أسطول الرجالة

صباح الخير

يوم الاثنين 31 مايو 2010

اعترضت القوات الإسرائيلية أسطول الحرية

واللي كان متكون من أكتر من سفينة

متجهين إلي عزة لكسر الحصار

أسطول الحرية اللي أكتره كان من الأتراك

وانضم ليهم مئات من النشطاء من مختلف أنحاء العالم

ومنهم كان أعضاء من البرلمان المصري كمان

-

الفيديو اللي ها عرضه هنا من أكتر الفيديوهات

اللي لفتت انتباهي من بين سيل الفيديوهات

وكل الجروبات والاضرابات والمظاهرات اللي حصلت

الفيديو بتستخدمه إسرائيل عشان تثبت إن جنودها

انضربوا لما نزلوا علي متن سفينة الحرية !!

و إزاي النشطاء عدموهم العافية قبل ما يضربوا عليهم نار

عجبني الفيديو جداَ لأن اظهر اننا نقدر نرد وندافع عن نفسنا

ومش عارف ليه العرب مش بيتكلموا

بنفس مبدأ البجاحة اللي الصهاينة بيتعاملوا بيه !!؟

-

يعني ممكن كان الخبر

وبكل شجاعة اتنقل كالتالي ..

- أسطول الحرية اتجه الي عزة لكسر الحصار

- أسطول الحرية ضربت بالحصار عرض البحر

- القوات البحرية الصهيونية اعترضت أسطول الحرية

- النشطاء المسالمين استنوا لما القوات نزلت ع السفينة

- النشطاء المسالمين عدموهم العافية ضرب بكل

حاجه

- النشطاء المسالمين دافعوا عن نفسهم و قاوموا مقاومة شديدة

- النشطاء المسالمين رموا عسكري صهيوني من فوق المركب

- النشطاء المسالمين ولمدة 4 دقائق كانت ليهم الغلبة

- ده طبعاَ لحد ما تم اطلاق النار عليهم

ليه رافضين نظهر حتي إننا بنقاوم؟

ليه حابين إننا نظهر في موقف الضحية الغلبانة المنكسرة؟

ليه الندب والعويل وأكننا مش رجالة؟

خلصت النقطة اللي كنت عايز اوضحها

تحية لكل الرجال علي سفن إسطول الحرية

سلام