترقص !! آه رقاصة وبترقص زي العيال كبرت ..!! الأستاذة والعيال اللي كانوا معاها عشان يروجوا للفيلم بتاعهم وقفوا قدام سينما مترو وهاتك يا رقص !! وفي أخر الرقص هتشوفوا أشباه الرجال بيبوسوا الهانم علي خدودها !!! يبقي اللي جريوا ورا البنات في الشارع دول مجريوش من فراغ !! آه طبعا دي قلة أدب مش مبررة بس انا مش بأبرر هنا ولا بأختلق اعذار انا بس بأحاول اقنع نفسي ان مفيش دخان من غير نار..
-
الصور دي فكرتني باللي كان بيحصل في مدرستي الحبيبة " طبري الحجاز " كان فيه مدرسة فرنساوي (1) كانت لما بتمشي المدرسة كلها بتتلوح - بالرغم من انها كانت متحجبة - بس كانت المدرسة كلها معتقداها ملكة جمال راس البر ..!!! وكان فيه مدرسة غلبانة وطيبة (2) اظن كانت بتاعت فلسفة او تربية وطنية حاجة زي كده ، الحصة بتاعت المواد اللي من الشكل ده انتوا عارفين بتبقي عامله ازاي !! حصت المدرسة دي كانت بتبقي كاملة العدد، ليه !!؟ لأن الطلبة المش محترمين (3) كانوا بيطلعوا الكبت اللي شايفينه والإثارة اللي شايفنها من مدرسة الفرنساوي في الغلبانة دي ..!!
هو ده بالظبط اللي حصل في وسط البلد في أول أيام العيد ..!! الهانم ام احمر (1) نزلت ورقصت ولمت عليها العيال (3) اللي اصلاً عندهم حرمان وكبت جنسي وأصلاً مفيش أخلاق ولا دين - الإ من رحم ربي - وإيدتهم شحنة !! يفرغوها فين بقي لما هما أصلاً مشحونين خلقة، فجريوا ورا البنات (2) اللي ملهومش اي ذنب غير انهم بنات !! مهزلة أخلاقية وفساد وعبث منتشر ولسه متوقعين خير، ربنا يستر.
-
مصدر الصور والفيديو filfan.filbalad.com
-
وضع طبيعي جدا تحصل المهزلة اللي حصلت كل "الاتموسفير" بيساعد على كده رقص ,زحمة , عيد ,سينما وسط البلد ,شباب شكلها منحرف اساسا, ده غير الميعاد نفسه بس برده انا رايي البنات هي اللي غلطانة اولا ده مش مكان تخرج فيه مع احترامي لكل اللي كانوا هناك بس لو بتخاف على نفسها واهلها بيخافوا عليها مش حيسبوها تنزل كده ومكان زي ده
ReplyDeleteكمان الوقت كان متأخر فامبنفعش من اساسه
المكان نفسه بقى قصة تانية معروف سينما وسط البلد شكلها ايه في الايام العادية مابالك العيد:d
ده للي حصل... نيجي لكلام استاذ عز
عملت لينكات في الكلام وضحت قد ايه الاولاد في المدرسة اللي كانوا بيعاكسوا مدرسة الفرنساوي طبيعي يكونوا هما الشباب اللي عملوا الفضيحة دي ،هم كده من وهما صغيرين لازم يطلعوا كده طبعا ده نتيجة حاجات كتييييير كبت بقى تفكك اسري اهمال من الاهل حاجات كتير.. ربطت بيها جامد اوي عجبتني الفكرة بجد
زميل طباراوي تصدق يا عز علي الرغم من اني ما عرفتكش كويس بسبب قصر المدة الي اشتغلناها سوي لكن كنت حاسس ان فيك حاجة هما كده ولاد الطبري الدم بيحن رغم ان ايام المدرسة كانت ايام عصيبة كنا بنكافح مش علشان نجيب درجات لكن علشان نحضر اليوم الدراسي بسبب اصرار عدد معين من الطلبة علي ان مفيش حد يحضر علشان عندهم مشغليات الله يكون في العون
ReplyDeleteواحد طبراوي كان بيدور علي حد زيه
alsalamo 3likom
ReplyDeleteplzzzzzzzz sheelo elvideo bta3 elbent bta3t elestadd 3shan 7ram wa 3shan manefde7ehash aktr men keda wa 3shan 7ram asln e7na neshofeha belmanzar da.
law sam7tooo sheloooh
السلام عليكم ورحمة الله وبركاته
ReplyDeleteأخي عز ، أقرأ مدونتك منذ فترة طويلة وأنا معجب بها حقاً، ولي عندك رجاء وأنا أعلم أنك ستجيبه ليقيني باحترامك لدينك ، أرجو رفع الوصلة الخاصة بمدونة الوعي المصري من قائمة الوصلات بمدونتك ، والسبب أن صاحب هذه المدونة يدعم حملة لتحرير شخص يدعى كريم عامر والذي اعتقلته الشرطة المصرية ، لماذا؟ لا لشيء الا أنه يهين الاسلام والأزهر وكل رمز ديني يمت للإسلام ، هذه بعض من كلماته على مدونته الخاصة
"ويبدو أيضا أن " بركات " الأزهر بحق طلابه لا تقتصر على حرمانهم من إستكمال دراستهم بعيدا عنه ، فما حدث وما سيحدث معى فى الأيام القادمة يثبت لى بصورة جدية أن هذه " البركات " الأزهرية لا تترك الطالب الذى يحاول التمرد على الجامعة ويحاول رفض ما يجبر على دراسته فيها من أشياء تتنافى مع المنطق وتحرض على العنف ضد المختلفين فى العقيدة إلا إلى عند ولوجه عتبات القبر - كما كان سيحدث معى من قبل طلاب كلية الشريعة والقانون الأشاوس الذين كادوا يردوننى قتيلا بأسلحتهم البيضاء غيرة على دين الله كما برر لى ذالك فى وقت لاحق أحد طلاب الدراسات العليا بها فى شهر مايو الماضى أمام الكلية لولا أن القدر الذى لا أؤمن به قد كتب لى عمرا جديدا وتمكنت من الفرار من بين أيديهم - ، أو إجتيازه لبوابات السجن ، ويبدو أن هذا هو ما سأواجهه فى الأيام المقبلة وإن كنت لا أحب إستباق الأحداث والرجم بالغيب ولكنى أتوقع دائما كل ماهو سىء حتى لا تصدمنى الحقيقة مرة واحدة ."
واليك الرابطة الخاصة بمدونته كذلك
http://karam903.blogspot.com/
لتتحقق بنفسك مما أقول ، ولترى كذلك دعم هذا الشخص أو دعوته لحملة لدعم الدنمارك وأقول دعمها في موقفها من الرسوم المسيئة للرسول عليه الصلاة والسلام ، قد يرتد هذا الشخص عن الاسلام وهذه حريته الشخصية فلا إكراه في الدين ، ولكن أن يتهجم على الدين ويسخر من الله ومن رسوله ومن الدين الاسلامي فهذا لن يوقعنا في فخ دعوة حرية الفكر