Thursday, October 20, 2011

شعب طفرات



من زمان و رأيي متأكد منه، ان المصريين شعب طفرات وأعمال تعجيزية لدرجة اننا أنفسنا نعجز عن تكرارها مرة أخرى، أو حتى صونها. بناءنا للأهرامات، كان طفرة في حياتنا وحياة البشرية، حفرنا لقناة السويس كان مبهر في وقته بل كاد أن يكون إعجاز، إنتصارنا على إسرائيل وامريكا في حرب واحدة سنة 1973، حتى إنتصارتنا الرياضية من أول كرم جابر لحد منتخب الكرة، مروراً بكرة اليد ومحمد رشوان. إزاي مستغربين قيامنا بعد سنين من السلبية والجهل والتخلف السياسي والإجتماعي بثورة عظيمة اسقطت ديكتاتور، أن تضيع منا وإحنا نايمين في العسل.. تذكروا، بسلبيتكم ستقضون على آخر أمالنا وقد تكون آمال ابناءكم.. ربنا يرحمنا.

Wednesday, September 14, 2011

المثابرة كنز لا يقدر بثمن

صفحة جديدة 1

يقول أينشتاين: ”ليست الفكرة في أني فائق الذكاء، بل كل ما في الأمر أني أقضي وقتاً أطول في حل المشاكل”.. فيعتبر أينشتاين أن العبقرية عبارة عن 1٪ موهبة و 99٪ عمل واجتهاد. فلا يوجد عباقرة بالفطرة بل يوجد مجتهدون يسعون لتحقيق ما يؤمنون به أنفسهم ولمن حولهم، ولا يفشل حقاً إلا أولئك الذين يكفون عن المحاولة! وتذكر أنك إن أردت أن تبحث عن الفرص فابحث عنها وسط الصعوبات!

Saturday, September 03, 2011

Gandhi’s top 10

I came across a blog that listed Gandhi’s Top 10 Fundamentals for Changing the World.


1. Change
“You must be the change you want to see in the world.”
“As human beings, our greatness lies not so much in being able to remake the world – that is the myth of the atomic age – as in being able to remake ourselves.”


2. Control.
“Nobody can hurt me without my permission.”


3. Forgiveness
“The weak can never forgive. Forgiveness is the attribute of the strong.”
“An eye for eye only ends up making the whole world blind.”


4. Action.
“An ounce of practice is worth more than tons of preaching.”


5. The present moment.
“I do not want to foresee the future. I am concerned with taking care of the present. God has given me no control over the moment following.”


6. Everyone is human.
“I claim to be a simple individual liable to err like any other fellow mortal. I own, however, that I have humility enough to confess my errors and to retrace my steps.”
“It is unwise to be too sure of one’s own wisdom. It is healthy to be reminded that the strongest might weaken and the wisest might err.”


7. Persist.
“First they ignore you, then they laugh at you, then they fight you, then you win.”


8. Goodness.
“I look only to the good qualities of men. Not being faultless myself, I won’t presume to probe into the faults of others.”
“I suppose leadership at one time meant muscles; but today it means getting along with people.”


9. Truth
“Happiness is when what you think, what you say, and what you do are in harmony.”
“Always aim at complete harmony of thought and word and deed. Always aim at purifying your thoughts and everything will be well.”


10. Development.
“Constant development is the law of life, and a man who always tries to maintain his dogmas in order to appear consistent drives himself into a false position.”

Monday, May 02, 2011

لو أملك

لو أملك الوقت.. كنت ساعدت كل واحد بيحب التصوير انه يتعلم كل شئ أعرفه. كنت نزلت مع كل واحد محتاج شوية مساعدة في حاجه بسيطة عشان يعمل شغل أعلى. كنت ساعدت أي حد عايز يعمل "بورتفوليو" لشغله، إنه يعمل حاجه أحسن من اللي أنا عاملها. لو أملك أموال مش محتاجها.. كنت اشتريت كاميرا زي اللي معايا دلوقتي لكل واحد حسيت في تصويره شئ مميز. دي أفكار جت في دماغي دلوقتي قولت اكتبها، يمكن ربنا يقدرني عليها، او يجازيني خير بيها.

Sunday, April 24, 2011

محاولاته الأولى

ثم ظل يركض دون أن ينظر وراءه للحظة، كان يخشى إن التقط أنفاسه أن يداهمه الوقت، فهو يعرف تمام المعرفة بأن الوقت لن يمهله. يظل يركض. يبتسم وهو يتذكر محاولاته الأولى، فجأة يتوقف. يسنده ساعديه من كثرة الضحك على الأرض أن يقع.. يحمد الله على نعمَتها.

العبقري والعادي


دكتور مصطفى محمود وشرح رائع وبسيط عن الفرق بين العبقرى والأنسان العادى

Thursday, April 21, 2011

يوماً من الأيام

ثم قرر أن يأخذ ذكرياته في هذا الصباح ويذهب بعيداً، في رحلة إلي رجل عجوز طالما كان ينصحه، عله يكمل ما نوى. في منتصف الطريق توقف. أدرك انه لا يحتاج إلي حكمته ولا إلي ذكرياته، تخلص منهما. تذكر أن متعته الحقيقية تكمن هناك، حيث لا يحتاج إلي دليل ولا كشاف، لا يحتاج سوى أن يظل مدركاً أنه لم ينسى في يوماً من الأيام.

رسالته الأخيرة


ثم كان غروب شمس يومه التاسع. ما يزال لديه من القوة ليكتب رسالته، قد تكون هذه الشمس هي الأخيرة، اتكأ علي ساعده الأيمن، فدائماً ما كان يعتمد على اليسرى. أخذ يتذكر محاربيه وهم يعدوه بالمضي إلى حيث ينتهي شعاع الشمس. يرتجف قلمه ويبتسم.. فكتابته لأولِ سطر، ضم اسمها.

Monday, April 18, 2011

مازال قلبه

ثم خرج يجوب الأرض مخاطباً في الناس، حاشداً جموع محاربيه، محمساً لهم أن يمتطوا أعظم ما يمتلكوا من الخيل. خطب فيهم بما أدمعَهم من الفرح. أقنعهم حتى أصبحت ثقته في الله مرسومة على وجهه، أصبح الأمل من دلالات مروره بمكان. ولكن قلبه مازال بالخوف ينبض ليلاً، حين يستريح محاربيه من التأهب، لا يستطيع هو النوم. * يتبع

Saturday, April 09, 2011

في أمل


في أمل.. إيه في أمل أوقات بيطلع من ملل
و أوقات بيرجع من شي حنين لحظة تَ يخفّف زعل
و بيذكّرني فيك لون شبابيك بس ما بينسّيني شو حصل

Tuesday, March 22, 2011

من أجل بورصة مصر



ببساطة شديدة اللي مطلوب من اي مصري حاسس ان حماية اقتصاد البلد دي يبدأ منه هو، حتى لو كان مواطن مش رجل اعمال ومعندوش استثمارات جبارة، حتى لو كان واحد زي وزيك اللي بتقرا السطور دي، لو معاك 100 جنيه مستغني عنها مش عايز تجيب بيها كارت للموبايل بتاعك، لو معاك 100 جنيه م عايز تدخل بيها سينما انت وصاحبتك او اخوك، لو معاك وعايز مصلحة البلد دي ممكن تكمل الكام سطر اللي جايين وتشوف هتقدر تعمل ايه.. لو هتحسب حساباتك ولسه عايز تعرف البلد غالية عليك او لأ، مفيش مشكلة كامل الإحترام لك بس متضيعش وقتك في القراءة.

صندوق الاستثمار هو محفظة استثمارية كبيرة تتكون من مجموعة مختلفة من الأوراق المالية، تدار هذه المحفظة بواسطة مديرين محترفين لديهم القدرة والإمكانيات اللازمة لإدارة هذه الاستثمارات. كل مستثمر (اللي هو انت وانا في الحالة دي) في صندوق الاستثمار يمتلك نصيبا في هذا الصندوق يطلق عليه وثيقة استثمار، وكل وثيقة تمثل نسبة ملكية في الأوراق المالية التي تكون محفظة الصندوق. وتكون وظيفة مديرو الاستثمار هي انتقاء هذه الأوراق المالية لتكوين المحفظة التي تحقق أهداف الصندوق الاستثمارية.

الاستثمار من خلال صناديق الاستثمار يمكن المستثمرين الأفراد من توجيه مدخراتهم إلي الاستثمار في الأوراق المالية بطريقة أقل خطورة وبصورة غير مباشر بدلا من الاستثمار المباشر في الأوراق المالية.

عشان الكلام ميلغبطكش بدل ما تشتري انت مجموعة من الأسهم وتعمل صندوقك الإستثماري بمعرفتك اللي مش هتكون كتيرة في حالة لو كنت راجل غلبان زي حالاتي.. تتميز صناديق الاستثمار بتوافر الإدارة المحترفة، تنويع الاستثمارات، تخفيض المخاطر، تنوع الأهداف الاستثمارية بما يتناسب مع طبيعة كل مستثمر بالإضافة إلى سهولة الاسترداد للأموال المستثمرة

مصر محتاجاك في ايه؟

يمكنكم الدعم بالسؤال عن صناديق دعم البورصة واصطحاب صورة من البطاقة الشخصية ببساطة شديدة، من الصناديق المفضلة صندوق رقم 5 فى البنك الأهلى الذى يمكنكم فيه دفع حد أدنى 100 جنيه مصرى حيث سعر السهم فى هذا الصندوق قيمة 8.33 جنيه ..ويمكن استرداد المبلغ بعد كده لما الدنيا حالها يتعدل بتقديم طلب في اى خميس من نهاية الاسبوع واسترداد المبلغ يوم الاحد التالى له.. كما يمكنكم معرفة سعر سهم هذا الصندوق الأحد من كل اسبوع بجريدة الاهرام اليومية، معلش هاخليك تقرا الأهرام انا عارف ده مؤلم قد ايه.

ولو مش بتحب تتعامل مع البنك الأهلي وعايز يكون عندك خيارات تانية، فيه خيارات اعلنت عنها البورصة المصرية في موقعها


قائمة بصناديق الاستثمار في الأسهم وبنوك الاكتتاب وعناوينهم ...اضغط هنا

Saturday, January 15, 2011

ثورة موش نورمال


يوم السبت 15 يناير 2011

الثورة التونسية لم تبدأ علي يد احد قادة أحزاب المعارضة في الداخل أو في الخارج، بل بدأت من ثورة شخص واحد بسيط من حملة المؤهلات اضطرته الظروف أن يبيع الخضار علي كارو، لما ضيقت عليه الشرطة مصدر رزقه في مدينته الصغيرة سيدي بوعزيز.. لجأ لمبنى البلدية وحين رفض احد الاستماع لطلبه، أشعل النار في نفسه ومات متأثراً بحروقه.. حين يثور المواطنون لكرامتهم ويرفضوا أن يعاملوا كالحيوانات الضالة.. ساعتها ستكون الحرية.

المجلس الدستوري التونسي يعلن عن فراغ منصب رئيس الجمهورية، بتولي رئيس مجلس النواب الرئاسة على أن تجرى انتخابات رئاسية خلال 45 يوما من اليوم .. إلسع يا ربيع.

يوم الجمعة 14 يناير 2011

علي طريقة المعلق الأسطورة محمود بكر أقول لو فيه حد لسه جاي من البلكونة ومايعرفش إيه اللي حصل في تونس.. شيكل البلد كان عادي تماماً.. محمد البوعزيزي شاب جامعي اشتغل بائع خضروات، أتظلم من البلدية، ولع النار في نفسه قدام البلدية، الناس عرفت ثارت، زين الهاربين عرف فـ زاره، محمد مات الشعب قام بمظاهرات، الشرطة ضربت في المليان، قتلت اكتر من خمسين، محمد مات بس أشعل ثورة هرب منها بن علي.




عشية هروب الرئيس التونسي زين العابدين بن علي
الرئيس الذي حكم تونس مدة 23 عاماً وأسقطه بائع خضار


Tuesday, January 11, 2011

بلد مش أد كده

في يوم 11-1-2011 وفي تمام الساعة 11:11 صباحاً حبيت يكون ليا مقال جديد علي مدونتي، مبدئياً انا حابب اعتذر انه مش أد كده، بس ليه لأ، ما هو انا نفسي بقيت مش أد كده، وعايز اعتذر لناس كتيرة جداً، يلا هيكون فرصة اني اقول وافتكر كل الناس اللي افتكروني مش أد كده، باعتذر أمام الله من نفسي إني السنة دي ماكنتش محمد اللي أنا عارفه من زمن أد كده، لـ كل صحابي اللي اتفقت علي مواعيد غير مواعيد الشغل وخلفتها لسبب أو لأخر مش أد كده، بأعتذر لـ صاحبة البوست كمان لأني مكنتش الصديق الوفي في معظم أوقات السنة و وقت حاجتها ليا وإني كنت في معظم الأحيان صديق مش أد كده، بأعتذر لكل زملاء العمل اللي اتعصبت عليهم لأسباب تافهة مش أد كده، والناس اللي أخرت عليها شغلهم لإنشغالي عنهم بحاجه مش أد كده!

بس ما هو صعب إني كنت أكون أي شئ صعب عليا أكونه في بلد فيها كل حاجه مش اد كده، هاوصل في ميعادي إزاي والمواصلات والطرق والكباري والأنفاق مش أد كده، هاحسب إزاي وقتي واظبط مواعيدي طول ما الإشارات مش أد كده، ما الإتوبيسات مش أد كده، التاكسيات مش أد كده، وأجيب عربية إزاي وامشي بيها فين وانا كل شغلي في وسط البلد والأماكن اللي بتتركن فيها العربيات مش أد كده، وأصلاً هو فين الشغل اللي هـ أوفر منه فلوس اجيب منها عربية الإ اذا كانت مش أد كده، طب ما المديرين مش أد كده، والمرتبات مش أد كده، والأسعار في الأساس مش أد كده، والأكل بقى مش أد كده، لأن الزراعات في الأرياف مش أد كده، وطبعاً الضمائر مش أد كده، لأن العائد ليهم مش أد كده، هيعملوا إيه ماهو عندهم مصاريف أد كده!

طب أحاول اعترض وأقول إن اللي بيحصل ده مش أد كده؟ يبقى هاحسبها حسبة هتغير كتير من خططي وإحتمال كبير ميبقاش منها ولا حاجه أد كده، بس فيه وسائل كتيرة باتكلم فيها والحمد لله لحد دلوقتي متاح ليا مساحة حرية حتي ولو كانت صغيرة أد كده، طب هاقول ايه وانا بقى جوايا هم أد كده، ومين هايسمع في بلد كله بقى بيجري علي همه ومصالحه اللي بعضهم بقت ثرواته أد كده، بس هو فيه أمل زي ما كل أغاني الأمل اللي سمعتها في حياتي واللي هي أد كده، بس حتي لو فيه أمل، فين النفسية السليمة والهدوء اللي كان الواحد بيحلم بيه وهو صغير أد كده، وامتي الواحد هيحاول يتغلب علي الهموم اللي بقت فوق دماغه أد كده!

عارف إن كده اللي باكتبه بيبث طاقة سلبية مش أد كده، لكن للأسف هو ده حال البلد اللي أثر عليا تأثير مش أد كده، إمبارح وانا بافكر مع نفسي لاقيت إن فيه حوالي 6 او 8 اشخاص بيتصلوا بيا وانا مش قادر ارد عليهم لأن رد فعلي تجاه اللي هيقولوه غالباً مش هيكون أد كده، ماليش نفس اخرج ولا اشوف حد ولا عايز اقابل حد ولا اضحك وبالعافية باعمل شغلي اللي بقى متراكم عليا أد كده! باعتذر ليهم كلهم لو بيقروا السطور دي لكن أنا فعلا مبقيتش أد كده! والنفسية مش أد كده! والصحة مبقيتش أد كده!

بس عايز أكد إن السبب مش أنا لأني أدها وأدود، السبب إنها بلد مش أد كده!