من أجل بورصة مصر

ببساطة شديدة اللي مطلوب من اي مصري حاسس ان حماية اقتصاد البلد دي يبدأ منه هو، حتى لو كان مواطن مش رجل اعمال ومعندوش استثمارات جبارة، حتى لو كان واحد زي وزيك اللي بتقرا السطور دي، لو معاك 100 جنيه مستغني عنها مش عايز تجيب بيها كارت للموبايل بتاعك، لو معاك 100 جنيه م عايز تدخل بيها سينما انت وصاحبتك او اخوك، لو معاك وعايز مصلحة البلد دي ممكن تكمل الكام سطر اللي جايين وتشوف هتقدر تعمل ايه.. لو هتحسب حساباتك ولسه عايز تعرف البلد غالية عليك او لأ، مفيش مشكلة كامل الإحترام لك بس متضيعش وقتك في القراءة.

صندوق الاستثمار هو محفظة استثمارية كبيرة تتكون من مجموعة مختلفة من الأوراق المالية، تدار هذه المحفظة بواسطة مديرين محترفين لديهم القدرة والإمكانيات اللازمة لإدارة هذه الاستثمارات. كل مستثمر (اللي هو انت وانا في الحالة دي) في صندوق الاستثمار يمتلك نصيبا في هذا الصندوق يطلق عليه وثيقة استثمار، وكل وثيقة تمثل نسبة ملكية في الأوراق المالية التي تكون محفظة الصندوق. وتكون وظيفة مديرو الاستثمار هي انتقاء هذه الأوراق المالية لتكوين المحفظة التي تحقق أهداف الصندوق الاستثمارية.

الاستثمار من خلال صناديق الاستثمار يمكن المستثمرين الأفراد من توجيه مدخراتهم إلي الاستثمار في الأوراق المالية بطريقة أقل خطورة وبصورة غير مباشر بدلا من الاستثمار المباشر في الأوراق المالية.

عشان الكلام ميلغبطكش بدل ما تشتري انت مجموعة من الأسهم وتعمل صندوقك الإستثماري بمعرفتك اللي مش هتكون كتيرة في حالة لو كنت راجل غلبان زي حالاتي.. تتميز صناديق الاستثمار بتوافر الإدارة المحترفة، تنويع الاستثمارات، تخفيض المخاطر، تنوع الأهداف الاستثمارية بما يتناسب مع طبيعة كل مستثمر بالإضافة إلى سهولة الاسترداد للأموال المستثمرة

مصر محتاجاك في ايه؟

يمكنكم الدعم بالسؤال عن صناديق دعم البورصة واصطحاب صورة من البطاقة الشخصية ببساطة شديدة، من الصناديق المفضلة صندوق رقم 5 فى البنك الأهلى الذى يمكنكم فيه دفع حد أدنى 100 جنيه مصرى حيث سعر السهم فى هذا الصندوق قيمة 8.33 جنيه ..ويمكن استرداد المبلغ بعد كده لما الدنيا حالها يتعدل بتقديم طلب في اى خميس من نهاية الاسبوع واسترداد المبلغ يوم الاحد التالى له.. كما يمكنكم معرفة سعر سهم هذا الصندوق الأحد من كل اسبوع بجريدة الاهرام اليومية، معلش هاخليك تقرا الأهرام انا عارف ده مؤلم قد ايه.

ولو مش بتحب تتعامل مع البنك الأهلي وعايز يكون عندك خيارات تانية، فيه خيارات اعلنت عنها البورصة المصرية في موقعها

قائمة بصناديق الاستثمار في الأسهم وبنوك الاكتتاب وعناوينهم ...اضغط هنا

ثورة موش نورمال

يوم السبت 15 يناير 2011

الثورة التونسية لم تبدأ علي يد احد قادة أحزاب المعارضة في الداخل أو في الخارج، بل بدأت من ثورة شخص واحد بسيط من حملة المؤهلات اضطرته الظروف أن يبيع الخضار علي كارو، لما ضيقت عليه الشرطة مصدر رزقه في مدينته الصغيرة سيدي بوعزيز.. لجأ لمبنى البلدية وحين رفض احد الاستماع لطلبه، أشعل النار في نفسه ومات متأثراً بحروقه.. حين يثور المواطنون لكرامتهم ويرفضوا أن يعاملوا كالحيوانات الضالة.. ساعتها ستكون الحرية.

المجلس الدستوري التونسي يعلن عن فراغ منصب رئيس الجمهورية، بتولي رئيس مجلس النواب الرئاسة على أن تجرى انتخابات رئاسية خلال 45 يوما من اليوم .. إلسع يا ربيع.

يوم الجمعة 14 يناير 2011

علي طريقة المعلق الأسطورة محمود بكر أقول لو فيه حد لسه جاي من البلكونة ومايعرفش إيه اللي حصل في تونس.. شيكل البلد كان عادي تماماً.. محمد البوعزيزي شاب جامعي اشتغل بائع خضروات، أتظلم من البلدية، ولع النار في نفسه قدام البلدية، الناس عرفت ثارت، زين الهاربين عرف فـ زاره، محمد مات الشعب قام بمظاهرات، الشرطة ضربت في المليان، قتلت اكتر من خمسين، محمد مات بس أشعل ثورة هرب منها بن علي.

عشية هروب الرئيس التونسي زين العابدين بن علي

الرئيس الذي حكم تونس مدة 23 عاماً وأسقطه بائع خضار

بلد مش أد كده

في يوم 11-1-2011 وفي تمام الساعة 11:11 صباحاً حبيت يكون ليا مقال جديد علي مدونتي، مبدئياً انا حابب اعتذر انه مش أد كده، بس ليه لأ، ما هو انا نفسي بقيت مش أد كده، وعايز اعتذر لناس كتيرة جداً، يلا هيكون فرصة اني اقول وافتكر كل الناس اللي افتكروني مش أد كده، باعتذر أمام الله من نفسي إني السنة دي ماكنتش محمد اللي أنا عارفه من زمن أد كده، لـ كل صحابي اللي اتفقت علي مواعيد غير مواعيد الشغل وخلفتها لسبب أو لأخر مش أد كده، بأعتذر لـ صاحبة البوست كمان لأني مكنتش الصديق الوفي في معظم أوقات السنة و وقت حاجتها ليا وإني كنت في معظم الأحيان صديق مش أد كده، بأعتذر لكل زملاء العمل اللي اتعصبت عليهم لأسباب تافهة مش أد كده، والناس اللي أخرت عليها شغلهم لإنشغالي عنهم بحاجه مش أد كده!

بس ما هو صعب إني كنت أكون أي شئ صعب عليا أكونه في بلد فيها كل حاجه مش اد كده، هاوصل في ميعادي إزاي والمواصلات والطرق والكباري والأنفاق مش أد كده، هاحسب إزاي وقتي واظبط مواعيدي طول ما الإشارات مش أد كده، ما الإتوبيسات مش أد كده، التاكسيات مش أد كده، وأجيب عربية إزاي وامشي بيها فين وانا كل شغلي في وسط البلد والأماكن اللي بتتركن فيها العربيات مش أد كده، وأصلاً هو فين الشغل اللي هـ أوفر منه فلوس اجيب منها عربية الإ اذا كانت مش أد كده، طب ما المديرين مش أد كده، والمرتبات مش أد كده، والأسعار في الأساس مش أد كده، والأكل بقى مش أد كده، لأن الزراعات في الأرياف مش أد كده، وطبعاً الضمائر مش أد كده، لأن العائد ليهم مش أد كده، هيعملوا إيه ماهو عندهم مصاريف أد كده!

طب أحاول اعترض وأقول إن اللي بيحصل ده مش أد كده؟ يبقى هاحسبها حسبة هتغير كتير من خططي وإحتمال كبير ميبقاش منها ولا حاجه أد كده، بس فيه وسائل كتيرة باتكلم فيها والحمد لله لحد دلوقتي متاح ليا مساحة حرية حتي ولو كانت صغيرة أد كده، طب هاقول ايه وانا بقى جوايا هم أد كده، ومين هايسمع في بلد كله بقى بيجري علي همه ومصالحه اللي بعضهم بقت ثرواته أد كده، بس هو فيه أمل زي ما كل أغاني الأمل اللي سمعتها في حياتي واللي هي أد كده، بس حتي لو فيه أمل، فين النفسية السليمة والهدوء اللي كان الواحد بيحلم بيه وهو صغير أد كده، وامتي الواحد هيحاول يتغلب علي الهموم اللي بقت فوق دماغه أد كده!

عارف إن كده اللي باكتبه بيبث طاقة سلبية مش أد كده، لكن للأسف هو ده حال البلد اللي أثر عليا تأثير مش أد كده، إمبارح وانا بافكر مع نفسي لاقيت إن فيه حوالي 6 او 8 اشخاص بيتصلوا بيا وانا مش قادر ارد عليهم لأن رد فعلي تجاه اللي هيقولوه غالباً مش هيكون أد كده، ماليش نفس اخرج ولا اشوف حد ولا عايز اقابل حد ولا اضحك وبالعافية باعمل شغلي اللي بقى متراكم عليا أد كده! باعتذر ليهم كلهم لو بيقروا السطور دي لكن أنا فعلا مبقيتش أد كده! والنفسية مش أد كده! والصحة مبقيتش أد كده!

بس عايز أكد إن السبب مش أنا لأني أدها وأدود، السبب إنها بلد مش أد كده!

أنا مصري

غريبة حكاية الواحد منا

كل واحد أهم واحد

بضعفه أقوي

بحبه أقوي من أي واحد

بإصراره يقدر يوصل

وفي خياله يعيش عالم تاني ماشفوش أي واحد

ممكن بضحكه يأثر في واحد

بحركة يقول حكاوي كتير

بكلمة يقرب لملايين

بصوته يوصل لأي واحد

جدع ساعة الزنقة

بسيط وعلي قد بساطته ملك

بلمسة يقوم الدنيا

من مكانه يحرك احساس الواحد

وهي دي قوة 80 مليون واحد

قوتنا مش إننا بقينا رقم واحد

قوتنا في قوة كل واحد .. أنا مصري

Think About It

Buy It Online

A book of short stories about facts, fantasies, dreams & wishes.

We all live in an infinite space of facts and fantasies.

Facts, Fantasies, Dreams & Wishes; human beings live among all these floating thoughts. Still some of us ignore facts and live in an illusion, others exhaust their brains and enjoy abstract facts, and few enjoy dreams and miss real life. Wishes.. I believe we all make wishes, without them we won’t have a reason to wake up in the morning to see them come true.

Many stories in my book will take you through a life time journey among all the facts, fantasies, dreams and wishes that only take place inside our deep minds.

They may all look or sound like bed time stories. Take few silent moments after each story and “Think About It”, I am certain these elapsed thoughts will make a huge difference in your perspective towards life.

MARWA HALAWANY

A human being, a female, who lives on planet Earth, Planet Africa, on Egypt land. Was born years ago; Made of flesh & blood. Other Human beings males and females rotate around the same circles of life she rotates around.

She fell in love once, broke her heart hundreds of times. One morning she woke up and realized she can THINK! She wrote down her ideas in simple short stories.

“They may all look or sound like bed time stories. Take few silent moments after each story and “Think About it”, I am certain these elapsed thoughts will make a huge difference in your perspective towards life.” Marwa Halawany

في دولتي

مساحة تعبيرية

عن ما أحب ان أعتقدني أتمتع به

الصحيان بدري في دولتي يُعاقب عليه القانون

اللعب في دولتي لا يُعاقب عليه القانون ولا يجرمه

العمل في دولتي يُعاقب عليه القانون

في دولتي الصحاب لبعضيها مش العكس

التحوير في دولتي يُعاقب عليه القانون ويبغضه

>> دولتي لسه كبيرة واللي يعيش فيها ياما يشوف

الرياضة مش للجميع

الفرق بين العرب وغيرهم في الرياضة شاسع، في كل مكان في العالم، الرياضة هي وسيلة للترفيه والإمتاع، وفي أوقات كتيرة للتعارف بين الشعوب وبعضها، والإ مكانش حد سمع عن البرازيل (في حالة إن مالوش في البن). الإ عندنا، إحنا الوحيدين اللي بنعاير بعض بإنتمائاتنا الرياضية، بنتيجة انتصاراتنا، بصفقاتنا الجديدة، ولو خسر فريقنا كتير منا بيصابوا بسكتات في القلب والدماغ ..وده دليل قاطع إن ولا القلب مليان ولا الدماغ شغال