ثورة موش نورمال

يوم السبت 15 يناير 2011

الثورة التونسية لم تبدأ علي يد احد قادة أحزاب المعارضة في الداخل أو في الخارج، بل بدأت من ثورة شخص واحد بسيط من حملة المؤهلات اضطرته الظروف أن يبيع الخضار علي كارو، لما ضيقت عليه الشرطة مصدر رزقه في مدينته الصغيرة سيدي بوعزيز.. لجأ لمبنى البلدية وحين رفض احد الاستماع لطلبه، أشعل النار في نفسه ومات متأثراً بحروقه.. حين يثور المواطنون لكرامتهم ويرفضوا أن يعاملوا كالحيوانات الضالة.. ساعتها ستكون الحرية.

المجلس الدستوري التونسي يعلن عن فراغ منصب رئيس الجمهورية، بتولي رئيس مجلس النواب الرئاسة على أن تجرى انتخابات رئاسية خلال 45 يوما من اليوم .. إلسع يا ربيع.

يوم الجمعة 14 يناير 2011

علي طريقة المعلق الأسطورة محمود بكر أقول لو فيه حد لسه جاي من البلكونة ومايعرفش إيه اللي حصل في تونس.. شيكل البلد كان عادي تماماً.. محمد البوعزيزي شاب جامعي اشتغل بائع خضروات، أتظلم من البلدية، ولع النار في نفسه قدام البلدية، الناس عرفت ثارت، زين الهاربين عرف فـ زاره، محمد مات الشعب قام بمظاهرات، الشرطة ضربت في المليان، قتلت اكتر من خمسين، محمد مات بس أشعل ثورة هرب منها بن علي.

عشية هروب الرئيس التونسي زين العابدين بن علي

الرئيس الذي حكم تونس مدة 23 عاماً وأسقطه بائع خضار

التعبيرية المضحكة

الرئيس الأمريكي يتابع برنامج إخباري أمريكي

يعرض صورة الأهرام المفبركة "ألتعبيرية" ويضحك

الله يفضحك ياللي كنت السبب

قرغيزستان الشقيقة

مساء الخير

مفيش مانع إني اعرض لكم صورتين

احد الأصدقاء عرضهم علي صحفته في تويتر امبارح

الصورة الأولي هاحكيلكم عنها شوية

أما التانية فـ هتكون في اخر البوست انتوا احكوا عنها

الصورة دي في انقلاب حدث في دولة قرغيزستان الشقيقة

وهي دولة في آسيا الوسطي، تجاور الصين وطاجيكستان وأزبكستان وقزقستان

عاصمتها بشكيك ، استقلت عن الاتحاد السوفيتي في أواخر 1991

الانقلاب اللي حدث فيها بحسب ما أتطلعت علي الكثير من المواقع وعرفت

كان عبارة عن سلسلة من العصيان المدني حدثت في العديد من مدن قرغيزستان

السبب الرئيسي كان الاستياء الشعبي من الرئيس القرغيزي كرمان بك باكييف

ليه ؟ لأنه كان يمارس سياسة الحد من الحريات الاقتصادية والديمقراطية

قام المتظاهرون بالانقلاب على الحكومة القرغيزية

في مدينة تالاسيوم 6 أبريل و7 أبريل 2010

بعد أن سيطرت الشرطة القرغيزية على العاصمة بشكيك

وتم تأكيد 74 قتيلا وإصابة 500 شخص في هذا الانقلاب

في مساء يوم 7 أبريل 2010 وصل خبر أن الرئيس القرغيزي

كرمان بك باكييف قد فرّ إلى مدينة أوش القرغيزية

والتي يجري تنظيمها لمقاومة الحكومة الانقلابية الجديدة

قام زعماء المعارضة في قرغيزستان والتي سيطرت على العاصمة بشكيك

بتشكيل حكومة انتقالية برئاسة روزا أوتونبايفا

والتي تسيطر على كامل البلاد تقريبا باستثناء محافظات أوش وجلال أباد

التي كانت تحت سيطرة الرئيس القرغيزي المخلوع كرمان بك باكييف

كان باكييف قد عرض على المعارضة التي أطاحت به أن يقدم استقالته

مقابل ضمان سلامته وسلامة أقاربه !!

لكن رئيسة الحكومة المؤقتة روزا أوتونباييفا قالت

"يجب أن يحاكم للاشتباه في دوره بقتل عشرات من المتظاهرين"

لكن في النهاية تمكن الرئيس كرمان بك باكييف من الخروج من مدينة أوش

الى جمهورية كازخستان المجاورة بعد وساطات

قام بها رؤساء كل من أمريكا وروسيا وكازاخستان

فيما ألقت السلطات في قرغيزستان على وزير الدفاع السابق

في مطار مدينة جلال أباد أثناء توديعه للرئيس كرمان بك باكييف

الصورة التانية أهي

سلام

يا عين أمك

نقلت صحيفة النيو يورك تايمز الأمريكية

عن منظم حفلات في إسرائيل مسئول عن مهرجان موسيقي

ما وصفه تعليقاً علي تراجع العديد من الموسيقيين عن المشاركة

في فعاليات مهرجانات موسيقية و جولات كانت ستقوم بها في الفترة القادمة

بأن إسرائيل تتعرض لما اسماه " إرهاب ثقافي " !

طبعاً ردود افعال ما حدث تجاه قافلة الحرية امتدت للموسيقيين

وكان ردهم بالإعتذار نتيجة لـ "ظروف خارجه عن إرادتهم" ..

من الفنانين المعتذرين عن حضور مهرجان بك نك للموسيقي

فريق الروك الأمريكي PIXIES والمغني البريطاني الشهير Elvis Costello

طبعاً كعادتهم دائماً كمحبي للظهور بشكل الضحية

انتهت تصريحات المسئول الموسيقي بـ "قطع" دراعه علي القراء

محملاً هؤلاء الموسيقيين مسئولية احباط محبيهم من الإسرائيلين

نتيجة إعتذراهم قبل المهرجان بأيام قليلة !!

يا عين امك !

-

Elvis Costello - She .. from the Soundtrack of Noting Hill

-

Pixies - Hey

Live at The Eurockeenes Festival in Belfort, France

للإطلاع علي الخبر علي موقع النيو يورك تايمز ( هنا )

-

Pick of May 2010

May 18

Taylor Swift accepts the Song of the Year award for her song "Love Story" at the 58th annual BMI Pop Awards in Beverly Hills, Calif. (Fred Prouser-Reuters)

May 18

Morgan Freeman reads an excerpt during the Boston Pops world premiere of a musical tribute to President John F. Kennedy, and Senators Robert and Edward Kennedy in Boston. Freeman and others read from some of the Kennedys' most famous speeches for the premiere of "The Dream Lives On: A Portrait of the Kennedy Brothers." (Mary Schwalm-AP)

May 18

Actor Robert De Niro gets emotional after speaking about his personal relationship with members of the Kennedy family during a news conference at Symphony Hall in Boston. De Niro was on hand for the premiere of a musical tribute to the Kennedy brothers. (Steven Senne-AP)

May 17

Cast members Jake Gyllenhaal, left, and Ben Kingsley attend the party following the premiere of "Prince of Persia: The Sands of Time" in Hollywood, Calif. (Mario Anzuoni-Reuters)

تاريخ حقوق الإنسان

What are Human Rights?

http://www.youthforhumanrights.org/introduction/index.html

Do you know what Human Rights are?

Every person is entitled to certain rights – simply by the fact that they are a human being. They are "rights" because they are things you are allowed to be, to do or to have. These rights are there for your protection against people who might want to harm or hurt you. They are also there to help us get along with each other and live in peace.

Many people know something about their rights. They know they have a right to be paid for the work they do and they have a right to vote. But there exist many other rights.

When human rights are not well known by people, abuses such as discrimination, intolerance, injustice, oppression and slavery can arise.

Born out of the atrocities and enormous loss of life during World War II, the Universal Declaration of Human Rights was created by the United Nations to provide a common understanding of what everyone’s rights are. It forms the basis for a world built on freedom, justice and peace.

حقك تعرف

عشان النهاردة 10 ديسمبر اليوم العالمي لحقوق الإنسان

وعشان انا مقتنع ان من حق كل إنسان انه يُحترم..

وانه يعامل معاملة إنسانية محترمة طول ما هو عايش..

ولأن الله خلقنا جميعاً متساويين في كل شئ.. في حقوقنا ومسئوليتنا

مفيش حاجه بتفرقنا عن بعض الإ صفاتنا الفردية..

ولأن معرفة كل الناس لحقوقها و واجباتها شئ مش سهل..

أنا هافضل مقتنع.. وهأفضل أعامل الناس بما أحب ان يعاملوني..

وها غير كل حاجة سيئة حواليا من غير ما أتعصب..

ولا أخد جانب حد ضد حد..

ولحد أخر لحظه في عمري..

أنا محمد عزالدين صاحب مدونة بيت العز..

وده حقكم عليا انكم تعرفوا حقوقكم

-

الحق الأول - الجميع متساوون في الحقوق والمسئوليات

الحق الثاني - لا تميز

الحق الثالث - الحق في الحياة

الحق الرابع - لا للعبودية

الحق الخامس - الحق في الكرامة ونبذ التعذيب

الحق السادس - الاعتراف بالشخصية القانونية في اي مكان

الحق السابع - الكل متساون أمام القانون

الحق الثامن - كل الحقوق محمية بالقانون

الحق التاسع - الحجز التعسفي

الحق العاشر - الحق في محاكمة عادلة

الحق الحادي عشر - البراءة حتي تثبت الإدانة

الحق الثاني عشر - الحق في الخصوصية

الحق الثالث عشر - حرية الإنتقال

الحق الرابع عشر - الحق في الحصول علي مكان للعيش

الحق الخامس عشر - الحق في الجنسية

الحق السادس عشر - حرية التزاوج

الحق السابع عشر - حرية التملك والإقتناء

الحق الثامن عشر - حرية الإعتقاد

الحق التاسع عشر - حرية التعبير

الحق العشرون - الحق في التظاهر السلمي

الحق الواحد والعشرون - الحق في الديمقراطية

الحق الثاني والعشرون - الضمان الإجتماعي

الحق الثالث والعشرون - حقوق العمال

الحق الرابع والعشرون - الحق في اللعب

الحق الخامس والعشرون - الغذاء والمأوى للجميع

الحق السادس والعشرون - الحق في التعليم

الحق السابع والعشرون - حقوق الملكية الفكرية

الحق الثامن والعشرون - عالم عادل وحر

الحق التاسع والعشرون - المسئولية

الحق الثلاثون - لا يمكن لأحد ان يأخذ حقوقك كأنسان

لمعلومات أكتر عن الإعلان العالمي لحقوق الإنسان

www.un.org

www.unitedhumanrights.org

www.hrw.org

www.amnestyusa.org

www.munfw.org/archive/50th/4th1.htm

www.who.int/mediacentre/factsheets/fs241/en

www.hrw.org/en/news/2008/03/30/human-rights-crisis-somalia

www.state.gov/g/drl/rls/16087.htm

http://news.bbc.co.uk/2/hi/middle_east/3320293.stm

http://news.bbc.co.uk/2/hi/in_depth/7773830.stm

وإحنا معاهم

متظاهرين من العرب والمسلمين والأجانب المتعاطفين مع القضية الفلسطينية وقفوا خارج القاعة في المطر رافعين لافتات ضد النازي مجرم الحرب اولمرت، داخل القاعة المحتجون أوقفوا كلمته اكتر من 30 مرة منها في مرة ذكروا فيها أسماء الشهداء في غزة

بالطبع كانت الكاميرات ممنوعة داخل القاعة

لكن أكيد مفيش حاجة اسمها.. ممنوع !

خطاب باراك أوباما للعالم

الكتير من الناس كان ليهم رأي في مسألة اهتمام العالم كله الإنتخابات الأمريكية السنة دي، واللي فيها كان مرشح باراك حسين أوباما "أول أسود يرشح للإنتخابات الرئاسية"، والكتير قالوا كلام كتير جداً ما بين أمل وحلم وما بين ناس أصلاً بتستنكر علي الناس إهتمامها بحاجة جميلة !! عملية إنتخابية نظيفة !! حاجة مش بنشوفها كتير في حياتنا... حاجة زي الأفلام اللامعة الحلوة الرومانسية اللي البطل فيها بيجري عشان يلحق حبيبته وهو راكب تاكسي من التاكسيات الصفرا في شارع زحمة..!! فيحس إنها هتضيع منه ومش هيلحقها فينزل جري من التاكسي ( غالباً مش بيحاسب التاكسي وبما إن التاكسي تبع الفيلم في المنتج غالباً هو اللي بيحاسب !!)

المهم إننا كنا بنتفرج وإذا بي أفوجأ بناس صعبان عليهم اننا بنغسل القرف اللي شوفناه وبنشوفه كل يوم وكل ساعة بدءاً من "الطبعة الأولي" علي قناة دريم مع الصحفي أحمد المسلماني الساعة 8:30 بعديه "الحياة اليوم" علي قناة الحياة مع مذيعين مقدرتش احفظ اسمهم لأنهم سخيفين بدرجة سخيفة ودايماً مبتسمين وهما بيقولوا للناس همً كل يوم وبرضه نفس الإبتسامة السخيفة علي وشهم !! وأكنهم فرحانيين انهم طالعين ع التلفزيون !! وبعد كده طبعاً "90 دقيقة" مع معتز الدمرداش علي المحور و أخيراً والختام مع مني الشاذلي في "العاشرة مساءاً" علي قناة دريم..!!

قرف الواحد بيشوفه كل يوم وحال للبلد لم ولن ينصلح ولو بعد مليون سنة الإ لو حصل اللي قولت عليه لصديقتي "يمني" لما انتقدت اني مهتم بالإنتخابات الأمريكية ليه يعني؟ هيفرق معايا مين اللي هيكسب أوي؟ ... بس "يمني" ماكانتش لوحدها المنتقدة لإهتمام الناس بالإنتخابات !! فيه منهم كان مش مهتم لأنه لازم ميهتمش الا بالإنتخابات اللي في بلدنا ! مش عارف فين الإنتخابات دي؟ قولي عليها وأنا أهتم !! ده كان صديقي "هشام الحفناوي"، أو "دينا عبد الرازق" أو "محمد حسن" أو "سيف أبوزيد" أو أو أو كلاً كان ليه رأي يا إما مع يا إما ضد.

لكن كلهم كانوا بيصبوا في نفس المكان، وهو إمتي بقي نقدر إحنا كمان نغير !!

أحبطت جداً لما كنت باتابع الإنتخابات وإزاي الموضوع كان بيتم بمنتهي السهولة واليسر وكله بيحصل في دقائق !! طبعاً عملية الفرز اللي أقصدها هنا... أنا بدأت المتابعة من 3 الفجر، كان معايا علي الماسينجر صديقتي "العزيزة حالياً" واللي إتكلمت عنها في البوست اللي قبل ده... "Ilia" وهي من لوس أنجلوس، كاليفورنيا.. طبعاً كالعادة كلامها كان عميق جداً غير ما أنا شايف في التلفزيون وبأقرا في الجرايد اللي مازالت بتتعامل مع قراها بمنطق "وقعنا 200 طيارة للعدو !!"، كانت بتشرحلي ( وأنا تعبان جداً ومش قادر وبأنام ) بس هي كانت بتشرح عملية الفرز، وإزاي ولاية تكون متساوي فيها الديمقراطيين مع الجمهوريين، وإزاي بتتم عملية الفرز، وإزاي أوباما كان بينجح إنه يكسب أصوات ولايات هي في الأصل جمهورية..!! ولما كنت بأجري زي العبيط أقولها كسب ولاية "نيويورك" هيييييييييييييه !! إزاي كانت بترد بكل هدوء

NY is democratic !!

اللي هو كان فاضل تقولي .. يا حمار! ما هوا لازم يكسبها !!

شكراً يا ستي مكانش فيه داعي للإحراج يعني أنا كنت حاسس إنها ديمقراطية !! أهلها شكلهم ناس طيبين !!

معلش أعذروني أصلي متربي علي إن كل حاجة بتتاخد كده بالحب والنية الصافية اللي زي القشطة ولا مؤاخذة !! معلش معذور لما الاقي رئيس إتحاد كورة بينسب الفضل اننا كسبنا كأس امم في غانا !! عشان كان لابس نفس البدلة بتاعته اللي لبسها في كأس أمم 2006 !!

المشهد الأخير من عملية الفرز كان مؤلم ليا جداً..!! لما مذيع قناة ABC تشارلز جيبسون وهو بيتكلم مع مراسل في أخر خمس دقايق قبل ما تعلن النتيجة، المراسل بيلمح !! ان أوباما خلص بيحسم السباق في أخر أمتار !! وقال بالتعبير المتعارف عليه في الثقافة الأمريكية "السيدة البدينة لم تبدأ في الغناء، لكنها بدأت في الإحماء" ( ده كده يعتبر تحيز لأحد المرشحين ) المذيع إستني المراسل يخلص وأكد انه لن يتم الإعلان عن من هو الرئيس القادم الا بحلول الساعة الحادية عشر بتوقيت الساحل الشرقي وهي الثامنة بتوقيت الساحل الغربي وقبل ذلك لن نعلن من هو الرئيس القادم !!

يعني بيؤكد حيادية القناة الإخبارية مع إنه هو ممكن ان يكون صوت لصالح أوباما أو ماكين ولكنه كاااااااااااااااااان محاااااااااااااااايد !!!! كان مؤلم ليا لأني لو في مكان تاني كنت لاقيت المذيع بيقول... وهااااااا هو صاحب ( أي حاجة ) يتقدم ويفوز ويبرهن ويثبت لشعبه بأنه الأقدر خلال هذه الفترة العصيبة والتي شاهدناها معاً سوياً معاه طوال 80 سنة وهااااا هو يحصد الأصوات صوتاً بعد صوتا وكما أنت جميلة يا أصواااات الحرية !!!

المذيع قبل دقيقتين من تمام الساعة ومع الميعاد اللي المفروض تعلن فيه النتجية... سكت وبص لساعته، أول ما الساعة دقت 11 وكانت هنا 6 صباحاً قال إذا باراك أوباما هو الرئيس المنتخب للولايات المتحدة الأمريكية !!

يا سلام ؟؟ بس كده ؟ بالسهولة دي ؟؟ طبعا هي مش بالسهولة دي أكيد كان فيه شغل وتعب وجهد من كل الناس وكل اللي ساهموا في ده بس عجبني السلاسة في التعامل والدقة في كل شئ، وبما إني اول مرة اتابع الإنتخابات الأمريكية بهذه المتابعة الرهيبة، قبل كده كان يمكن احب أعرف مين اللي فاز بس، لكن بما اني كنت جوه التلفزيون باتابع ... أبهرني ان لكل شئ ( في القناة ) لكل شئ مقياس ومعدلات، وفيه ناس قاعدة بتراقب كل شئ، حتي كان فيه بنت شابة صغيرة كده مكتوب علي الشاسة بتاعتها، ( متابعة الإنترنت ) وكانت بتقول ايه التغيرات في الفييس بوك و تويتر وغيرها من المواقع !!

اللحظات التالية اللي هاشارككم بيها هي اللي أصابتني بالإحباط وأكدت لي ان إحنا لا يمكن نلاقي أوبامانا !! الإ إذا حصل اللي قولت لـ "يمني" عليه... حد يكلمها يا جماعه يعرف أنا قولت إيه قبل ما أموت !!