ليه عز بيدون !؟

مش عارف ليه بدأت.. هي جت بعد ما عرفت عن حاجة إسمها بلوجز أصلاً الحكاية كلها كانت من أصدقائي يسرا ومدونتها - زينب والشاي باللبن - ومحمود ومدونته - مصر اللي أحبها - بصراحة حسيت إني ياااااااه كان لازم أدون من زمان كان لازم أتكلم من زمان.. أنا بأكتب بس مكنتش بأنشر اللي بأكتبه، حسيت إني لازم اتكلم عشان مافرقعش، قلت لمحمود ساعتها إستني البلوج بتاعتي قريب !! وشوف بقي عز لما يبلوج... صباح الغرور يعني

المهم.. سيبكم من الكلام ده.. عجبني وأنا باتمشي في الشارع التدويني شوية الأسئلة دي وقلت اكتبهالكم و بالمرة أشوف أنا ليه بأدون ..!!

هل أنت راض عن مدونتك شكلاً وموضوعاً ؟
زي الفل وتمانتاشر ده بيتي يا جدعان وانا بيتي مش اي بيت يعني !!

هل تعلم أسرتك الصغيرة بأمر مدونتك ؟
في الأول كانوا خايفين يقولولي "والنبي يا شيخ إتلم !!" انا عاذيرهم الجزيرة كانت لسه ذايعة فيلم المدونون.. بس خلاص واحدة واحدة بقوا يقروا كمان انا باكتب ايه، والواد أخويا الصغير كان عايز يعمل مدونة قلتله إيه رأيك تعملك حاجة كده علي قدك وفعلاً عمل مدونة وسماها "حاجة علي قدي"

-

هل تجد حرجاً فى أن تُخبر صديقاً عن مدونتك؟ هل تعتبرها أمرا خاصا بك ؟
حرج إيه !! لأ مش بتاع الحاجات دي خااااالص، الوالد ربنا يكرمه ويشفيهولنا قالي " ما تعملش حاجة بتنكسف منها ومتنكسفش من حاجة بتعملها "

هل تسببت المدونات بتغيير إيجابى لأفكارك ؟ اعطنى مثال فى حالة الإجابة نعم
والله ما أظنش لأني مش بأغير فكري مع الرايجة يعني.. الحكاية كلها إني حسيت بإني بأحب الناس أكتر من ما كنت متخيلني يعني... حد فاهم حاجة !؟

هل تكتفى بفتح صفحات من يعقبون بردود فى مدونتك أم تسعى لاكتشاف المزيد ؟
لأ يا دوب بأشوف هما كاتبين إيه يمكن يكون عندي رد... أصل هأكتشف المزيد إزاي يعني هأمشي وراهم مخبرين

ماذا يعنى لك عداد الزوار.. هل تهتم بوضعه فى مدونتك ؟
علمته بعد شهر من إفتتاحي للبيت، حبيت أعرف مين بيدخل البيت وأنا غايب... حمش مش كده !! أيوة أكيد يهمني وبأتابعه حتي تلاقوني حاطط ترحيب بزوار البيت اللي داخلوا من البلاد المحطوطة دي

هل حاولت تخيل شكل اصدقائك المدونين؟ اعترف
والله ما حاولتش فعلاً أنا بأتخيلهم وهما بيكتبوا بس.. ده آخري من كلامهم بأعرف هما شخصيتهم إيه وكده كفاية حتي إشعار آخر

هل ترى فائدة حقيقية للتدوين ؟
اكيد والا مكنتش انا ابقي المدون رقم 28.817.595 أكيد الناس دي كلها مش بتهفلط ..!! وحتي لو انا حاسس انها مفيدة

هل تشعر أن مجتمع المدونين مجتمع منفصل عن العالم المحيط بك أم متفاعل مع احداثه ؟
منفصل !! إزاي يعني

هل يزعجك وجود نقد بمدونتك ؟ أم تشعر انه ظاهرة صحية ؟
أبداً أنا اصلا بانشر التعليقات اينً كانت

هل تخاف من بعض المدونات السياسية وتتحاشاها ؟ هل صدمك اعتقال بعض المدونين ؟
- صدمني إعتقالهم ؟ لأ.. لأنه كان متوقع أكيد حاجة جديدة ولازم الأمن يعرف مين دول

- زعلت عليهم ؟ أكيد يعني انا عندي دم

- أتحاشهم !!؟ دانا اول عنوان بيت حطه هو الوعي المصري... عيب عليك يا أفندي

هل فكرت فى مصير مدونتك حال وفاتك ؟
الحقيقة أنا مظبط نفسي ومعرف ناس يعملوا إيه لما أموت.. بس عاماً إنتوا هتعرفوا لما أنا أموت إني مت !!

تحب تسمع أغنية إيه- بلاش صيغة آمال فهمى دى - ما الاغنية التى تحب وضع اللينك الخاص بها فى مدونتك ؟
انا مابسمعش أغاني مفيش وقت الصراحة... بس عامة اي حاجة لفيروز زي الفل

اكتب اسماء خمسة مدونين ليقوموا بهذا الاسقصاء بعدك
زينب والشاي باللبن

مع نفسي

بهيـــة

كفاية كده شكرا لحسن إستماعكم ونلتقي بعد الفاصل

-

حملة التضامن مع لبنان

علي الرغم من إنتهاء الحرب مؤقتاً - والله أعلم - لكن مازالت اعمال الإغاثة وإعادة الإعمار تمثل تحدي كبير ويحتاج للتكاتف من كافة طوائف واشكال المجتمع المدني والأفراد وإليكم بعض المعلومات اللي ممكن تخليكم تقتنعوا بفكرة التضامن وجديتها.

أين ستذهب الأموال ؟

أولا : شراء آلاف المراتب للاجئين المتواجدين في مراكز الإيواء منذ بداية القصف ، خاصة وأن بعض التجار رفعوا أسعار المراتب بشكل مبالغ فيه لجنى مزيد من الأموال ، إذ بلغ سعر المرتبة الصغيرة نحو 12 دولارا أمريكيا. ستوجه الأموال أيضا لتوفير مواد إعانة تصرف للعائلات المشردة يوميا ، وتتمثل هذه المواد في غذاء معلب وخبز ولبن للأطفال الرضع ومواد نظافة ، ويتراوح ثمن الحقيبة الواحدة من 10 إلى 15 دولارا. وستساعد تلك الأموال أيضا على طهو وجبات كاملة لقاطني المدارس العامة وهي الطريقة التي توفر كثير من الأموال وتتكلف نحو 700 دولار أسبوعيا.

ثانيا : بناء وحدة صحية تهتم بتوفير أطقم طبية تحتوي على مواد علاجية لكل عائلة ، ويتكلف الطقم الواحد عشرة دولارات أمريكية.

فائدة التبرع للمنظمات الصغيرة غير الحكومية

إن المنظمات الكبيرة والاتحادات الدولية والحكومية مثل الصليب الأحمر ، المجلس الأعلى للإغاثة ، اليونيسيف ، أطباء بلا حدود.. إلخ تعمل فقط في نطاق مراكز الإيواء العامة المعدة لاستقبال عددا كبيرا من العائلات المشردة ، كما تتلقى هذه المنظمات أموال التبرعات من جميع أنحاء العالم. ولكن بيروت تعاني من مشكلة أخرى ، وهي وجود عائلات كثيرة متناثرة في أنحاء متفرقة من العاصمة بعدما باتت المدارس العامة مكتظة باللاجئين ولم تعد تتحمل استقبال المزيد. هذه العائلات تلجأ إلى الاحتماء تحت أي سقف سواء في الجراجات ، قاعات السينما القديمة ، المستودعات والمخازن الخالية ، شقق سكنية مهجورة في بنايات قديمة وأماكن أخرى على نفس الشاكلة.

وتمثل هذه العائلات نسبة كبيرة لا نستطيع إحصاءها بشكل دقيق من المشردين ولا يبلغهم أي من مساعدات المنظمات الكبيرة التي لا تستطيع الوصول إليهم ، وهنا يأتي دور منظمات المجتمع المدني التي تعمل كل منها في حي أو بضعة أحياء معينة.

إنقذوا لبنان

وماذا بعد

هذه الكلمات من مدونة أخي هشام من لبنان في مدونته خربشة ..

-

-

وماذا بعد...
وقد سكتت مدافعهم
وتحطمت أحلامهم
وتناثرت قطعاً على أرض الجنوب
وعلى الدروب
تلوح قوافل العائدين
لهفةٌ...وحنين
وخوفٌ في عيونهم
مما يخبئه الركام
على أحبتهم
بيتٍ...وشيءٍ من الأحلام
هنا كانوا...
أحلامهم...والذكريات
أصواتهم...والضحكات
صورهم...ودفاتر الأشعار
تحكي قصصهم...والأسرار
ينادونهم...
ويجيب غيابهم
ووحشة المكان
وما قد كان

-

وماذا بعد...
الآن أبكيكم...
وطناً...أعرفه فيكم
بلا أسماء...أناديكم
واحداً واحداً أرثيكم
فهل تسمعون؟
غنائي لكم...هل تسمحون؟
وتسامحون؟
أفٍّ لك يا منون
هيهات يعودوا هيهات
والآهة تتبعها آهات...

-

وماذا بعد...
في فوضى الركام
وما فعلت بنا الأيام
قم وانفض غبارك يا وطن
يا وجعي...وفن
جميلاً ستبقى
... رغم المحن
ونحن سنبقى
"كلنا للوطن"
وأما أنتِ
لكِ سأبعث وردتي
والأمل
بأيامٍ أحلى...وأجمل!

-

مبروك يا مقاومة

-

-

مبروك النصر يا مقاومة
لقد خرجنا من المعركة مرفوعي الرأس والبتاع ده هو المهزوم

-

عزيزي العدو.. بصَبح عليك

الأصل في البوست دي إني صاحي بدري ما شاء الله أهو عشان أروح الشغل ولاقيت الصور دي علي الميل بتاعي، إفتكرت صوت مذيعة الشرق الأوسط إيناس جوهر اللي ياما صحيت علي صوتها عشان أروح المدرسة، كانت بتديني أمل إن اليوم هيبقي حلو لما بأسمعها وهي بتقول في سعادة .. "عزيزي المستمع، بصبح عليك" قلت بس !! أصبح عليهم واضحك شوية من نفسي أرفع من روحي المعنوية شوية.

الصور دي من اللي انا شايفه مكاسب الحرب اللي جارية دلوقتي بين حزب الله والبتاع ده... بغض النظر عن أي حاجة تانية وببساطة شديدة، دي أول مرة نكسر لوح إزاز في الأرض اللي محتلاها إسرائيل، كل الحروب اللي فاتت بين العرب والبتاع ده كانت في الصحرا يا إما في أرضنا إحنا... لكن دي أول مرة فعلاً نوصل لبيوتهم نرهبهم زي ما هما بيرهبونا في كل طلعة شمس.. أهو مرة من نفسنا بقي نرد قلم من اقلام السنيين اللي فاتوا.!! نخليهم مرة يشموا ريحة الخنادق.

-

ساعدونا... نساعدهم

أصدقائي الأعزاء،

قد أعطت السفارة اللبنانية لنا 5000 تي شيرت مطبوع من تي شيرتات "أوقفوا الحرب الآن" والمخصصة أرباحها لإغائة الشعب اللبناني، ولكن المفاجأة أن السفارة أخدت التصميمات وطبعت التي شيرتات مجاناً للبيع بسعر 30 جنيه للتي شيرت..!! مما يعني أن أرباح التي شيرتات كلها ستذهب للبنان وليس فقط الـ 2.5 دولار... ولكن هذا أيضاً تحدي لأن عدد الخمسة الآلاف تي شيرت ليس بالعدد الهين ولا يمكن بيعه فقط عن طريق المعارف والأصدقاء نحتاج مساعدتكم... نحتاج ان نبيع في كل القطاعات، كل التجمعات، كل الشركات والأماكن التي من الممكن ان تبيع هذه التي شيرتات، فقط إتصل بـ نيرمين عبد المنعم علي 0106693305 للتنسيق والتوزيع، وجزاكم الله كل الخير وتقبل منا ومنكم صالح الأعمال

Dear Friends,
The Lebanese Embassy had given us 5000 T shirts for Free of The STOP This WAR (We gave them the design and they did the print) which means that all the 30 L.E. will now go to Lebanon (not only the 2.5 $ Profit !!!) However, it is definitely a challenge!!! WE NEED YOUR HELP

As you understand 5000 is not a number you can sell through the network of friends and relative, We can sell in ALL parties, sell in syndicates, sell to companies, sell in stores, etc...Just arrange for dates...and we will be there For distribution and appointments, please call Nermeen E. Abdel Moneam (002) 010-6693305

-

إتكلم براحتك

إزاي تقول رأيك في بيت العز ؟

-

(1)

تدخل بقلب جامد لو عجبتك مقالة وتدوس علي كلمة comments

(2)

تكتب اللي إنت عايزه كله من حقه يقول اللي هو عايزه ده رأيه

(3)

إذا كنت مدون وقاعد علي الكمبيوتر بتاعك، إنت أكيد عارف هتعمل إيه... أتكل علي الله

(4)

إذا كنت مش مدون بس عايز تسيب إسمك دوس هنا

(5)

إذا كنت عايز تسيب تعليق بتوقيع مجهول دوس هنا

(6)

سيبكوا منها ملكوش دعوة بيها أصلاً

(7)

خلاص كتبت تعليقك وكل اللي انت عايز تكتبه، دوس هنا عشان يتبعت التعليق للمحرر

(8)

لو موسوس وعايز تشوف شكل تعليقك الأول دوس هنا

-

عشان تتابعوا تعليقاتكم بعد كده برضه

دوسوا علي نفس الكلمة الأولي comments هتدخلكوا علي التعليقات كلها

شكراً

-